JEREMIA 44:22 - AMÜSÜH HÜM CL Bible (BSI)

²² Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

JEREMIA 44:22 Iomraidhean Croise

THRÜNTAN 19:13

Tümüde isanü ha dangpung dükheakshihbah, tümütüsho arü azhihde azhikhi Atungpuh miki tode kamdo, tüsho Atungpuhnü ju dükheakshihpü ike arüshihkheah.”

THRÜNTAN 6:3

Tüsho Atungpuhnü tha, “Inü mihtsürü lünnü alapü mümülüjih, tümüde api shih ah; api kam 120 labah.”

2 KIULONG THSÜRÜ 17:15

Arünü api yakzanbo, apinü arü jipürü kheak tangzüngkhi, tüsho arü kilim dühdükhiyu jihkhi bahyuk. Arünü sangthsübo dunglim yü tüsho amülim kamabah; arünü arhimokhi yande dürhimo de Atungpuhnü athakhi arü mühi trükshihbo dunglim yan.

ISAIA 1:24

Jumonü Wuto Atungpuh , Israel yo Wutonü thachoh: Ah, inü I riribo kheak I bukakhiukkhi dungkihbah, tüsho I riri kheak I royimbah!

ISAIA 43:24

Nünü I khilim shonü niungyidung muthulojih, yungsho nünü alaksahkhi müdangnü I reangmükeamshih. Tüshe nü neakbonü I hah mülangshihdo; nü amülimbonü I khishihdo.

ISAIA 7:13

Judüki Isaia nü tha: “ Kheakü aniang, O David yamkhün! Nü thsungkheaknü mihtsürü khikhi khide ninilah de, nünü I Thrünpuh she keaksahshihba de?

JEREMIA 15:6

Nünü I bahyukdo, Atungpuhnü thachoh, nü dunglim peang yüchoh; jumonü nü azhihde I khah chungkhitkheah tüsho nü thsümünim– tümütüsho I bukakhiukkhi danlopü keaka lakheah.

JEREMIA 18:16

arü lomi atrebe kamshihde, lünnü ish thsüpü lah. Ha ki horü alala trechoh tüsho arü kubo lukchoh.

JEREMIA 21:12

O David yamkhün! Atungpuhnü ha thachoh: Yapsu aban thiyuro rhimoang, tüsho khürü rükyuka larü ajunorü khah chingnü bekhitang, jude yungsho I bukakhiukkhi mo nangde ayübah, tüsho shenü müyihmütde nüsa rhimo amütsübo thsungkheaknü atakbah.

JEREMIA 23:2

Jumonü Atungpuh Israel Thrünpuhnü, I mihtsürü kümrü yakzanshuhrübo dünkheak ha thachoh: Nüsanü I mihtsürübo müküm; nüsanü arübo yanmüzüt tüsho yana tsoshihdo. Jumonü nüsa rhimo amütsü thsungkheak inü nüsa thsümüchibah. Atungpuhnü thachoh.

JEREMIA 24:9

Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 25:11

Ha lomi abümnü thsümünimbah tüsho akeangkeang kambah, tüsho harü trükshihbonü kam nerü Babilon kiulongthsüpuh tankihbah.

JEREMIA 25:18

Jirusalem tüsho Juda kiutobo, kiulongthsürübo tüsho atorübo, arübo zhikrangkhündo thsümünimshihpü, arübo khihni lakhi nangde ish thsüpü tüsho muthrumüneanpü;

JEREMIA 25:38

Kekhüzü nangde apinü lapung bahbah tsodo; tümütüsho bukmüke nukshang tüsho api bukmükede akhiukkhinü arü lomi thsümünima lah.

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 29:18

Inü arübo nukshang, khümzung, tüsho arüm-tukthsünü yande müshambah, tüsho arübo alomi kiulongthsü alala ki athraneanbe, muthrumünean tüsho atrebe ish thsübe tüsho inü arü yana yüshihkhi trükshih alala bolung keangrümünekhi kamshihbah,

JEREMIA 29:19

tümütüsho arünü I yu mani, Atungpuhnü thachoh, küyimki inü nüsa kilim I yamlarü wukihrübo alochode arüshihkhea, tüshe nüsanü mani, Atungpuhnü thachoh.

