JEREMIA 48:36 - AMÜSÜH HÜM CL Bible (BSI)

³⁶ Jumonü khungpi khungkhi nangde I mulongnü ashechoh, tüsho khungpi nangde Kir-heres mihtsürü thsungkheak I mulongnü ashechoh; tümüde arü lakhit ngükhi dükheakdo.

JEREMIA 48:36 Iomraidhean Croise

2 KIULONG THSÜRÜ 3:25

Kiutobo arünü thsümünim, tüsho alo atsübo kheak murhungdoyi khiungde arü abannü lung jipa bah; kenü aban arünü yihdo, tüsho sang atsü aban arünü kiushaka keamshih. Akheam ching lunghitrünü zündode yan, tüsho Kir-heres kiuying aning.

MÜCHITMUDU 11:4

Bukakhiuk nimung ching lakhit tümü alü müla, tüshe thiyurolungkinü ashe chingnü bekhitchoh.

MÜCHITMUDU 13:22

Mihtsürü atsünü api tsührü tsührübo kilim yamrüplurüp zojihchoh, tüshe aneakrü lakhit ju thiyuro-lungkirü thsungkheak hanmukhunga lah.

MÜCHITMUDU 18:11

Alarü lakhit ju api kiuto amüküp lah, arünü ju chipi achang nangde lümchoh.

ISAIA 15:5

I mulongnü Moab thsungkheak tripchoh; anihbe mihtsürü Zoar ching, Eglath-shelishiya ching tsodo. Tümüde Luhith mutuh kheak arü tripde wutuchoh; Horonaim limro ching arünü athsümünimkhi dünkheak zhichoh;

ISAIA 15:7

Jumonü arü suhdahde alü thsükhi tüsho arünü azomukhungkhi hanbah Ayung ching keyeansang hode hanbah yüchoh.

ISAIA 16:11

Jumonü Moab thsungkheak bingshang nangde, tüsho Kir-heres thsungkheak I me nangde mulong rozhakchoh.

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

JEREMIA 17:11

Patridge wuhnunü mühüpkhitde püpürü jipjipbo bemukhungkhi nangde thiyuro mülakhi lakhit hanmukhungrü ju ruk ah; api rhangdung murochoki anihbuh lakhitbo dükheakbah, tüsho akheam ching api makhakhi mütsanbah.

JEREMIA 4:19

I thsünükhi, I thsünükhi! I thsünü ching kolahchoh! O, I mulong thsünükhi! I mulong thüpthüpchoh; inü zhikde mülakhuk; tümüde inü hulipungpung düsheak thirithsüpü arhunganimkhi sochoh.

JEREMIA 48:31

Jumonü inü Moab thsungkheak mulong rozhakde tripchoh, inü Moab alala thsungkheak tripchoh; Kir-heres mihtsürü thsungkheak inü mitripchoh.