JEREMIA 49:19 - AMÜSÜH HÜM CL Bible (BSI)

¹⁹ Kekhüzü khülang Jordan sangrung akheah chingnü aphüyak rimlopung azhihde atukhi nangde, inü tsükjide ju chingnü Edom yanyuka bahbah; tüsho ju kurungkheak inü amokhitkhi zojihbah. Tümüde I nangde she la? Shepünü I azhihkhukla? I miki zhipkhukpü thsüde namfimihnu neakrü she la?

JEREMIA 49:19 Iomraidhean Croise

1 KIUTHSÜYUKHEAN 12:15

Harü ha ayung mide abukchoki, tüsho jindükhün ching larü hiumüzütde aniakhiuklim tüsho aniyüzahlim yüshihchoki akhuhbe khinu ching Jordan horübo lakheah.

2 KIUTHSÜYUKHEAN 20:6

tüsho tha, “O Atungpuh , isa jipürü Thrünpuh, nü yinmi ching Thrünpuh yung de? Nünü trükshihbo yo kiulongthsübo alala kurungkheak yakzan mushuh de? Nü khah ching wu tüsho sühmüh lah, junangde shenü nü mazhihkhuk.

JOB HU H T ANYU 41:10

Api müneahmusupü thsüde sheshe khide bukakhiukkhi müla. Shepünü I miki zhipkhukpü?

JOB HU H T ANYU 9:19

Ha sühmüh azhihachihkhi dükhülaa, api amüküpbuh ah! Ha mahkhap ah dükhülaa, shenü api jikhukpü?

JOB HU H T ANYU 9:21

I mungchih müla; tütüshe inü I mümükheah; inü I rhangdung thraneanlah.

MUNGSHIKHÜN 143:2

Nü yamlarü kheak mahkhappü ching düyüzah, tümüde nü miki rhangdung lakhi sheshe thiyuro-lungki müla.

MUNGSHIKHÜN 76:7

Nü lang atrepü lah. Nü bukakhiukchoki shenü nü miki zhipkhukpü la?

MUNGSHIKHÜN 76:8

Nünü yinmi chingnü mahkhappü tha, tüsho alominü tre tüsho zhikde la.

MUNGSHIKHÜN 89:6

Tümüde yinmibo ching shepünü Atungpuh kheak akekhukba? Wuto tsührübo lung shepü Atungpuh nangde la?

MUNGSHIKHÜN 89:8

O Atungpuh Wuto Thrünpuh, O Atungpuh , nü nangde she wuto la? Nü thiyuro lakhinü nü mükamdolah.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

ISAIA 40:25

Dale nünü I she kheak akeakheahba, yungsho I thülünkhi she a? Amüsühbuh Khülangnü thachoh.

ISAIA 46:9

Adüso dünjikhibo lümkhitang; tümüde I Thrünpuh ah, tüsho püpürü müla; I Thrünpuh ah, tüsho I nangde she müla,

JEREMIA 12:5

Nünü jingnü alihrü lung alihbah keaksho, küde thsah nünü khorabo lung azhihba? Tüsho müsürikhi mükeak ching nü angaksho, Jordan mütüm ching nünü küde athsüpü?

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 30:21

Arü kovünor arü bolung chingnü alabah, arü yakzanshuhrü arü bolungnü arübah; inü api phünide bedarübah, tüsho api I ki arübah tümüde shepünü müjide I ki arükhukpü? Atungpuhnü thachoh.

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

DANIEL 7:4

Akhuhbe ju kekhüzü nangde tüsho müleang ghidükeang kihbah alakheah. Jushu, inü kheahshe, aghibo ju dukkhi, tüsho alo kheaknü ju shuhkih tüsho mihtsürü nangde jing mahnenü zhip; tüsho ju kheak mihtsürü mulong jih-a lakheah.

NAHUM 1:6

Api bukakhiukkhi müngüh shenü azhipkhukpü? Api bukakhiukkhi atak shenü arümkhukpü? Api mulong zhipzhip ju mo nangde dungkhitchoh, tüsho api hode lungtobo adütre kamde yihnakchoh.

ZEKARIA 11:3

Aniang, namfimihnu neakrünü tüzhokhi, tümüde arü müretahkhi thsümünima lah! Aniang, kekhüzübo arungkhi, tümüde Jordan ching khide akheahkhi murung thsümünimdo!

WÜHKHE 16:5

tüsho apinü Kora tüsho ajingyanrübo ki tha, “Shido yapsu Atungpuhnü sherü api yo a tüsho shepü amüsühanü ahuhbah, tüsho ju buh mihtsürü api phünide ayülishihbah; junangde shepü apinü amokhitbanü api phünide ayüshihbah.

JIHUSUA 3:15

tüsho küyimki amükeamrübonü tangzüng sangdan hanbah ke münküp ching tsahyukkheanü Jordan ke ju yimlu ruhroro bukkhitde buk,

AMIKHEAKAKHIUKKHI 6:17

tümüde arü bukakhiukkhi nimung ato arüdo, tüsho shepünü ju müngüh zhipkhukba?”