JEREMIA 44:17 - AMÜSÜH HÜM CL Bible (BSI)

¹⁷ Ju müthri, isa le isa jipürübo, isa kiulongthsürübo tüsho atorübonü Juda kiutobo tüsho Jirusalem kiudunglimrobo ching rhimokhi nangde, yinmi kiulongthsübe ki rhümthüneabe kingaünde tüsho anihbe ki yukhu bukkihde lüpdükhi isanü athakhi rhimobah. Junangde isa tsühyungpü suhde, tüsho lalim tsüde alakheah, tüsho kuhi amütsü tümü müngü.

JEREMIA 44:17 Iomraidhean Croise

2 KIULONG THSÜRÜ 17:16

Arünü arü Thrünpuh Atungpuh yukhümbo alala bahyuk tüsho arü thsungkheak moshi nunu sangthsü mahne thsüa zhipshih; arünü Ashera sangthsü thsübah, chiningbo kingaün, tüsho Baal tankih.

2 KIULONG THSÜRÜ 22:17

Tümütüsho arünü I bahyuk tüsho püpü thrünpuhbo kilim kingaün jih, junangde arü khah rhimo alalanü I bukakhiukshih, jumonü ha dangpung azhihde I bukakhiukbah, tüsho ju müzünmüt.

2 KIUTHSÜYUKHEAN 28:23

Tümüde apinü Damaska thrünpuhbo kilim kingaün jih, küpünü anihbuh kukkhea, tüsho tha, “Tümütüsho Asiria kiulongthsürübo thrünpuhbonü arü rung, inü arü ki kingaünbah, junangde arünü I rungbah.” Tüshe arü ju anihbuh tüsho Israel alala thsümünimrü lakheah.

NEHEMIA 9:34

Isa jipürübo, kiulongthsürübo, limberübo tüsho amükeamrünü nü yakzan müyan. Arünü nü yukhüm tüsho müzünde athakhi mani.

MUNGSHIKHÜN 106:6

Isanü isa jipürü lung neak yihbeakdo, isanü amülim yihbeakdo, isanü mihbukmuyukde rhimodo.

MUNGSHIKHÜN 12:4

arünü tha, “Isa mulonü isanü akukbah, isa münküp isa lung lah; isa putungrü she a?”

ABEKHIT 16:3

Tüsho Israelrünü arü ki tha, “O, isa Ijip lomi ching shih phüh ki binchoki tüsho bukthsüde yikhap tsühchoki Atungpuh khah hode isa müshede! Tümütüsho nünü isa ha boto alala sunglo ching akhümnü asheshihpü bekhitdo.”

ISAIA 48:5

adüsonü inü jurübo nü ki thado, arü müdünjiyide inü nü ki mükheahshihdo, junangde nünü müthabah, “ I sangthsünü jurü rhimokheah, I yo asümkhi sangthsü tüsho anungkhi sangthsünü arübo thiyukhüm jihkheah.”

JEREMIA 1:16

Tüsho arünü I bahyukde mihbukmuyukkhi alala thsungkheak inü arü azhihde I mahkhapkhibo thabah; arünü jipürü thrünpuhbo ki rhümthüneabe taka kingaün, tüsho arü nihbuh khahnü arhimokhi ki kingaün.

JEREMIA 11:12

Judüki Juda kiutobo tüsho Jirusalem ching larünü angübah tüsho arünü rhümthüneabe kingaünkhi thrünpuhbo ki zhibah, tüshe arünü küyimkishe arü küpkhukkhi kim ching arübo mükhümkhit.

JEREMIA 18:15

Tüshe I mihtsürübonü I mihabahdo, arünü sangthsübo ki rhümthüneabe takchoh; arü jipü limrobo ching arü jing mükhedo, tüsho arübo limto ching yungde limkeanganu ching tsodo,

JEREMIA 19:13

Tüsho Jirusalem yambo le Juda kiulongthsürü yambo ju Topheth nangde müneanshihbah–thüyam kumung kheaknü rhümthüneabe takde chining kingaünkhi tüsho püpü thrünpuhbo kilim yukhu buka bahkhi yambo alala.

JEREMIA 44:21

“ Nüsanü Juda kiutobo tüsho Jirusalem kiudunglimrobo ching rhümthüneabe takkhi ju, nüsa tüsho nüsa jipürübo, nüsa kiulongthsürübo tüsho atorübo, tüsho lomi mihtsürübo, Atungpuhnü arü mülümkhit de, ha api lüm ching marüba de?

