JEREMIA 44:6 - AMÜSÜH HÜM CL Bible (BSI)

⁶ Jumonü Juda kiutobo tüsho Jirusalem kiudunglimrobo ching I bukakhiukkhi dungkih tüsho trushih; tüsho jurübo athsümünim tüsho zhikrangkhündo kamabah, jurübo khihni khiungde lah.

JEREMIA 44:6 Iomraidhean Croise

ISAIA 1:7

Nüsa lomi zhikrangkhündo lah, nüsa kiutobo monü taka lah; nüsa mikinü khiungkerünü nüsa lo thsümünimdo; khiungkerünü lahyuka bahkhinü zhikrangkhündo lah.

ISAIA 51:17

Nü asürang, nü asürang! zhipang, O Jirusalem, nü shepü Atungpuh khah kheaknü api bukakhiukkhi pung yungkhea,

ISAIA 51:20

Nü tsührübo lungdo, arübo kiudunglimro ku koyubah yaplah, azheang ching shihmüchi nangde arübo Atungpuh bukakhiukkhinü, Thrünpuhnü athürühkhinü mide lah.

ISAIA 6:11

Judüki inü tha, “ Külokhüh, O Atungpuh ?” Tüsho apinü tha, “ Kiutobo she mülade thsümünima lakhi tüsho thüyambo mihtsürü mülade, lomi shahde azhikkhi khiungde;

JEREMIA 21:12

O David yamkhün! Atungpuhnü ha thachoh: Yapsu aban thiyuro rhimoang, tüsho khürü rükyuka larü ajunorü khah chingnü bekhitang, jude yungsho I bukakhiukkhi mo nangde ayübah, tüsho shenü müyihmütde nüsa rhimo amütsübo thsungkheaknü atakbah.

JEREMIA 21:5

Inü she nüsa azhihde khah ato chungkhitbah, bukakhiukde, mulong zhipzhipde, tüsho bukmükede keochihbah.

JEREMIA 34:22

Inü thiyukhüm jihbah, Atungpuhnü thachoh, tüsho arübo ha kiuto ching belodarübah; tüsho ha bede keochihde ayankhitbah, tüsho monü atakbah. Juda kiuto mihtsürübo mülade zhikabahbah.

JEREMIA 36:7

Khükia arünü mushukhi Atungpuh miki arübah, tüsho arü alala arü amütsü limrobo chingnü rholobah, tümüde ato ju Atungpuhnü ha mihtsürü azhihde athakhi bukakhiukkhi tüsho mulong zhipzhip lah.”

JEREMIA 4:27

Tümüde Atungpuhnü ha thachoh: Lomi abümnü zhikrangkhündo alabah; tütüshe inü akheam tsütsü mükamshih.

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JEREMIA 42:18

Tümüde Wuto Atungpuh , Israel Thrünpuhnü ha thachoh: I bukakhiukkhi tüsho I mulong zhipzhipkhi Jirusalem ching larü kheak dungkihkhi nangde, nüsa Ijip ching yüchoki nüsa kheak I bukakhiukkhi dungkihbah. Nüsa muthrumünean tüsho atrebe, abahyukpü tüsho münedung kambah; nüsanü ha dangpung küyimkishe müngülo.

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

JEREMIA 7:17

Arünü Juda kiutobo tüsho Jirusalem kiudunglimrobo ching tümü rhimochonü nünü müngü de?

JEREMIA 7:20

Jumonü Atungpuh Thrünpuhnü ha thachoh: I bukakhiukkhi tüsho I mulong zhipzhip ha dangpung kheak mihtsürü tüsho shiwühbo kheak, thulu sangdungbo tüsho alo sangasobo kheak dungkihbah, ha atakbah tüsho müzünmüt.

JEREMIA 7:34

Tüsho inü asühachih tüsho asühara düsheak, yamkhün kamkhi thünio düsheak, Juda kiutobo tüsho Jirusalem kiudunglimrobo ching akheam thsüshihbah; tümüde alo thsümünimbah.

JEREMIA 8:3

Jushu inü yanmüzüta lakhi dangpung ching lakhi amütsü yamkhün aningkhibo alalanü rhangdung lapü yungde ashepü mürühbah, Wuto Atungpuhnü thachoh.