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

JEREMIA 34:22

Inü thiyukhüm jihbah, Atungpuhnü thachoh, tüsho arübo ha kiuto ching belodarübah; tüsho ha bede keochihde ayankhitbah, tüsho monü atakbah. Juda kiuto mihtsürübo mülade zhikabahbah.

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JEREMIA 42:18

Tümüde Wuto Atungpuh , Israel Thrünpuhnü ha thachoh: I bukakhiukkhi tüsho I mulong zhipzhipkhi Jirusalem ching larü kheak dungkihkhi nangde, nüsa Ijip ching yüchoki nüsa kheak I bukakhiukkhi dungkihbah. Nüsa muthrumünean tüsho atrebe, abahyukpü tüsho münedung kambah; nüsanü ha dangpung küyimkishe müngülo.

JEREMIA 44:12

Ijip lomi ching lapü lümkihbah ayürü Juda aningkhi inü lude atsobah, tüsho arü mihbüm abannü adükheakbah; Ijip lomi ching arübo keambah; nukshang tüsho khümzungnü arübo dükheakbah; anikhühnü ato khiungde, arübo nukshang tüsho khümzungnü ashebah; tüsho arübo athruaji tüsho atrebe, muthrumünean tüsho münedung kambah.

JEREMIA 44:2

Wuto Atungpuh , Israel Thrünpuhnü ha thachoh: Inü Jirusalem tüsho Juda kiutobo alala kheak handarükhi thsümütsü alala nüsanü ngüdo. Jurübo kheak kheahang; ha nimung jurübo mihtsürü mülade zhikrangkhündo lah,

JEREMIA 44:6

Jumonü Juda kiutobo tüsho Jirusalem kiudunglimrobo ching I bukakhiukkhi dungkih tüsho trushih; tüsho jurübo athsümünim tüsho zhikrangkhündo kamabah, jurübo khihni khiungde lah.

JEREMIA 48:9

Moab kilim ghibo jihang, tümüde phinde atsobah, anihbe kiutobo zhikrangkhündo she mülade alabah.

JEREMIA 5:9

Hadürü dünkheak inü arü müthsümüchiba de? Atungpuhnü thachoh; tüsho hadürü hode inü trükshih kheak romüyimba de?

EZEKIEL 39:23

Tüsho arü mülimkhi dünkheak Israel yamkhün aramkhi ching yükheah de trükshihbonü mükheahbah, tümütüsho arünü I ki mülimde rhimo. Jumonü arü kheaknü inü I miro jik tüsho arü riribo khah ching arübo jih, tüsho arübo nukshangnü keam.

EZEKIEL 5:13

I reangmükeamyi khiungde nünü I bukakhiukkhi tüsho I mulong zhipzhipkhi amüküp alala mütsanbah. Küyimki ha alala dünjibanü, nü thiyuro mülakhinü I Atungpuhnü bukakhiukde nü ki asukdo de nünü mükheahbah.

DANIEL 9:11

Israel alalanü nü ki anipü reanglode nü yakzan lakmihdo tüsho rholode tsodo. Jumonü Thrünpuh yamlarü Mosa yakzan ching thrütkhi muthrumünean tüsho thiyuchihchim isa kheak dungkih, tümütüsho isanü nü azhihde neak yihbeak.

DANIEL 9:12

Nünü isa le isa yakzanshuhrü azhihde asukkhi yubo thsümütsü ato isa kheak dünjishih. Thüning athrünkhi bukkhüp Jirusalem kheak rhimokhi nangde küyimkishe mürhimoakheahyi.

AMOS 2:13

Jumonü lolungbenü hi mide hanbah azünakkhi nangde inü nüsa zünakbah.

MALAKI 2:17

Nüsanü nüsa yubonü A TU N GPU H khishihdo. Tütüshe nüsanü, “ Küde thsah isanü api khishihkhi? Isanü amütsü rhimokhi alala Atungpuh miki atsü lah, tüsho apinü jurü ching asühchoh. Yungsho thiyuro Thrünpuh küching la?” de thachoh.

ROMRÜ KILIM PAULNÜ ATHRÜTKHI KIHÜM HUHTANYU 9:22

Tüsho Thrünpuhnü tümü rhimokheanü dükdü ah. Apinü api bukakhiukkhi tüsho api wu huhpü kün. Tüshe athsümünimpü lakhi api bukakhiukkhi kukruk kheak apinü khide arümkheam.