JEREMIA 46:5 - AMÜSÜH HÜM CL Bible (BSI)

⁵ Tüshe tümüde arü trekhi inü ngücho? Arübo rholode arüdo; arü thirithsürübo kukabahdo tüsho niokheamde tsodo. Arünü rholoa mükheah– alala mühide atrebe lah! Atungpuhnü thachoh.

JEREMIA 46:5 Iomraidhean Croise

THRÜNTAN 19:17

Anenü arü bekhit akede, khülangnü api ki tha, “Nü rhangdung thsungkheak tsokhiang! Nü dunglim rholoa dükheah yungsho adükhün küching she dütuklo. Awungbo ching tsokhide yüang, jude yungsho nü dükheakbah.”

ISAIA 13:8

tüsho arübo trede akambah, thsünü tüsho thsümütsünü arü tholobah; arübo aliberü khülang zübepü thsünü ching lakhi nangde thsünükhi ching labah. Arünü khülangnü khülang kheak trede akheahbah; arü mirobo motru nangde alabah.

ISAIA 19:16

Ju nimung Ijiprü ju azoberü nangde alabah, tüsho Wuto A TU N GPU H khah arü azhihde ashuhkihkhi müngüh ajande atripbah.

ISAIA 42:17

Arübo arholobah tüsho abümnü achih ngübah– sherünü azünkhi sangthsübo kheak kincho, sherünü anungkhi sangthsübo ki thacho, “ Nü isa thrünpuh.”

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

JEREMIA 46:15

Tümüde nüsa thrünpuh Apis tsokhea? Atungpuhnü api nima lungshih.

JEREMIA 46:21

Anihbenü amulokhi bonungrübo she moshi nunubo nangde athsükhukpü müla; arübo she rholodo tüsho nungde tsodo, arübo müzhip; tümüde arü kheak arü thsümütsü nimung, arü thsümüchi kim akihdo.

JEREMIA 49:29

Arü khimyambo tüsho arü mihnubo, zhindokhim tüsho arü kukruk alala luang; nüsa thsungkheaknü kemelbo luang, tüsho azhikhi khülang yükihbah: “Alala mükamde mihtrebe lah!”

JEREMIA 49:5

Nü yamhingrü alala chingnü inü nü kheak atrebe handarübah, Wuto Atungpuhnü thachoh, nüsa mihbüm aban yanmüzütbah, tüsho tsotsahrümtsahrübo shenü mübemukhung.

JEREMIA 6:25

Thulu ching düyü, yungsho limro kheak dütsah; tümüde thiririnü nukshang shuhlah, athrip abande atrebe lah.”

EZEKIEL 32:10

Inü mihtsürü ahihdo nü kheak müyinsahshihbah; arü kiulongthsürübo nü dünkheaknü ajanbah. Küyimki inü arü miki I nukshang phürapbanü, arü mihbüm abannü nihbuh rhangdung thsungkheak kim abande nü keam nimung ajanbah.

EZEKIEL 39:18

Nüsanü athrungrü shih tsühbah tüsho lomi yakzanshuhrübo thiyih yungbah–namfimihnupung, namfimihnunubo, tüsho mihnubo, moshibo nangde arü alala Bashan ching yo amüdangkhi nangde lah.

NAHUM 2:8

Nineve ju ke bukkhita bahkhi kekung nangde lah. “Tukloang! Tukloang!” de alanchoh– tüshe she murholo.

NAHUM 2:9

“Shotoyinchi luang, suna luang! Ju ching lakhit akheam müthsü! Shoto kukruk lüpdükhi suhdahlah!”

ZEPHANIA 1:14

Atungpuh nimung ato thüninde lah, thüninde tüsho niokheamde arado; Atungpuh nimung düsheak ju akhüh lah, ju ching thirithsürünü tode zhichoh.