JEREMIA 46:6 - AMÜSÜH HÜM CL Bible (BSI)

⁶ Athrirübo alihde mutsokhuk yungsho thirithsürünü mutsokhikhuk; dukulim Euphra ayung ki arü jing mükhedo tüsho lungdo.

JEREMIA 46:6 Iomraidhean Croise

2 KIULONG THSÜRÜ 23:29

Api nimungbo ching Ijip kiulongthsüpuh Pharao Nekonü Asiria kiulongthsüpuh kilim Euphra ayung ching wutu. Josia kiulongthsüpuhnü api shorupü yü; tüshe küyimki Pharao Nekonü Megiddo ching api shorukhea, apinü anihbuh laksah.

2 KIULONG THSÜRÜ 24:7

Ijip kiulongthsüpuhnü api lomi chingnü makhiuklo, tümüde Babilon kiulongthsüpuhnü Ijip kiulongthsüpuh yo alala Ijip ayung chingnü Euphra ayung khiungde luabah.

MUNGSHIKHÜN 27:2

Küyimki mihbukmuyukrü I azhihde I shih tsühpü arükheanü, I riribo jing mükhe tüsho lungabah.

T H S AN GYU T H S AN GR ARÜ 9:11

Kheaküshe alomiküp ching inü angükhi ju, athride alihrünü kamruhroro malihkhukchoh, mulong zahrünü kamruhroro thirithsü mukukchoh, lümlung larünü kamruhroro jim müngüchoh, kukhiuk ayuk mihtsürünü kamruhroro lakhit müngüchoh, tüsho anikhit mihtsürünü kamruhroro achang ching müyükihchoh. Kuhi amütsü mihbüm abande dünjichoh.

ISAIA 8:15

Tüsho arü bolung ahihdo jing mükhebah; arü alungbah tüsho azhakbah; arü aphuhbah tüsho lude atsobah.

JEREMIA 1:14

Judüki Atungpuhnü I ki tha: Lomi ching larü alala kheak dukulim peangnü thsümütsü zhikihde arübah.

JEREMIA 20:11

Tüshe Atungpuh ju atrebe thirithsürü nangde I lung lah; jumonü I thsümüchirü jing mükhebah tüsho arünü mukuk. Arü tode achih ngübah,tümüde arünü akuk müngü. Arü akheam müla achihkhi küyimkishe mümih.

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 4:6

Zion limpeang riphin shuhkihang, tsoyukpung yimang, dashu, tümüde inü dukulimnü amütsü tüsho athsümünim ato handarado.

JEREMIA 46:10

ju nimung ju Wuto Atungpuh T H RÜ NPU H royimkhi nimung, api riribo kheak royimkhi nimung. Reangmükeamyi khiungde nukshangnü amuyubah, kethürimüri khiungde thiyih yungbah. Tümüde Wuto Atungpuh Thrünpuhnü dukulim lomi ching Euphra ayung ki shuhmülanga jihpü shuhlah.

JEREMIA 46:12

Trükshihbonü nü achihkhi sodo tüsho nünü azhikhinü alomi milah; tümüde thirithsürünü thirithsürü kheak jing mükhedo; ane chido rüpde lungdo.

JEREMIA 46:16

Nüsa bonungrü jing mükhedo tüsho lungdo, tüsho khülangnü püpürü ki tha, “Arang, isanü isa mihtsürü tüsho isa zübe lomi lim, athsümünim nukshang bahbah yüloanü.”

JEREMIA 50:32

Akükheangbuh jing mükhebah tüsho alungbah, shenü api müyihmusu tüsho inü api kiutobo ching mo takkihbah, tüsho api mühide alala inü aniukhambah.

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

DANIEL 11:19

Jushu apinü nihbuh lomi chipi ayünkhibo lim rholobah, tüshe api jing mükhebah, tüsho alungbah, tüsho müngülode alabah.

DANIEL 11:22

Api müngüh bonungrübo tüsho Thrünpuh yo Achangbe Amükeambuh she shahde phüta bahbah tüsho alaksahbah.