JEREMIA 49:12 - AMÜSÜH HÜM CL Bible (BSI)

¹² Tümüde Atungpuhnü ha thachoh: khürü pung yungpü müthülünlün she, judü lang ayungbah, nü a müthsümüchide atsoba de? Nü müthsümüchide müyü; nünü ju ayungpü tsütsü.

JEREMIA 49:12 Iomraidhean Croise

MÜCHITMUDU 17:5

Shepünü zhochihrü luhmünechonü api Thrünrü mükhemükimchoh; shepünü thsümütsürü kheah-a münejihchonü müthsümüchidüa mutso.

JEREMIA 25:15

Tümüde Atungpuh , Israel Thrünpuhnü I ki ha thachoh: I khah chingnü ha bukakhiuk yukhu pung luang, tüsho inü nü yüshihpung trükshihbo alalanü ha yungshang.

JEREMIA 30:11

Tümüde nü khümkhitpü I nü lung lah, Atungpuhnü thachoh, inü nüsa hiumüzütshihpung trükshihbo alala kheamshihbah, tüshe nü a inü mükheamshih. Thiyuronü inü nü danbah, tüsho nü shahde müthsümüchidüa mutsoshih.

JEREMIA 46:27

Tüshe nü thsungkheaknü, dütre I yamlarü Jakob, tüsho mulong dünini O Israel; tümüde limshu chingnü inü nü tüsho ramde ayükhi lomi chingnü nü tsührü khümkhitbah. Jakob alodarübah tüsho mungtsü tüsho sühakhim labah, tüsho shenü api mütreshih.

OBADIA 1:16

Tümüde nünü I yo amüsüh müzüng kheak yungkhi nangde, nü mühirü trükshih alalanü ayungbah; arünü ayungbah tüsho ayingyingbah, tüsho arünü küyimkishe müthsüa kheahkhi ruk labah.

MATHI 20:22

Tüshe Jisunü arü ki tha, “Nüsanü tümü keokhichonü nüsanü mümükheah. Inü ayungpü lakhi pung nüsanü ayungkhukba shi?” Arünü api ki alo, “Isanü akukbah.”