JEREMIA 44:3 - AMÜSÜH HÜM CL Bible (BSI)

³ tümütüsho arünü amütsü rhimodo. Arünü arü yungsho nü yungsho nüsa jipürübonü küyimkishe mümükheahkhi thrünpuhbo ki rhümthüneabe takde tüsho kingaünde I bukakhiukshih.

JEREMIA 44:3 Iomraidhean Croise

NEHEMIA 9:33

Nünü isa alungki ching thsümüchido; neak yihbeakbeak she nünü isa muzhode müthsüm.

ISAIA 3:8

Tümüde Jirusalem jing mükhedo tüsho Juda angakdo, tümütüsho arü yu thakhi tüsho arü rhimobonü Atungpuh azhihkhi lah, api müretahkhi arün thsüshihdo.

JEREMIA 11:17

Wuto Atungpuh , shepünü nü khimkheanü, nüsa azhihde amütsü thado, tümütüsho Israel yamkhün tüsho Juda yamkhünnü amütsü rhimode, Baal kilim kingaün jihde I bukakhiukshih.

JEREMIA 16:10

Tüsho küyimki nünü harü yubo ha mihtsürü ki thabanü, tüsho arünü nü ki thasho, “Tümüde Atungpuhnü ha amütsü ato isa azhihde athakhea? Isa mülimkhi tümü a? Atungpuh isa Thrünpuh azhihde isanü ayihbeakkhi neak tümü a?”

JEREMIA 22:9

Tüsho arünü alobah, “Tümütüsho arünü Atungpuh arü Thrünpuh tangzüngkhi bahyukdo tüsho püpü thrünpuhbo kingaün tüsho tankih.”

JEREMIA 29:19

tümütüsho arünü I yu mani, Atungpuhnü thachoh, küyimki inü nüsa kilim I yamlarü wukihrübo alochode arüshihkhea, tüshe nüsanü mani, Atungpuhnü thachoh.

JEREMIA 32:30

Tümüde Israel mihtsürü tüsho Juda mihtsürünü arü athunuchokinü I miki amütsü lang rhimodo; Israel mihtsürünü tümü mürhimo tüshe arü khah rhimobonü I bukakhiukshihdo, Atungpuhnü thachoh.

JEREMIA 44:23

Ha tümütüsho nüsanü kingaünbo tak, tüsho nüsanü A TU N GPU H azhihde neak yihbeak tüsho Atungpuh düsheak mani yungsho api yakzan tüsho thiyuzüngbo ching mütsah, hanü khihni amütsan lakhi nangde ha thsümütsü nüsa kheak arükheah.”

JEREMIA 44:8

Tümüde nüsa lapü arükhi Ijip ching nüsa khahnü arhimokhi püpürü thrünpuhbo ki kingaünkhinü I bukakhiukshihcho? Nüsa thsümünimba de tüsho lomi trükshih alala bolung muthrumünean tüsho münedung kamba de?

JEREMIA 5:19

Tüsho küyimki nü mihtsürübonü athaba, “Tümüde Atungpuh isa Thrünpuhnü harü alala isa kheak rhimokhea?” nünü arü ki thabah, “ Nüsanü I bahyuk tüsho nüsa lomi ching khiungkerü thrünpuhbo tankih, jumonü nüsa lo ching yungde nüsanü khiungkerü tankihbah.”

JEREMIA 5:29

Hadürü thsungkheak inü arü müthsümüchibea de? Atungpuhnü thachoh, tüsho hadürü trükshih kheak inü romüyimbea de?

JEREMIA 7:19

Atungpuhnü thachoh, Arünü I bukakhiukshihcho de? Arü küdah thsüde arü achih handarüchoh yung de?

TÜZHOKHI 1:8

Jirusalemnü tode neak yihbeakdo, jumonü anihbe amümüsüh kamdo; anihbe wüntre jihrü alalanü anihbe mükhemürangchoh, tümüde arünü anihbe bünkeang ngüdo. Anihbe ashechoh tüsho miro anguhde tsochoh.

TÜZHOKHI 4:13

Ha anihbe wukihrü neakbo tüsho anihbe amükeamrü mülimkhibo, thiyuro-lungkirü thiyih bukshihkhi hode alakheah.

EZEKIEL 9:9

Apinü I ki alo, “ Israel tüsho Juda yamkhün neak khide tolah; alomi ju thiyih bukkhinü milah tüsho kiuto thiyuro mülakhinü milah. Arünü thachoh, ‘Atungpuhnü alomi bahyukdo; Atungpuhnü mükheah.’

DANIEL 9:5

isanü mihbukmuyuk rhimode tüsho azhihde nü yukhümbo tüsho yuzüngbo kheaknü rholobah tsode neak yihbeakdo tüsho amülim thsüdo.

YUZÜNGTHALO 13:6

“Nü khiung, nü be tsührü, nü tsührü yungsho tsührübe, nünü amuzhokhi yamkhünberü yungsho nü ki mulong khülang thsükhi müyamrünü nü bephülappü thsüde hade thasho, Isanü yübah püpürü thrünpuhbo tankihanü, shepü nü tüsho nüsa jipürünü mümükheah,

YUZÜNGTHALO 29:25

Judüki mihtsürübonü athabah: ‘ Tümütüsho apinü arü Ijip lo chingnü bede akhiukchoki Atungpuh arü jipürü Thrünpuhnü tangzüngkhi arünü bahyukdo;

YUZÜNGTHALO 29:26

tümüde arünü yübah arü ki mümülükhi tüsho arünü mümükheahkhi püpürü thrünpuhbo tankih tüsho kingaün.

YUZÜNGTHALO 32:17

Arünü Thrünpuh tsütsü yungde arimri mebo, arünü küyimkishe mümükheahkhi, khihnishido arükhi thrünpuhbo aso, nüsa jipürünü mütrekhi kilim laksah-a kingaün.

IBRI 3:16

Sobahle azhihrübo ju sherü lakhea? Ijip chamkhirü alala Mosa yakzan shuhkhi bukkhüp lakhi yung de?