JEREMIA 47:4 - AMÜSÜH HÜM CL Bible (BSI)

⁴ tümütüsho Filistia alala thsümünimpü, Tair tüsho Sidon chingnü arungrü aninga lakhi dükheakpü nimung arüchoh. Tümüde Atungpuhnü Kaphtor keyean lomi ching aninga larü Filistiarü dükheakshihbah.

JEREMIA 47:4 Iomraidhean Croise

THRÜNTAN 10:15

Kanan tsührü adüjibuh Sidon, tüsho Heth;

1 KIUTHSÜYUKHEAN 1:12

Pathrusim, Kasluhim, tüsho Kaphtorim trükkhit (harü kheaknü Filistiarü trükkhitkheah.)

JOB HU H T ANYU 9:13

Thrünpuhnü abukakhiukkhi mutuklo; kükheangküyang müshiprü api khüp chungthülangdo yaplah.

MUNGSHIKHÜN 37:13

Atungpuh nü api ki münejihchoh, tümüde anihbuh nimung arükhi apinü ngüchoh.

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

ISAIA 14:31

Tüzhode tripang, O chipiripit; zhiang, O kiuto, atrekhinü niuang, O Filistia, nüsa alala! Tümüde dukulimnü mokhüh akichoh, tüsho ju mulong zahkhi yakkihrü bonungrü ah.

ISAIA 20:6

Ju nimung ching ha keyean larübonü athabah, ‘ Kheahang, shepü kheak isanü mulonglamkhea tüsho arung thsungkheak yükhea tüsho Asiria kiulongthsüpuh kheaknü khümkhitpü kheak tümü dünjia la! Küde thsah isa tsokhitba?’ ”

ISAIA 31:8

Judüki Asiria ju nukshangnü alungbah, mihtsürü nuknü yung; tüsho mihtsürü nukshangnü yungde api muyubah; api nukshang kheaknü atsobah, tüsho api mihtsürü athunubo azhorü kambah.

JEREMIA 46:10

ju nimung ju Wuto Atungpuh T H RÜ NPU H royimkhi nimung, api riribo kheak royimkhi nimung. Reangmükeamyi khiungde nukshangnü amuyubah, kethürimüri khiungde thiyih yungbah. Tümüde Wuto Atungpuh Thrünpuhnü dukulim lomi ching Euphra ayung ki shuhmülanga jihpü shuhlah.

EZEKIEL 21:25

O amüneankhi tüsho mihbukmuyuk Israel yakzanshuhrü, shepü nimung arüa la, shepü thsümüchi kim akheam khiunga la,

EZEKIEL 21:29

Nüsanü angükhi michihbo tüsho müchitbo akeangyu, nüsa mihbukmuyuk tüsho amütsürü tüsho nüsa akheam thsümüchipü nimung arüchoh, nukshang ju nüsa hungbo kheak keampü lah.

EZEKIEL 25:16

jumonü Atungpuh Thrünpuhnü ha thachoh, Inü Filistiarü azhihde I khah chungkihbah, Kerethrü lipkhia bahbah tüsho aningkhi keyean thsümünimbah.

EZEKIEL 30:8

Küyimki inü Ijip kheak mo takkihba, tüsho ju rungrü alala thsümünima laba, I Atungpuh de arünü mükheahbah.

EZEKIEL 7:12

Kim arüdo, nimung khiungdo. Athulorü dasühachihshih yungsho ayinrü dülungrishih, tümüde mulong zhipzhip ju alomi athrünkhi kheak lah.

HOSEA 9:7

Thsümüchi nimungbo arüdo, royimpü nimungbo arüdo; Israelnü zhichoh, “ Wukihrü amülim ah, me lakhi mihtsürü makharü ah!” Tümütüsho nü mülimkhi tokhinü, nü mükthsü tode lah.

AMOS 9:7

Nüsabo I kilim Ethiopiarü ruk yung de, O Israel mihtsürü? Atungpuhnü thachoh. Inü Israelrü Ijip chingnü, tüsho Filistiarü Kaphtor chingnü tüsho Siriarü Kir chingnü mübekhit de?

LUKNÜ ATHRÜTKHI THIYUSHEAK-ATSÜ HUHTANYU 21:22

Tümüde harü ju royimkhi nimungbo lah, junangde thrüta lakhi alala dünjibah.

YUZÜNGTHALO 2:23

Tüsho kiulongbo ching Gaza khiungde alakhi Avvimrü ju Kaphtor chingnü arükhi Kaphtorrünü arü dükheakshihbah ju ching la.)

JIHUSUA 22:30

Küyimki amükeambuh Phinehas tüsho boto limthorübo, Israel guk ching akuthsürübo api miki zhiprünü Reuben, Gad tüsho aniakhiuklim Manase trükbonü athakhi sokhea, arübo reangkeam.