JEREMIA 48:8 - AMÜSÜH HÜM CL Bible (BSI)

⁸ Kiutobo aban kheak athsümünimrü arübah, tüsho kiuto küpü she mutsokhit; jindükhün dükheakbah tüsho adükhün thsümünimbah, I Atungpuhnü asukdo.

JEREMIA 48:8 Iomraidhean Croise

JEREMIA 15:8

Arü khimoberübo keto loyi kheaknü hihdakde kamdo; animuro inü athunu mihtsürü berübo azhihde athsümünim handarübah; zukleangnü inü arü kheak thsünü tüsho atrebe handarübah.

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 48:18

O Dibon ching larübo, nüsa müretahkhi chingnü akiang tüsho asungthulung lo kheak binang, tümüde Moab thsümünimrü nüsa azhihde atubah tüsho nüsa chipi ayünkhi kiutobo thsümünimbah.

JEREMIA 51:56

tümüde athsümünimrü khülang Babilon azhihde arüdo; anihbe thirithsürübo luabahdo, arü sanglühbo zhaka lah; tümüde Atungpuh ju ashaklo Thrünpuh ah, apinü mide ajihlobah.

JEREMIA 6:26

O amuzhobe I mihtsürü, shungliukhim phuyuang, tüsho awah ching kolahang; tsührü khülang thsungkheak nangde khide khühde tüzhoang: tümüde athsümünimrü zukleangnü isa kheak arübah.

EZEKIEL 25:9

jumonü inü Moab aredung kiuto atsüdakbo–Beth Jeshimoth, Baal Meon tüsho Kiriathaim yanshihbah.

JIHUSUA 13:17

Heshbon tüsho awung düpheak kheak kiutobo: Dibon, Bamoth Baal, Beth-baalmeon,

JIHUSUA 13:21

wung düpheak kheak lakhi kiutobo tüsho Heshbon ching yakzanshuhbuh Amor kiulongthsüpuh Sihon kiulongthsü alala belah. Mosanü api tüsho Midia yakzanshuhrü harü kukkhit: Evi, Rekem, Zur, Hur, tüsho Reba. Arü alalanü Sihon kiulongthsüpuh lung lomi ching yakzan shuh.

JIHUSUA 13:9

Arü lomi chinde ayükhi ju Aroer (Arnon jindükhün chinkheam ching), jindükhün phulung kiuto tüsho wungduduh alala Medeba chingnü Dibon khiungde;