JEREMIA 44:14 - AMÜSÜH HÜM CL Bible (BSI)

¹⁴ junangde Juda aningkhi, Ijip lomi ching lapü arürü mutsokhi yungsho rhangdung müla yungsho Juda lomi ching malodarü. Arünü ju ching lapü yünede lümlüm she tsokhia larü khürü kheak hode, arü alode müyü.

JEREMIA 44:14 Iomraidhean Croise

ISAIA 10:20

Ju nimung aningkhi Israel tüsho Jakob yamkhün rhangdung larübonü kheaküa arü shikrü kheak düthsün mangükih, tüshe Israel yo thiyuro Amüsühbuh kheak angükihbah.

ISAIA 4:2

Ju nimung Atungpuh sangkhah akheahakhambah tüsho müretahbah, tüsho lomi sangaso ju Israel aninga larü thsungkheaknü kükheangkhi tüsho müretahkhi labah.

JEREMIA 22:10

Shepü shea lanü api thsungkheak dütrip, yungsho api thsungkheak dütüzho; tüshe shepü tsoabahchonü api thsungkheak tripang, tümüde anihbuh asürü-lomi kheahpü api malodarü.

JEREMIA 42:17

Ijip ching yüpü lümkihrü mihtsürü alala nukshang, khümzung tüsho arüm-tukthsünü ashebah; inü arü kheak handarükhi thsümütsü chingnü arü aningkhi yungsho rhangdung larü mülade alabah.

JEREMIA 42:22

Tsüde mükheahang, junangde nüsanü küching yünela tüsho alapü künlanü ju dangpung ching nukshang, khümzung, tüsho arüm-tukthsünü nüsa shebah.

JEREMIA 44:26

Jumonü Atungpuh yu aniang, Ijip lomi ching larü nüsa Judarü alala: Kheahang, I mung ato hode inü thiyuchihchimchoh, Atungpuhnü thachoh, Ijip lomi alala ching Juda mihtsürü shepü münküp kheak she ‘ Atungpuh T H RÜ NPU H lah’ de dütha.

EZEKIEL 20:38

Nüsa I azhihrü inü müsühkhitbah. Arü lakhi chingnü inü arübo bekhitkhit she, arübo Israel lomi ching müyüzah. Judüki I Atungpuh de nüsanü mükheahbah.

EZEKIEL 6:8

Tüshe inü khürü aningshihbah, tümüde nüsa lomibo tüsho trükshih bolung müzütchoki nüsa khürü nukshang chingnü atsokhitbah.

MATHI 23:33

Nüsa phurutobo, phuruto tsührübo! Athsümüchi chingnü nüsanü küde thsah atsokhitpü?

ROMRÜ KILIM PAULNÜ ATHRÜTKHI KIHÜM HUHTANYU 2:3

O mihtsürü, nünü hadürü rhimode labah ju rhimorü ki mahkhapchoki nünü Thrünpuh mahkhap tsokhibah de lümcho shi?

ROMRÜ KILIM PAULNÜ ATHRÜTKHI KIHÜM HUHTANYU 9:27

Tüsho Isaianü Israel dünkheak zhi: “Israel tsührübo khekhi ju loyi nangde lalashe, arü aningkhi lang akhümkhitbah;

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,