JEREMIA 44:7 - AMÜSÜH HÜM CL Bible (BSI)

⁷ Tüsho kheakü Wuto Atungpuh Israel Thrünpuhnü ha thachoh: Tümüde nüsanü nüsa yuripü, Juda bolungnü nüsa maningde athrürü tüsho aliberü, azürü tüsho khungarü dükheakpü rhimocho?

JEREMIA 44:7 Iomraidhean Croise

MÜCHITMUDU 1:18

tüshe arünü arü nihbuh thiyih thsungkheak aleangchoh, arünü arü nihbuh rhangdungbo thsungkheak jimde binchoh.

MÜCHITMUDU 15:32

Shepünü adanyukkhi amümürang thsüchonü nihbuh mükhemükimchoh, tüshe shepünü thsülangkhi anichonü anikhitkhi alü thsüchoh.

MÜCHITMUDU 5:22

Mihbukmuyuk mihtsürü ju nihbuh amülimbo ching phuhchoh, tüsho anihbuh neak liubo ching api phuh-a lah.

MÜCHITMUDU 8:36

tüshe shepünü I azhihde neak yihbeakchonü nihbuh küdah thsüde yurichoh; I thraneanrü alalanü ashepü muzhochoh.

JEREMIA 25:6

püpü thrünpuhbo tankihpü düyü tüsho arü dükingaün, tüsho nüsa khah rhimobonü I bukdakhiukshih. Junangde inü nüsa ki athsümünim mürhimo.”

JEREMIA 25:7

Tütüshe nüsanü I ki mani, Atungpuhnü thachoh, tüsho junangde nüsa khah rhimonü nüsa nihbuh thsümünimpü nüsanü I bukakhiukshih.

JEREMIA 26:19

Juda kiulongthsüpuh Hezekia tüsho Juda alalanü atsütsü api sheshihkhea de? Apinü Atungpuh mütrekhea de tüsho Atungpuh amuzho thsungkheak mumushu de, tüsho apinü arü azhihde athakhi thsümütsü dünkheak Atungpuh lümkhi mümüthrikhea de? Tüshe isa a isa kheak thsümütsü ato handarüpü thsüchoh!”

JEREMIA 3:24

Tüshe isa athunuchokinü isa jipürübonü achihbe rhimokhi hode arü mihnubo, moshibo, arü tsührübo tüsho tsührübebo muyuabahdo.

JEREMIA 38:17

Judüki Jeremianü Zedekia ki tha, “Atungpuh , Wuto Thrünpuh, Israel Thrünpuhnü ha thachoh, Nünü lang Babilon kiulongthsüpuh atorü ki shuhmülanga jihsho, nü rhangdung labah, tüsho ha kiuto monü mütak, tüsho nü le nü yamkhün rhangdung labah.

JEREMIA 42:20

junangde nüsa ashepü lakmihpü lah. Tümüde nüsa zangrünü Atungpuh nüsa Thrünpuh kilim I thaa yüshih, “ Isa thsungkheak Atungpuh isa Thrünpuh ki tamkhüntamnüjang, tüsho Atungpuh isa Thrünpuhnü tümüpürü thabanü isa ki thaang tüsho isanü ju rhimobah.”

JEREMIA 44:14

junangde Juda aningkhi, Ijip lomi ching lapü arürü mutsokhi yungsho rhangdung müla yungsho Juda lomi ching malodarü. Arünü ju ching lapü yünede lümlüm she tsokhia larü khürü kheak hode, arü alode müyü.

JEREMIA 44:8

Tümüde nüsa lapü arükhi Ijip ching nüsa khahnü arhimokhi püpürü thrünpuhbo ki kingaünkhinü I bukakhiukshihcho? Nüsa thsümünimba de tüsho lomi trükshih alala bolung muthrumünean tüsho münedung kamba de?

JEREMIA 51:22

nü hode inü athrürü tüsho aliberü yümnakchoh; nü hode inü ashinbuhrü mihtsürü tüsho athunu yümnakchoh; nü hode inü athrününgtsüng tüsho anünürü yümnakchoh;

JEREMIA 7:19

Atungpuhnü thachoh, Arünü I bukakhiukshihcho de? Arü küdah thsüde arü achih handarüchoh yung de?

JEREMIA 9:21

Mihshe isa ayinripitbo chingnü azahdo, ha isa kiulongthsürü-yambo ching azahdo, kiudunglimrobo chingnü azürübo laksah tüsho wungdobo chingnü athunurübo laksah.

TÜZHOKHI 2:11

I mük chingnü chike kungabahdo; I mulong thsünüchoh; I mihtsürü thsümünimkhi mulong rozhakkhi hode I khia lah, tümütüsho azürübo le khungarübo kiuto kiudunglimrobo ching sheshichoh.

TÜZHOKHI 2:22

Thünio nimung khülang nangde nünü mühi alala chingnü I riribo juyukdo; tüsho Atungpuh bukakhiukkhi nimung she mutsokhit yungsho maning; shepü inü zübekhea tüsho mütrükheanü I ririnü thsümünimdo.

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

EZEKIEL 9:6

Ashinbuhrü mihtsürü, athrününgtsüng tüsho anünürü, azoberü tüsho azürü laksahang, tüshe amütsan kihrü sheshe düqiu. I arüngyam kinü tankihang.” Jumonü arünü arüngyam miki larü azothsürü kheaknü tankih.

HABAKKUK 2:10

Nünü mihtsürü ahihdo laksahde nü yamkhün thsungkheak achihbe lümkhi thsüdo; nünü nü rhangdung dükheakshihdo.

WÜHKHE 16:38

Arü me azhihde neak yihbeakrü yo mophuru ju kingaün sadam lüpdopü thsüde phurubeak kamde yümnakshang, tümütüsho arübonü ju Atungpuh miki jihmonü amüsüh kamdo; tüsho jurübo Israelrü thsungkheaknü amütsan thsübah.”

YUZÜNGTHALO 32:25

Wungdo phulung ching nukshangnü alaksahbah, tüsho thüyam khiungshakbo ching atrebe labah, athrününgtsüng tüsho anünürü chido, niuhdukrü khungarü, kubuyukkhi mihtsürübo dükheakshihbah.

JIHUSUA 6:21

Tüsho arünü kiuto ching larü athrürü tüsho aliberü, azürü tüsho azorü alala, moshipungbo, namfimihnu tüsho donkibo nuknü laksahkham.

MAHKHAPRÜ 21:11

Tüsho nüsanü arhimopü ju ha: Nüsanü mütsangkhitkhi athrürü tüsho aliberü aban laksahang.”

1 SAMUEL 15:3

Kheakü yüang tüsho Amalekrü yanabahang, tüsho arü lakhi alala thsümünimjang; arübo daningshih, tüsho athrürü tüsho aliberü, azürü tüsho khungarü, moshipung tüsho namfimihnu, kemel tüsho donkibo laksahang.’ ”

1 SAMUEL 22:19

Saulnü amükeamrü kiuto Nob she nukshang yüzahshih; athrürü tüsho aliberü, azürü tüsho khungarü, moshipung, donki, tüsho namfimihnu, apinü nukshangnü laksah.