JEREMIA 46:28 - AMÜSÜH HÜM CL Bible (BSI)

²⁸ Nü thsungkheak a, dütre, I yamlarü Jakob, Atungpuhnü thachoh, tümüde I nü lung lah. Inü nü yana yüshihkhi trükshih alala kheamshihbah, tüshe inü nü a mükheamshih! Inü nü alungki ching thsangdanbah tüsho inü shahde müthsümüchidüa nü muzojih.

JEREMIA 46:28 Iomraidhean Croise

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

ISAIA 27:7

Anihbe shikrü apinü ashikkhi nangde apinü anihbe shikdo de? Yungsho anihbe laksahrü laksahkhi nangde anihbe laksahdo de?

ISAIA 27:9

Jumonü hanü Jakob amülim dün shaklobah tüsho ha api neak yihkhita bahkhi sangaso labah: Küyimki apinü lung kingaün sadambo alala athrütbe-lung nangde adütre kamde züthünakbanü, Ashera sangthsü yungsho rhümthüneabe kingaün sadambo tümü aninga müzhip.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 43:2

Küyimki nü ke hode yübanü, I nü lung labah; tüsho ayungbo hode yüchoki nü müzhido: küyimki nü mo tsahhobanü nü mütak tüsho motrunü nü maniu.

ISAIA 44:1

Tüshe kheakü aniang, O I yamlarü Jakob, inü mokhitkhi Israel!

ISAIA 45:23

Inü thiyuchihchimdo, I mün chingnü thiyuro-lungki yu khülang malodarüpü thsüde wukhiukdo: “ I ki mukhuk alalanü khukningbah, mulo alalanü thiyuchihchimbah.”

JEREMIA 1:19

Arünü nü bede keochihbah; tüshe arünü nü mukuk, tümüde nü bekhitpü I nü lung lah, Atungpuhnü thachoh.

JEREMIA 10:24

I thsülangang, O Atungpuh , tüshe thiyuro akekhi chingnü; nü bukakhiukkhi ching yung, jude yungsho nünü I akeangkeang kamshihbah.

JEREMIA 15:20

Tüsho harü mihtsürü ki inü nü müwayinchi chipi nangde akamshihbah; arünü nü bede keochihbah tüshe arünü nü mukuk, tümüde nü khümkhitpü tüsho nü bekhitpü I nü lung lah, Atungpuhnü thachoh.

JEREMIA 23:4

Inü arü kümpü yakzanshuhrübo mokhitbah, tüsho arünü kheaküa mütre, yungsho mümüyinnim, yungsho müdükheak, Atungpuhnü thachoh.

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

JEREMIA 30:11

Tümüde nü khümkhitpü I nü lung lah, Atungpuhnü thachoh, inü nüsa hiumüzütshihpung trükshihbo alala kheamshihbah, tüshe nü a inü mükheamshih. Thiyuronü inü nü danbah, tüsho nü shahde müthsümüchidüa mutsoshih.

JEREMIA 4:27

Tümüde Atungpuhnü ha thachoh: Lomi abümnü zhikrangkhündo alabah; tütüshe inü akheam tsütsü mükamshih.

JEREMIA 5:10

Anihbe kurungasolu ching wutuang tüsho thsümünimang, tüshe shahde dükheamshih; anihbe khahbo chia bahang, tümüde arübo Atungpuh yo yung.

JEREMIA 5:18

Atungpuhnü thachoh, ju nimungbo ching she, inü shahde mükheamshih.

JEREMIA 51:46

Lomi ching arhunganimkhi sobah mulong dünini yungsho trede düla–kam khülang ching arhunganim khülang arüchoh, ashikampü püpü arüchoh, lomi ching athsümünim düsheak tüsho yakzanshuhrünü yakzanshuhrü azhihkhi lah.

DANIEL 2:35

Judüki yinchi, alo, müwayinchi, shotoyinchi, tüsho suna alala ju adütre kamde yihthünak tüsho muzhu rhimopung yo hitsüt nangde kam; tüsho apungnü jurü yünde tsoabah, junangde arü ru müngükhukde kam. Tüshe sangthsü kingkhi lung junü müzüng ato khülang kam tüsho alomi athrünkhi mi.

HABAKKUK 3:2

Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

YUNIRÜBO RHIMO 18:10

tümüde I nü lung lah, tüsho mihtsürü shenü she nü trünthsüpü mukuk; tümüde ha kiuto ching I mihtsürü ahihkhüh lah.”

1 KORINT 11:32

Tüshe küyimki Atungpuhnü isa yukhapbanü, isa danyuka lah, junangde alomi lung isa mübahyuk.

2 TIMOTHI 4:17

Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

JIHUSUA 1:5

Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.