JEREMIA 49:16 - AMÜSÜH HÜM CL Bible (BSI)

¹⁶ Nünü bukmükekhi tüsho nü mulong kükheangkhinü nü mülapyukdo, nü shepü lungkubo ching lacho, shepü awung achang ramrihla. Nünü müleang nangde changde sap shushu she, ju chingnü inü nü thokhibah, Atungpuhnü thachoh.

JEREMIA 49:16 Iomraidhean Croise

2 KIULONG THSÜRÜ 14:7

Apinü Edomrü thimi jindükhün chingnü 10,000 laksah tüsho thirithsü chingnü Sela yankhia lubah ju Joktheel de ji, ju mung khihni khiungde lah.

JOB HU H T ANYU 39:27

Nü yukhüm hode müleangnü phinde yükihcho de, tüsho achang kheak asap shucho de?

MÜCHITMUDU 16:18

Lülüshishi ju athsümünim müngüh, tüsho kükheangküyang akeamkhi müngüh yüchoh.

MÜCHITMUDU 18:21

Ashekhi tüsho rhangdung mulo wu ching lah, tüsho sherünü ju muzhochonü ju sangaso tsühbah.

MÜCHITMUDU 29:23

Mihtsürü lülüshishinü nihbuh abobe kamshihchoh, tüshe me ching azhihayihkhinü wüntre ngüchoh.

KHÜNBOLUNGKHÜN 2:14

O I müthrithrümpü, lungto dükeak ching, ajikpung awung-düpheak ching, inü nü miro kheahanü, inü nü düsheak soanü; tümüde nü düsheak niunglah, tüsho nü miro tsülah.

ISAIA 10:14

I khahnü mihtsürübo lakhit wuhnu sap nangde ngükhitdo; tüsho khürünü abahyukkhi wuhnuke momukhungkhi nangde, inü alomi alala momukhung; tüsho shenü she aghi maphap, yungsho mün müka, yungsho mukhung.”

ISAIA 2:21

Atungpuh atrebe tüsho api wüntre-müretah chingnü tsokhide lungkhün atobo tüsho lunghü dükeak ching yüzahpü thsüde, alomi müzünpü api asürüchoki labah.

ISAIA 49:25

Tüshe Atungpuhnü ha thachoh: “ Wutonü aramkhi she alubah tüsho bukmüke shih she abekhitbah; tümüde nü kheak shochihrü kheak inü shochihbah, tüsho inü nü tsührübo khümkhitbah.

JEREMIA 48:14

“ Isa athrungrübo tüsho amüzhak thirithsürübo ah” de küde thsah nüsanü thakhukpü?

JEREMIA 49:15

Tümüde inü nü trükshih bolung aninibe kamshihde, mihtsürünü mükhemükimshihbah.

JEREMIA 50:29

Babilon azhihde hühzo-kiprü, sanglüh hünrü alala jimukhungang. Anihbe mükamde alala binang; sheshe dütsokhishih. Anihbe rhimobo yande anihbe ki jihloang; anihbenü arhimokhi nangde, anihbe ki rhimoang–tümüde anihbenü bukakhiukde Atungpuh , Israel Amüsühbuh ki keochihdo.

JEREMIA 51:53

Babilonnü thüning lim yükihkih she, tüsho anihbenü chipi changde ayünyün she, I kilimnü athsümünimrü anihbe kheak arübah, Atungpuhnü thachoh.

AMOS 9:2

Arünü Ashe-lomi ching kiude yüzahzah she, ju chingnü I khahnü arü lubah; arünü thüning kheak künkihkih she ju chingnü inü arü bekhibah;

HABAKKUK 2:9

“ Nüsa sherü nüsa yambo thsungkheak amülim alü thsükhinü, thsünimthsüshi chingnü khümkhitpü thsüde nüsa sap achang kheak lanü are!”

MALAKI 1:3

tüshe inü Esau thranean; inü api müzüngbo lomi ju azhik tüsho api yamrüplurüp ju shirungbo thsungkheak loshelo kamshih.