JEREMIA 46:18 - AMÜSÜH HÜM CL Bible (BSI)

¹⁸ Atsütsü I lah, kiulongthsüpuhnü thachoh, shepü mung Wuto Atungpuh la, awungbo lung Tabor nangde tüsho keto yean Karmel nangde khülang arüchoh.

JEREMIA 46:18 Iomraidhean Croise

MUNGSHIKHÜN 89:12

Dukulim tüsho düjinglim nünü thrün; Tabor tüsho Hermon nü mung ching asühachihchoh.

ISAIA 47:4

Isa Rhokhitrü– Wuto Atungpuh ju api mung– Israel Amüsüh Thrünpuh.

ISAIA 48:2

Tümüde arünü amüsüh kiuto mihkhung ah de thachoh, tüsho Israel Thrünpuh kheak angükihchoh; shepü mung ju Wuto Atungpuh la.

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

JEREMIA 44:26

Jumonü Atungpuh yu aniang, Ijip lomi ching larü nüsa Judarü alala: Kheahang, I mung ato hode inü thiyuchihchimchoh, Atungpuhnü thachoh, Ijip lomi alala ching Juda mihtsürü shepü münküp kheak she ‘ Atungpuh T H RÜ NPU H lah’ de dütha.

JEREMIA 48:15

Moab tüsho api kiutobo thsümünimrü atudo, tüsho api yo amokhitkhi athrününgtsüngbo alaksahpü ching yüdo, kiulongthsüpuhnü thachoh, shepü mung Wuto Atungpuh la.

JEREMIA 51:17

Mihbüm abannü zhazhalah tüsho mükheahmudu müla; sunakingrübo alala arü sangthsübo hode achih ngüdo; tümüde arü mejakbo amülim tüsho arü kheak sheak müla.

JEREMIA 51:57

Inü anihbe torübo tüsho lümlung larübo müshangshihbah, kovünorbo she, atorübo tüsho thirithsürübo; arünü kamruhroro yapbah tüsho küyimkishe masürü, kiulongthsüpuhnü thachoh, shepü mung Wuto Atungpuh la.

AMOS 4:13

Tümütüsho, shepünü müzüngbo thrünchonü, apung thrünchoh, api lümkhi mihtsürübo ki huhchoh, yapsu ju amiting kamshihchoh tüsho alomi achangbo kheak tsahchoh– Atungpuh , Wuto Thrünpuh ju api mung lah!

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

MATHI 5:35

yungsho alomi dütam, tümüde ju api jing dubopung; yungsho Jirusalem dütam, tümüde ju ato kiulongthsürü kiuto ah.

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

JIHUSUA 12:22

Kedesh, Jokneam (Karmel ching),

JIHUSUA 19:22

Aredung ju Tabor, Shahazuma, Beth Shemesh, tüsho Jordan kheak arün ah: kiulongbo bebah kiuto 16.

MAHKHAPRÜ 4:12

Tüsho Abinoam tsührü Barak ju Tabor wung ching wutudo de arünü Sisera ki thiyusheak jih.

MAHKHAPRÜ 4:6

Alibenü Naphtali ching lakhi Kadesh ching Abinoam tsührü Barak kilim yüshihde tha, “Atungpuh Israel Thrünpuhnü nü ki thiyukhüm jihchoh: Yüang tüsho Naphtali le Zebulun mihtsürü 10,000 bebah Tabor wung lim yüang.