JEREMIA 48:27 - AMÜSÜH HÜM CL Bible (BSI)

²⁷ Api mahühmüdama lalashe Israel ju nü thsungkheaknü münedung lakheah; tüshe nünü api dünkheak asukchoki nü ku lukchoh!

JEREMIA 48:27 Iomraidhean Croise

JOB HU H T ANYU 16:4

Nüsa I ruk ha lakhülaa, inü she nüsa ruk thakhukbah; nüsa azhihde inü thiyu zhidode athabah tüsho nüsa kheak I ku angambah.

MUNGSHIKHÜN 44:13

Nünü isa yamhingrü ki isa achihbe, isa mühirü ki müthülünkhi tüsho münedung kamshih.

MUNGSHIKHÜN 64:8

Arü mulo dünkheaknü apinü arü kheak athsümünim handarübah; arü ngürü alalanü arü kubo angambah.

MUNGSHIKHÜN 79:4

Isa mühi trükshihbonü isa mükhemükimchoh; arünü isa ki münejihchoh tüsho keangrümünechoh.

JEREMIA 18:16

arü lomi atrebe kamshihde, lünnü ish thsüpü lah. Ha ki horü alala trechoh tüsho arü kubo lukchoh.

JEREMIA 2:26

Ahührü tholochoki achih ngükhi nangde, Israel yamkhün achih ngübah–arübo, arü kiulongthsürübo, arü torübo, amükeamrübo, tüsho wukihrübo,

TÜZHOKHI 1:12

Nüsa I tsahhorübo alala, nüsa ki tümü müla de? Mürüngang tüsho kheahang, mulong rozhakkhi khürü I nangde la shi, küpü I kheak hande arükhea, küpü Atungpuhnü api bukakhiuk nimung I thsümüchikhea.

TÜZHOKHI 1:7

Anihbe thsünüde rümde atsahchoki adüso nimungbo ching anihbe shoto kukruk alala Jirusalemnü lümkhitchoh. Küyimki anihbe mihtsürü thiriri khah ching yüzahkhea, tüsho anihbe rungpü she mülakhea, thiririnü anihbe keamkhi kheahbah münejih.

EZEKIEL 25:8

Atungpuh Thrünpuhnü ha thachoh: Tümütüsho Moabnü tha, Juda yamkhün ju püpürü trükshihbo alala nangde lah,

EZEKIEL 35:15

Tümüde nünü Israel yamkhün yamrüplurüp kurungkheak asühachihdo, tümütüsho ha zhikrangkhündo lakheah, jumonü inü nü ki rhimobah; nü zhikrangkhündo alabah, O Edom müzüng, nü tüsho Edom alala. Judüki I Atungpuh de arünü mükheahbah.

EZEKIEL 36:2

Atungpuh Thrünpuhnü ha thachoh: Tümütüsho thiririnü nüsa ki tha, “Aha!” tüsho, “Jipü wung achangbo isa yamalo kamdo,”

EZEKIEL 36:4

jumonü, O Israel müzüngbo, Atungpuh T H RÜ NPU H yu soang: Atungpuh Thrünpuhnü aninga lakhi mühirü trükshih alala ki yankhia lukhi tüsho keangrümüne kukruk khülang kamkhi Israel müzüngbo, awungbo, ayungbo, jindükhün, azhik tüsho abahkhi le abahkhitkhi kiutobo ki ha thachoh;

ZEPHANIA 2:10

Ha arü kükheangkhi müthri arü shihcham labah, tümütüsho arünü Wuto Atungpuh mihtsürü azhihde mükthsü tüsho kükheang.

ZEPHANIA 2:8

Moabrü tüsho Amonrünü I mihtsürü mükthsüde arü lomi azhihde kükheangkhi inü sodo.

MATHI 26:55

Ju kim ching Jisunü boto ki tha, “Nüsanü jangkhijangrarü khülang azhihkhi nangde nukshangbo le shinukbo shuhbah I rampü arükhea de? Nimung aban arüngyam ching thsangyude I nüsa lung bindo, tüsho nüsanü I müram.

MATHI 27:38

Judüki arünü api lung ahührü mahne khülang tsülim tüsho khülang huzulim yümkih.

MATHI 7:2

Tümütüsho nüsanü mührü yukhapkhi yande nüsa yukhapbah, tüsho nüsanü akeara ahorikhi yande nüsa akearabah.