JEREMIA 44:25

Wuto Atungpuh , Israel Thrünpuhnü ha thachoh: Nüsanü athakhi yu rhimo ching akuk ngüdo, ‘ Isanü thiyuchihchimkhi rhimopü isanü lümkihlah, yinmi kiulongthsübe ki rhümthüneabe takpü tüsho anihbe ki yukhu bukpü.’ Nüsa thiyuchihchimkhi dükde zoang!

JEREMIA 44:9

Nüsa jipürü, Juda kiulongthsürübo, arü niuberü tüsho nüsa le nüsanü alakmihkhibo, Juda lomi tüsho Jirusalem kiudunglimrobo ching arünü ayihbeakkhibo nüsanü mihabahdo de?

JEREMIA 7:17

Arünü Juda kiutobo tüsho Jirusalem kiudunglimrobo ching tümü rhimochonü nünü müngü de?

JEREMIA 7:18

Azürübonü sang momukhungchoh, buhrübonü mo takkihchoh, tüsho yinmi kiulongthsübe thsungkheak yikhap thsüpü azoberübonü ayikangkang neamchoh; tüsho arünü I bukakhiukshihde, püpürü thrünpuhbo kilim ayungbe kingaün dunga bahchoh.

EZEKIEL 20:32

Nüsanü thachoh, “ Isanü trükshihbo nangde, sang tüsho lung tankihrü lomi mihtsürübo nangde lanelah.” Tüshe nüsa lüm ching tümü lanü müdünji.

EZEKIEL 20:8

Tüshe arünü I azhih tüsho I ki mani; arü mük ki lakhi athraneanbe mejakbo arünü yihkhita mübah, yungsho arünü Ijip sangthsübo mübahyuk. Jumonü I mulong zhipzhip arü kheak dungkihpü tüsho Ijip ching arü kheak I bukakhiukpü inü tha.

EZEKIEL 23:41

Anenü atsüdak binkiu kheak bin, ju miki I yo arhümthüneabe tüsho müdangke kihkhi dükhüm khülang zo.

EZEKIEL 8:16

Jushu apinü I Atungpuh yam khikzhakpung alungbe ching bede yüzah tüsho arüngyam limro kheak mükü le kingaün sadam dükeak mihtsürü 25 lakheah. Arü düthsün Atungpuh arüngyam lim thsü tüsho arü miro aniakhiuklim abinbah ani ki khukningde alakheah.

HABAKKUK 1:16

Jumonü apinü anihbuh yo keang ki laksah-a kingaünchoh tüsho keang-qiuqiu ki api kingaünbo jihchoh; tümüde jurü hode api müthangmüsün ching lachoh, tüsho api tsühyungpü lakhit lah.

WÜHKHE 30:12

Tüshe aniubuhnü jurü sobah yanlosho anihbenü amün chingnü thiyuchihchimkhi tüsho tangzüngachihkhibo mürhimo. Aniubuhnü jurü akeangkeang kamshihdo, tüsho Atungpuhnü anihbe neak bahjihbah.

WÜHKHE 30:2

Mihtsürü khülangnü Atungpuh ki thiyuchihchimsho, yungsho tangzüngachihde thiyuchihchimsho, apinü nihbuh yu müthsümünim; apinü amün chingnü athakhi yande lüpdükhi rhimobeah.

MARK 6:26

Kiulongthsüpuh khide mulong mütsüde alakheah; tütüshe thiyuchihchimkhi tüsho api ki binrü dünkheaknü apinü anihbe ki reanglopü mükün.

YUZÜNGTHALO 23:23

Nü mün chingnü tümü thadünü dükde arhimobeah, tümütüsho nü mün hode Atungpuh nü Thrünpuh kilim nünü zuzu thsüde thiyuchihchim thsüdo.

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

1 PETER 1:18

Nüsa jipürü kheaknü yamrüplurüp lukhi akeangkeang limrobo chingnü, adükheakbe shotoyinchi yungsho sunanü yungde nüsa rhokhitkheah de nüsanü mükheahlah,

MAHKHAPRÜ 11:36

Jumonü alibenü api ki tha, “ Abuh, nünü Atungpuh kilim nü yubo jihdüsho, nü mün chingnü akhiukkhi yande I kheak rhimoang, tümütüsho Atungpuhnü nü riri Amon mihtsürü kheak royimdo.”