JEREMIA 44:27 - AMÜSÜH HÜM CL Bible (BSI)

²⁷ Inü arü kurungkheak athsümünimpü kheahbah tüsho atsü thsungkheak yung; Ijip ching lakhi Juda mihtsürü alala nukshang tüsho khümzungnü, khülang she maningyi khiungde dükheakshihbah.

JEREMIA 44:27 Iomraidhean Croise

2 KIULONG THSÜRÜ 21:14

Inü I yamrüplurüp aningkhi bahyukbah, tüsho arü riri khah ching jihbah; arübo ju arü riri alala miki thsünükhi tüsho yankhia lukhi kambah,

JEREMIA 1:10

Kheahang, khihni inü nü trükshih tüsho kiulongthsübo kurungkheak arukkhitpü tüsho athomülünpü, athsümünimpü tüsho lahyuka bahpü, athsüpü tüsho akhimpü zojihchoh.”

JEREMIA 21:10

Tümüde inü ha kiuto azhihde amütsü thsungkheak I miro anguhdo tüsho atsü thsungkheak yung, Atungpuhnü thachoh: Ha Babilon kiulongthsüpuh khah ching jihbah, tüsho apinü monü atakbah.

JEREMIA 31:28

Tüsho inü arü zükshakpü tüsho thokheampü, jipa bahpü, athsümünimpü, tüsho amütsü handarüpü kheahkhi nangde inü arü thsülopü tüsho ayangpü kheahbah, Atungpuhnü thachoh.

JEREMIA 39:16

Ethiopiarü Ebedmelek kilim yüang tüsho thaang: Wuto Atungpuh , Israel Thrünpuhnü ha thachoh: Inü ha kiuto azhihde amütsü thakhi dünjipü lah tüsho atsü thsungkheak yung, tüsho ju nimung nü lade adünjibah.

JEREMIA 42:16

dale nüsanü atrekhi nukshangnü Ijip lomi ching nüsa yanphuhbah; tüsho nüsanü atrekhi khümzungnü Ijip ching nüsa dunglim yankihbah; tüsho ju ching nüsa shebah.

JEREMIA 44:12

Ijip lomi ching lapü lümkihbah ayürü Juda aningkhi inü lude atsobah, tüsho arü mihbüm abannü adükheakbah; Ijip lomi ching arübo keambah; nukshang tüsho khümzungnü arübo dükheakbah; anikhühnü ato khiungde, arübo nukshang tüsho khümzungnü ashebah; tüsho arübo athruaji tüsho atrebe, muthrumünean tüsho münedung kambah.

JEREMIA 44:13

Inü Jirusalem thsümüchikhi nangde, Ijip lomi ching larü nukshang, khümzung tüsho arümtukthsünü thsümüchibah,

JEREMIA 44:14

junangde Juda aningkhi, Ijip lomi ching lapü arürü mutsokhi yungsho rhangdung müla yungsho Juda lomi ching malodarü. Arünü ju ching lapü yünede lümlüm she tsokhia larü khürü kheak hode, arü alode müyü.

JEREMIA 44:18

Tüshe isanü yinmi kiulongthsübe ki kingaünpü tüsho yukhu dungpü tuklokhi kimnü rünbah, isa tümü müla tüsho nukshang le khümzungnü dükheakdo.”

JEREMIA 9:15

Jumonü Wuto Atungpuh , Israel Thrünpuhnü ha thachoh: Inü ha mihtsürü akhüh sangrung kipbah tüsho müzüm ke duhbah.

JEREMIA 9:16

Inü arübo arü yungsho arü jipürübonü mümükheahkhi trükshih bolung müzütshihbah; tüsho inü arü muyuamübahyi khiungde, nukshang khülang arü dunglim yüshihbah.

EZEKIEL 5:12

Nüsa shihchamkhüh arüm yungsho khümzungnü ashebah; nü mühide shihchamkhüh nukshangnü akeambah; tüsho shihchamkhüh apungbo ching hiumüzütbah tüsho nukshang thokhitbah yande müshambah.

EZEKIEL 7:6

Akheam arüdo! Akheam arüdo! Hanü nü azhihde aküdahnü wusudo. Ha arüdo!

DANIEL 9:14

Atungpuhnü isa kheak thsümütsü handarüpü lüm müshangmang, tümüde Atungpuh isa Thrünpuh ju apinü arhimokhi lüpdükhi ching thiyuro-lungki lah; tütüshe isanü api ki mihyumani.

AMOS 9:8

Atungpuh T H RÜ NPU H mükbo ju neak lakhi kiulongthsü kheak lah, tüsho inü ju alomi kheaknü adükheakshihbah; inü Jakob yamkhün lang shahde müdükheakshih, Atungpuhnü thachoh.