JEREMIA 48:45 - AMÜSÜH HÜM CL Bible (BSI)

⁴⁵ Heshbon alamme khüp tsotsahrümtsahrübo keaka tukloa lah; tümüde Heshbon chingnü mo khülang, Sihon yam chingnü motru khülang akhiukbah; hanü Moab kingkang, alanaji mihtsürü thangphülang aniubah.

JEREMIA 48:45 Iomraidhean Croise

MUNGSHIKHÜN 135:11

Amorrü kiulongthsüpuh Sihon, Bashan kiulongthsüpuh Og, tüsho Kanan kiulongthsübo alala–

MUNGSHIKHÜN 78:63

Monü arü athunu mihtsürübo aniuabah, tüsho anünürübo mürhangshih.

JEREMIA 2:16

Ju lang yung, Memphis tüsho Tapanhes mihtsürübonü nü kuro yihrüpdo.

JEREMIA 48:2

Moab shikhi kheaküa müla. Heshbon ching arünü anihbe azhihde amütsü lümkhi thsüdo: “Arang, isanü anihbe trükshih lakhi chingnü dükheakshihanü!” O Madmen kiuto, nü she zhikrangkhündo akambah; nukshangnü nü yande müshambah.

AMOS 2:2

Jumonü inü Moab kheak mo khülang yüshihbah, tüsho junü Kerioth chipibo aniubah, tüsho ahode hulipungpung mütkhi düsheak ching Moab shebah;

ZEKARIA 10:4

Arü bolung chingnü amühit-lung arübah, arü bolungnü khimyam ashungdung labah, arü bolungnü keochih sanglüh labah, arü bolungnü limthorü labah.

WÜHKHE 21:21

Judüki Israelrünü Amor kiulongthsüpuh Sihon kilim yunithsürü yüshihde tha,

WÜHKHE 21:26

Tümüde Heshbon ju Amorrü kiulongthsüpuh Sihon kiuto lakheah, api hode akhuhlim Moab kiulongthsüpuh kheak keochih, tüsho api lomi Arnon khiungde lukham.

WÜHKHE 21:28

Tümüde Heshbon chingnü mo, motru khülang Sihon kiuto chingnü akhiuk; junü Moab ching lakhi Ar thsümünim tüsho Arnon mujukbo muliuabah.

WÜHKHE 21:29

Moabrübo nüsa ayokhe! Nüsa Kemosh kingaünrübo dükheakabahdo! Nüsa Thrünpuhnü athrürübo tsotsahrümtsahrü kamshih, tüsho aliberübo Amor kiulongthsüpuh khah ching aramrü kamshih.

WÜHKHE 24:17

Inü api ngüchoh, tüshe kheakü yung; inü api kheahchoh, tüshe müphüni– Jakob kheaknü chining khülang akhiukbah; shoto tso khülang Israel bolungnü asürübah; apinü Moab aredungbo zünakbah tüsho Seth tsührübo alala keamshihbah.

MATHI 21:42

Jisunü arü ki tha, “Nüsanü amüsühyubo ching mükheakheah de: ‘Thüyam-thsürünü abahyukkhi lung ju amühit-lung kamdo; Atungpuhnü ha rhimodo, tüsho ha isa mük ki amüyinsahbe lah’?