JEREMIA 49:17 - AMÜSÜH HÜM CL Bible (BSI)

¹⁷ Edom ju mihtrebe kukruk kambah; ha horü abannü müyinsahbah tüsho ha thsümütsü alala dünkheaknü ish thsübah.

JEREMIA 49:17 Iomraidhean Croise

1 KIULONG THSÜRÜ 9:8

Ha yam ha athsümünimkhibo mujung kambah; ha horü abannü amüyinsahbah, tüsho ish dübah; tüsho arünü athabah, ‘ Tümüde Atungpuhnü ha lomi tüsho ha yam kheak hadürü rhimokhea?’

JEREMIA 18:16

arü lomi atrebe kamshihde, lünnü ish thsüpü lah. Ha ki horü alala trechoh tüsho arü kubo lukchoh.

JEREMIA 49:13

Tümüde I küdahnü thiyuchihchimdo, Atungpuhnü thachoh, junangde Bozra ju mihtrebe tüsho münedung, abahkhi, tüsho muthrukhi kukruk khülang kambah; tüsho anihbe kiutobo alala lünnü abahkhi labah.

JEREMIA 50:13

Atungpuh bukakhiukkhinü Babilon ching she mülade zhikrangkhündo alabah; Babilon horü abannü müyinsahbah tüsho anihbe mübo alala thsungkheaknü ish thsübah.

JEREMIA 51:37

tüsho Babilon ju athsümünim mujung, shirungbo yam, mihtrebe kukruk tüsho ish thsübe, mihtsürü mülade akambah.

EZEKIEL 25:13

jumonü Atungpuh Thrünpuhnü ha thachoh, Inü Edom azhihde I khah chungkihbah, tüsho mihtsürü le shiwüh kheaknü lipkhia bahbah, tüsho inü ha thsümünimbah; Teman kiuto chingnü Dedan kiuto khiungde arübo nukshangnü akeambah.

EZEKIEL 27:36

Mihtsürü bolung shothsümolorünü nü kheak ish thsüchoh; nü a mihtrebe kamdo tüsho lünnü mülalo.

EZEKIEL 35:15

Tümüde nünü Israel yamkhün yamrüplurüp kurungkheak asühachihdo, tümütüsho ha zhikrangkhündo lakheah, jumonü inü nü ki rhimobah; nü zhikrangkhündo alabah, O Edom müzüng, nü tüsho Edom alala. Judüki I Atungpuh de arünü mükheahbah.

EZEKIEL 35:3

tüsho thaang, Atungpuh Thrünpuhnü ha thachoh: Inü nü azhihde lah, Edom müzüng; nü zhikshihpü tüsho abahkhi kamshihpü inü nü azhihde I khah chungkihlah.

EZEKIEL 35:7

Inü Edom müzüng abahkhi tüsho azhik khülang kamshihbah; tüsho ju ching arüla yüla dürü laksah-a bahbah.

MIKA 6:16

Nünü Omri yakzan thsükhibo tüsho Ahab yamkhün rhimobo zodo, tüsho nünü arü lalimlakobo yando. Jumonü inü nü ju athsümünim, tüsho nü kheak larübo ish thsüpü kamshihkheah; jumonü I mihtsürünü abahyukkhi nünü ahanbah.

ZEPHANIA 2:15

Ha lülüshishi tüsho tsüde lah dükhi kiuto, anihbenü tha, “ I lah tüsho sheshe müla!” Anihbe küdükhüh athsümünimkhi kamde, mütüm shiwüh yam lah! Anihbe tsahhorü abannü ish thsüchoh tüsho khahduthrung hitchoh.

YUZÜNGTHALO 29:22

“Junangde nüsa dunglim asürükhi tsührübo lün, tüsho limshu lomi chingnü arükhi khiungkerübonü Atungpuhnü ju lo ching arüm tüsho tukthsü zojihkhi ngübahle athabah: