JEREMIA 48:42 - AMÜSÜH HÜM CL Bible (BSI)

⁴² Trükshih khülang lakhi chingnü Moab thsümünimbah, tümütüsho apinü Atungpuh azhihde wusudo.

JEREMIA 48:42 Iomraidhean Croise

MÜCHITMUDU 16:18

Lülüshishi ju athsümünim müngüh, tüsho kükheangküyang akeamkhi müngüh yüchoh.

ISAIA 16:14

Tüshe kheakü Atungpuhnü thachoh, Muloa-rhimoshihrü kambo nangde kam mahsam dükeak chingnü mih hihde lalashe Moab müretahkhi ju abahyukkhi kambah; tüsho sherü aninga labanü khide anükbah tüsho arü reangmüzahde alabah.

ISAIA 37:23

Nünü she kheak keangrümünekhea tüsho mükhemürangkhea? She azhihde nü düsheak zhikhea tüsho lülüshishide nü mük züngkihkhea? Amüsüh Israel Thrünpuh azhihde ah!

ISAIA 7:8

Tümüde Siria ku ju Damaska, tüsho Damaska ku ju Rezin. (Kam rukrükheak phüngü dükeak chingnü Ephraim niukmüzütbah, junangde mihtsürü mükhede akambah.)

JEREMIA 30:11

Tümüde nü khümkhitpü I nü lung lah, Atungpuhnü thachoh, inü nüsa hiumüzütshihpung trükshihbo alala kheamshihbah, tüshe nü a inü mükheamshih. Thiyuronü inü nü danbah, tüsho nü shahde müthsümüchidüa mutsoshih.

JEREMIA 48:2

Moab shikhi kheaküa müla. Heshbon ching arünü anihbe azhihde amütsü lümkhi thsüdo: “Arang, isanü anihbe trükshih lakhi chingnü dükheakshihanü!” O Madmen kiuto, nü she zhikrangkhündo akambah; nukshangnü nü yande müshambah.

EZEKIEL 35:13

Tüsho nünü I azhihde nü münnü nü küdah thsüde kükheanga lu, tüsho I azhihde nü yubo alü kamshih; inü ju sodo.

DANIEL 11:36

“ Kiulongthsüpuhnü anihbuh lümkhi rhimobah. Apinü aküdah thsüde anihbuh shuhkihbah tüsho thrünpuh kheaknü atobe lümbah, tüsho thrünpuhbo bolung Thrünpuh azhihde mükhemükimyu thabah. Bukakhiuk kim muhoyi khiungde api kukzamde alabah, tümütüsho tümü lümkihlanü arhimopü tsütsü.

MATHI 7:2

Tümütüsho nüsanü mührü yukhapkhi yande nüsa yukhapbah, tüsho nüsanü akeara ahorikhi yande nüsa akearabah.

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.

AMIKHEAKAKHIUKKHI 13:6

Thrünpuh athruajipü tüsho api mung le api lapung tüsho yinmi ching larü athruajipü api mün khimshuh.