JEREMIA 49:13 - AMÜSÜH HÜM CL Bible (BSI)

¹³ Tümüde I küdahnü thiyuchihchimdo, Atungpuhnü thachoh, junangde Bozra ju mihtrebe tüsho münedung, abahkhi, tüsho muthrukhi kukruk khülang kambah; tüsho anihbe kiutobo alala lünnü abahkhi labah.

JEREMIA 49:13 Iomraidhean Croise

THRÜNTAN 22:16

tüsho tha: “Inü ha thiyuchihchimdo, Atungpuhnü thachoh, tümütüsho nünü nü tsührü khülang lang alakhi tukloa muzode rhimodo,

THRÜNTAN 36:33

Bela sheabah, tüsho Bozra chingnü Zera tsührü Jobabnü api müthri kiulongthsü.

1 KIUTHSÜYUKHEAN 1:44

Küyimki Bela shekhea, Bozrarü Zera tsührü Jobabnü api müthri.

ISAIA 34:6

Atungpuh nukshang khülang lah; ha thiyih shitkih-a lah, namfimihnu tüsho mihnu thiyihbonü, namfimihnupung mügei müdangnü mujukihlah. Tümüde Atungpuhnü Bozra ching shuhmülanga jihkhi lah, Edom lomi ching alaksahkhi ato lah.

ISAIA 45:23

Inü thiyuchihchimdo, I mün chingnü thiyuro-lungki yu khülang malodarüpü thsüde wukhiukdo: “ I ki mukhuk alalanü khukningbah, mulo alalanü thiyuchihchimbah.”

ISAIA 63:1

“ Edom ching lakhi Bozra chingnü rung-khiungkhi khim yihbah arücho ju shepü a? Müretahkhinü züt thsübah, wu ato chingnü arücho ju shepü a?” “Ha I, thiyuro-lungki ching asukchoh, akhümkhitpü wu lah.”

JEREMIA 18:16

arü lomi atrebe kamshihde, lünnü ish thsüpü lah. Ha ki horü alala trechoh tüsho arü kubo lukchoh.

JEREMIA 19:8

Tüsho inü ha kiuto atrebe, ish thsübe khülang kamshihbah; ha chingnü ahorü abannü ha thsümütsü dünkheaknü atrebah tüsho ish thsübah.

JEREMIA 44:26

Jumonü Atungpuh yu aniang, Ijip lomi ching larü nüsa Judarü alala: Kheahang, I mung ato hode inü thiyuchihchimchoh, Atungpuhnü thachoh, Ijip lomi alala ching Juda mihtsürü shepü münküp kheak she ‘ Atungpuh T H RÜ NPU H lah’ de dütha.

JEREMIA 48:24

tüsho Kerioth, Bozra, tüsho Moab lomi kiutobo alala ching, limshu tüsho aphüni.

JEREMIA 49:22

Kheahang, müleang nangde apinü müheankihbah tüsho phinkhibah, tüsho Bozra azhihde api ghidükeang chutreakbah, tüsho ju nimung Edom thirithsürübo ju aliberü khungarü ngüpü thsünükhi nangde alabah.

JEREMIA 51:14

Wuto Atungpuhnü aküdah thsüde thiyuchihchim. Tsükjide inü nü tangkho boto nangde mihtsürübonü amishihbah, tüsho arünü nü kurungkheak akukkhi düsheak ahobah.

JOEL 3:19

Juda mihtsürü ki arü lomi ching arünü amülim-mülarü thiyih bukde amütsü rhimokhi hode Ijip ju azhikkhi kambah tüsho Edom a abahkhi sunglo kambah.

AMOS 1:12

Jumonü inü Teman kheak mo khülang yüshihbah tüsho junü Bozra chipibo aniuabahbah.

AMOS 6:8

Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.

OBADIA 1:18

Jakob yamkhün ju mo nangde, Josep yamkhün ju motru nangde alabah, tüsho Esau yamkhün a hitsüt nangde alabah; arünü jurü takbah tüsho aniuabahbah, tüsho Esau yamkhün chingnü she mülade alabah; tümüde Atungpuhnü asukdo.