JEREMIA 46:21 - AMÜSÜH HÜM CL Bible (BSI)

²¹ Anihbenü amulokhi bonungrübo she moshi nunubo nangde athsükhukpü müla; arübo she rholodo tüsho nungde tsodo, arübo müzhip; tümüde arü kheak arü thsümütsü nimung, arü thsümüchi kim akihdo.

JEREMIA 46:21 Iomraidhean Croise

2 SAMUEL 10:6

Küyimki Amonrünü arübo David riri kamdo de amükheahkhitkhea, Amonrünü thiyia yüshih tüsho Beth-rehob tüsho Zoba ching Siriarü, jingtsahrü bonungrü 20,000, tüsho Maaka kiulongthsüpuh mihtsürü 1000, tüsho Tob mihtsürübo 12,000 muloa bebah arü.

2 KIULONG THSÜRÜ 7:6

Tümüde Atungpuhnü Siria bonungrü ki khora-lolungbe, khorabo, tüsho bonungrü amuliuh düsheak soshih, junangde arünü khülangnü khülang ki tha, “Israel kiulongthsüpuhnü isa bede thirithsüpü Hit kiulongthsürübo tüsho Ijip kiulongthsürübo muloa lah.”

MUNGSHIKHÜN 37:13

Atungpuh nü api ki münejihchoh, tümüde anihbuh nimung arükhi apinü ngüchoh.

MÜCHITMUDU 15:17

Thraneanachihde ashih-kihkhi moshi nunu lakhi kheaknü amuzho lade wokephüyak tsühyungbe lakhi atsübe.

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

ISAIA 34:7

Tüsho mütüm moshipungbo, moshi anunu tüsho moshi atoto arü lung keambah. Arü lomi thiyihnü apangkhitbah, tüsho arü lo amüdangnü alüpdobah.

JEREMIA 18:17

Aniakhiuklim pung nangde, inü arübo thiriri müngüh hiumüzütshihbah. Arü thsümütsü nimung inü I miro yungde I düthsün arü ki huhbah.

JEREMIA 46:22

Anihbenü phuruto chinde atsokhi nangde düsheak thsüchoh; tümüde anihbe riribo müküpde tsahchoh, tüsho anihbe azhihde ayübo shuhbah sangdungbo kiushakrü nangde arüchoh.

JEREMIA 46:5

Tüshe tümüde arü trekhi inü ngücho? Arübo rholode arüdo; arü thirithsürübo kukabahdo tüsho niokheamde tsodo. Arünü rholoa mükheah– alala mühide atrebe lah! Atungpuhnü thachoh.

JEREMIA 46:9

Mikhuh yüang, O khorabo, tüsho yingyingde alihang, O khora-lolungbebo! Thirithsürübo mikhuh yüshang: Tsung shuhrü Ethiopia tüsho Put, sanglüh hünkihrü Ludim,

JEREMIA 48:44

Atrebe chingnü atsorü abannü alokhün ching keamyukbah, tüsho alokhün chingnü akünkhitrü abannü azheang ching phuhbah. Tümüde harübo inü Moab kheak arü thsümüchipü kam ching handarübah, Atungpuhnü thachoh.

JEREMIA 49:8

Dedan ching larübo, alihang, rholoang, lungkhünbo ching jikang! Inü Esau tsühsoniusobo thsümüchipü lah, tümütüsho inü arü thsümüchipü kim arüdo.

JEREMIA 50:11

Nü asühachihchih she, nü asüharara she, O I yamrüplurüp yankhia lurübo, moshinü hi jungkhi nangde tüsho khoranü akhungkhi nangde,

JEREMIA 50:27

Anihbe moshi alala laksahang. Arü thsungkheak aha, arü nimung, arü thsümüchipü kim arüdo!

EZEKIEL 30:22

Jumonü Atungpuh Thrünpuhnü ha thachoh: Inü Ijip kiulongthsüpuh Pharao azhihde lah, tüsho api bin adüküngbe tüsho azhakkhi chido yihshakbah; tüsho inü akhah chingnü nukshang keamkhishihbah.

EZEKIEL 35:5

Tümütüsho nü a mutuklode Israel riri lakheah, tüsho arü thsümütsü, arü akheam thsümüchi kim ching Israel mihtsürü nukshang wu kilim jih;

HOSEA 9:7

Thsümüchi nimungbo arüdo, royimpü nimungbo arüdo; Israelnü zhichoh, “ Wukihrü amülim ah, me lakhi mihtsürü makharü ah!” Tümütüsho nü mülimkhi tokhinü, nü mükthsü tode lah.

AMOS 6:4

Sherü thsotorü yapkiu kheak yapcho, tüsho dükhümbinkiubo kheak zuh-a bincho, tüsho mihnu bolungnü namfimihnunu tüsho moshi bolungnü moshi nunu tsühchonü ayokhe;

OBADIA 1:13

Nünü arü thsümütsü nimung I mihtsürü chipiripit ching müyüzahpü lado; nünü arü thsümütsü nimung Juda lümthsünü khenokhi ching mübepü lado; nünü arü thsümütsü nimung arü kukruk yankhia mulupü lado.

MIKA 7:4

Arü bolung atsüdakbe ju khingphu nangde lah, arü bolung khide alungki ju ayangrung lah. Arü aheangrü nimungbo arü thsümüchipü arüdo; kheakü arü yingyingpü khah ki lah.

MATHI 22:4

Kheaküshe apinü yamlarü püpürü thiyia yüshih, ‘Ajiyukrübo ki thaang, “Kheahang, inü jimpung thsakhamlah; I moshipungbo tüsho ashih-kihkhi moshibo laksahdo, tüsho lüpdükhi thsakhamlah. Arhangrü thünio ching arang.”

YUZÜNGTHALO 32:15

Tüshe Jeshurun shihkihde zokhit, tüsho azhihde kam; bukthsüde tsühbah api mülangrüpdo tüsho lütlütde kam. Apinü api thrünrü Thrünpuh bahyuk, tüsho api khümkhitpü lung bahyuk.