JEREMIA 48:28 - AMÜSÜH HÜM CL Bible (BSI)

²⁸ O Moab ching larübo! Kiutobo bahang, tüsho lungto ching laang, lungku münküp kheak asap shukhi müthrithrümpü nangde thsang.

JEREMIA 48:28 Iomraidhean Croise

THRÜNTAN 8:12

Jumonü apinü nimung thüne aleang tüsho müthrithrümpü yüloshih, tüshe ju kheaküa malodarüdebah.

KHÜNBOLUNGKHÜN 2:14

O I müthrithrümpü, lungto dükeak ching, ajikpung awung-düpheak ching, inü nü miro kheahanü, inü nü düsheak soanü; tümüde nü düsheak niunglah, tüsho nü miro tsülah.

ISAIA 2:19

Apinü alomi müzünpü asürüchoh, Atungpuh atrebe tüsho api wüntre-müretah chingnü tsokhide lungkhünbo tüsho alokhün ching yüzahbah.

JEREMIA 48:9

Moab kilim ghibo jihang, tümüde phinde atsobah, anihbe kiutobo zhikrangkhündo she mülade alabah.

JEREMIA 49:16

Nünü bukmükekhi tüsho nü mulong kükheangkhinü nü mülapyukdo, nü shepü lungkubo ching lacho, shepü awung achang ramrihla. Nünü müleang nangde changde sap shushu she, ju chingnü inü nü thokhibah, Atungpuhnü thachoh.

JEREMIA 49:8

Dedan ching larübo, alihang, rholoang, lungkhünbo ching jikang! Inü Esau tsühsoniusobo thsümüchipü lah, tümütüsho inü arü thsümüchipü kim arüdo.

MAHKHAPRÜ 6:2

Tüsho Midiarünü Israel kuk; tüsho Midiarü dünkheaknü Israel mihtsürünü arü jikpung awungbo, lungkhünbo tüsho chipibo ching thsü.

1 SAMUEL 13:6

Küyimki Israelrünü ju ngükhea, arübo lümthsünü ching lakheah (tümüde thirithsürübo ju müküpdakde alakheah), mihtsürübonü arü zangrü lungkhün, alokhün, lungtobo tüsho akukarukbo ching jikabah.