JEREMIA 46:2 - AMÜSÜH HÜM CL Bible (BSI)

² Ijip kiulongthsüpuh Pharao Neko bonungrü azhihde, Ijip dünkheak, küpü Euphra ayung ki Karkemish ching lakhea tüsho küpü Josia tsührü Juda kiulongthsüpuh Jehoiakim kam phüyipü ching Babilon kiulongthsüpuh Nebukednezarnü akukkhea:

JEREMIA 46:2 Iomraidhean Croise

2 KIULONG THSÜRÜ 18:21

Kheahang, kheakü nü Ijip kheak düthsün angüchoh, ju rhim tso zhakkhi kheak, shepünü angükihchonü khah düchipashungbah. Api kheak düthsün angürü alala ki Ijip kiulongthsüpuh Pharao ha ruk ah.

2 KIULONG THSÜRÜ 23:29

Api nimungbo ching Ijip kiulongthsüpuh Pharao Nekonü Asiria kiulongthsüpuh kilim Euphra ayung ching wutu. Josia kiulongthsüpuhnü api shorupü yü; tüshe küyimki Pharao Nekonü Megiddo ching api shorukhea, apinü anihbuh laksah.

2 KIULONG THSÜRÜ 23:33

Apinü Jirusalem ching kiulong müthsüshihpü thsüde, Pharao Nekonü Hamath lomi, Ribla ching api rama zo, tüsho lomi kheaknü shotoyinchi khahngak 3400 tüsho suna khahngak 34nü ruk lupü tha.

2 KIULONG THSÜRÜ 24:7

Ijip kiulongthsüpuhnü api lomi chingnü makhiuklo, tümüde Babilon kiulongthsüpuhnü Ijip kiulongthsüpuh yo alala Ijip ayung chingnü Euphra ayung khiungde luabah.

ISAIA 10:9

Kalno ju Karkemish ruk yung de? Hamath ju Arpod ruk yung de? Samaria ju Damaska ruk yung de?

ISAIA 19:1

Ijip dünkheak müchityu. Kheahang, Atungpuh ju ashankhi amo kheak binlah tüsho Ijip lim arüchoh; Ijip sangthsübo api miki ajanbah, tüsho arü bolung Ijiprü mulong niuthünakbah.

ISAIA 19:19

Ju nimung Ijip lomi phulung ching Atungpuh kingaün sadam khülang labah, tüsho aredung kheak Atungpuh lung-dungjing khülang labah.

JEREMIA 25:1

Juda mihtsürü alala dünkheak, Josia tsührü Juda kiulongthsüpuh Jehoiakim kiulongthsükhi kam phüyipü ching Jeremia kilim thiyu arükhi (ju Babilon kiulongthsüpuh Nebukednezar kam khülangpü lakheah,)

JEREMIA 25:19

Ijip kiulongthsüpuh Pharao, api yamlarübo, atorübo, tüsho api mihtsürü alala;

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 36:1

Josia tsührü Juda kiulongthsüpuh Jehoiakim kam phüyipü ching Atungpuh yu ha Jeremia kilim arü:

JEREMIA 43:11

Apinü arübah Ijip lomi kukbah, ashepü akhua larü kilim ashepü, arampü akhua larü kilim arampü tüsho nukshang akhua larü kilim nukshang handarübah.

JEREMIA 45:1

Jeremianü Baruk ki thiyubo thaa küpqiu kheak thrütshih dunglim, Josia tsührü Juda kiulongthsüpuh Jehoiakim kam phüyipü ching wukihbuh Jeremianü Neria tsührü Baruk ki tha:

JEREMIA 46:14

Ijip ching thaang, tüsho Migdol ching zhiyukjang; Memphis tüsho Tapanhes ching zhiyukjang; Thaang, “ Nüsa zhippung mükühang tüsho thsakhamang, tümüde nüsa mükamde nukshangnü amuyubah.”