JEREMIA 47:2 - AMÜSÜH HÜM CL Bible (BSI)

² Atungpuhnü ha thachoh: Kheahang, dukulimnü kebo akichoh tüsho düchi-bukkhi ayung kambah; arünü lomi tüsho ju ching lakhi kiuto tüsho ju ching larübo zündobah. Mihtsürübonü azhihbah tüsho lomi ching larü alalanü tüzhobah.

JEREMIA 47:2 Iomraidhean Croise

MUNGSHIKHÜN 24:1

Alomi tüsho ju ching lüpdükhi, alomiküp tüsho ju ching lakhi alala Atungpuh yo ah;

MUNGSHIKHÜN 50:12

I khümde lakhülaa, inü nü ki mütha; tümüde alomiküp tüsho ju ching lakhi alala I yo ah.

MUNGSHIKHÜN 96:11

Yinmibo asühachihang, tüsho alomi asühang; keto tüsho ju ching lakhi alala arungshang;

MUNGSHIKHÜN 98:7

Keto tüsho ju ching lakhi alala, alomiküp tüsho ju ching lakhinü arungshang;

ISAIA 14:31

Tüzhode tripang, O chipiripit; zhiang, O kiuto, atrekhinü niuang, O Filistia, nüsa alala! Tümüde dukulimnü mokhüh akichoh, tüsho ju mulong zahkhi yakkihrü bonungrü ah.

ISAIA 15:8

Tümüde azhikhi khülang Moab lomi mükamde yüdo; atüzhokhi düsheak Eglaim khiunglah, atüzhokhi düsheak Beer-elim khiunglah.

ISAIA 22:1

Jindükhün michih dünkheak müchityu. Nüsa alala, thüyam kumung wutukhi ha tümü a,

ISAIA 28:17

Tüsho inü akebe-liu thiyuro kamshihbah, tholang-liu thiyuro-lungki kamshihbah; arübonü arükchih tsoyukpungbo phüta bahbah, tüsho kebonü jikpung zhidobah.

ISAIA 59:19

Jumonü aniyüzahlim Atungpuh mung trebah, tüsho aniakhiuklimrünü api müretahkhi trebah; tümüde ke bukkhi nangde api arübah, junangde Atungpuh pung yünbah.

JEREMIA 1:14

Judüki Atungpuhnü I ki tha: Lomi ching larü alala kheak dukulim peangnü thsümütsü zhikihde arübah.

JEREMIA 46:12

Trükshihbonü nü achihkhi sodo tüsho nünü azhikhinü alomi milah; tümüde thirithsürünü thirithsürü kheak jing mükhedo; ane chido rüpde lungdo.

JEREMIA 46:13

Ijip lomi yanpü Babilon kiulongthsüpuh Nebukednezar arüpü dünkheak Atungpuhnü wukihbuh Jeremia ki asukkhi yu:

JEREMIA 46:20

Ijip a moshi drelü nangde lah tüshe dukulimnü amükeakbe mukhu anihbe azhihde arüchoh.

JEREMIA 46:24

Ijip tsührübe achih ngübah; anihbe dukulim mihtsürü kilim jihbah.

JEREMIA 48:39

Ha küde thsah yihrüpa la! Künangde arünü mulong rozhakcho! Künangde Moabnü achihde adüthsün rholokhea! Jumonü Moab a api yamhingrü alala ki münedung tüsho atrebe kamdo.

JEREMIA 6:22

Atungpuhnü ha thachoh: Kheahang, dukulim lomi chingnü mihtsürü arado, trükshih ato khülang limshu lakhi lomi ching thuruchoh.

JEREMIA 8:16

Khorabonü sheak thsükhi Dan chingnü solah; arü khorapungbo khungkhinü alomi alala ajanchoh. Lomi tüsho ju ching lakhi alala, kiuto tüsho ju ching larü thsümünimpü arü arüdo.

DANIEL 11:22

Api müngüh bonungrübo tüsho Thrünpuh yo Achangbe Amükeambuh she shahde phüta bahbah tüsho alaksahbah.

NAHUM 1:8

Tüshe azündokhi kekingnü apinü api azhihrü shahde akheamshihbah, tüsho apinü api riribo amiting ching yanyukbah.

1 KORINT 10:26

Tümüde alomi tüsho ju ching lüpdükhi Atungpuh yo ah.

1 KORINT 10:28

Tüshe khürünü nü ki, “Ha shuhmülanga kingaünkhi ching jihkheah,” de thasho nü ki thabuh mihtsürü tüsho lümzülümdo dünkheaknü ju dütsüh–

JAKOB 5:1

Nüsa alarübo kheakü aniang, nüsa kheak thsümütsü arüpü lakhi dünkheak tripang tüsho tüzhoang.

AMIKHEAKAKHIUKKHI 17:1

Yunirü thüne bolung khülang shepü phurusük thüne lakheanü arü tüsho I ki tha, “Arang, kebo ahihdo kheak binkhi müzammüramberü ato thsümüchikhi inü nü ki huhbah.

AMIKHEAKAKHIUKKHI 17:15

Tüsho apinü I ki tha, “Nünü angükhi kebo, müzammürambe binkhi ju, mihtsürübo, botobo, trükshihbo tüsho thiyuthabo ah.