TÜZHOKHI 1:1

Khülang ki mihtsürünü mia lakhi kiuto küdükhüh zhikrangkhündo yapla! Künangde anihbe khimoberü nangde kama la, trükshih bolung anihbe ato lakheah! Anihbe lomi bolung ching kiulongthsürü lakhi azhorü kamdo.

TÜZHOKHI 1:13

Achang kheaknü apinü mo arüshih; ha I robo ching sükde yüzahdo; apinü I jing thsungkheak keang zünga zo; apinü I ashitloshih; apinü I zhikabahshih, nimung amuyung shekhia lashih.

TÜZHOKHI 5:18

Zion müzüng zhikrangkhündo alakhinü shirungbonü ju kheak apheanchoh.

EZEKIEL 20:33

Tsükjide I lale, Wuto Atungpuhnü thachoh, Inü nüsa kurungkheak wuto khah tüsho achungkhitkhi bin tüsho mulong zhipzhip yakzan shuhbah.

EZEKIEL 20:34

Inü wuto khah, achungkhitkhi khah, tüsho bukakhiukde nüsa müzütshihpung mihtsürü chingnü bekhitbah tüsho lomibo chingnü bemukhungbah;

EZEKIEL 24:13

Tütüshe küyimki inü nü makhamaleak münean chingnü müsühkhea, amünean chingnü nü müsühde mükam; nü kheak I reangkeamde bukmakhiukyi khiungde nü müsühde mükamlo.

EZEKIEL 24:8

I mulong zhipzhipshihpü, royimshihpü anihbenü abukkhi thiyih inü lung kheak yihkih, junangde ju müyihdo.

EZEKIEL 5:13

I reangmükeamyi khiungde nünü I bukakhiukkhi tüsho I mulong zhipzhipkhi amüküp alala mütsanbah. Küyimki ha alala dünjibanü, nü thiyuro mülakhinü I Atungpuhnü bukakhiukde nü ki asukdo de nünü mükheahbah.

EZEKIEL 6:12

Api shepü limshude lanü arümnü ashebah, tüsho shepü phünide lanü nukshangnü akeambah, tüsho shepü rhangdung lanü tüsho aninga lanü khümzungnü ashebah. Junangde I mulong zhipzhip arü kheak labah.

EZEKIEL 8:18

Jumonü inü bukakhiukde arü ki rhimobah; inü arü ki muzhode mükheah yungsho arü maningshih. Arünü I nükhün ching zhizhi she, inü arü ki mani.”

DANIEL 9:12

Nünü isa le isa yakzanshuhrü azhihde asukkhi yubo thsümütsü ato isa kheak dünjishih. Thüning athrünkhi bukkhüp Jirusalem kheak rhimokhi nangde küyimkishe mürhimoakheahyi.

LEVI 26:28

inü she I bukakhiukde nüsa kheak mükthsübah; tüsho nüsa neak dünkheaknü thüne ki thsümüchibah.

LEVI 26:31

Inü nüsa kiutobo akeangkeang kamshihbah tüsho amüsüh dangpungbo zhikabahshihbah, tüsho nüsanü arhümthüneabe kingaünkhi mümünimjih.

NAHUM 1:2

Mükthsükhi tüsho royimkhi Thrünpuh ju Atungpuh ah, royimpü tüsho mulong zhipzhip ju Atungpuh ah; Atungpuhnü api azhihrü kheak royimchoh tüsho api riribo azhihde bukakhiukchoh.

ZEKARIA 1:2

Atungpuh nüsa jipürü kheak khide bukakhiukde alakheah.

ZEKARIA 1:6

Tüshe I yubo tüsho I yakzanbo, küpü inü I yamlarübo tüsho wukihrübo ki thiyukhüm jihkhea, jurünü nüsa jipürü müyanphuhkhea de? Jumonü arünü mulong müthri tüsho tha, “ Wuto Atungpuhnü apinü arhimopü lümkhi thsükhi nangde isa limrobo tüsho rhimobo yande isa ki rhimodo.”

ZEKARIA 7:14

tüsho inü arübo arünü mümükheahkhi trükshih alala bolung chinthrümnü hiumüzütshih. Hanangde arünü abahjihkhi lomi ju zhika lakheah, junangde shenü yüla arüla müthsü, tüsho alomi atsü ju zhika lakheah.