JEREMIA 43:7 - AMÜSÜH HÜM CL Bible (BSI)

⁷ Tüsho arübo Ijip lomi ching yüzah, tümüde arünü Atungpuh yu mani. Tüsho arübo Tapanhes ching arü.

JEREMIA 43:7 Iomraidhean Croise

2 KIULONG THSÜRÜ 25:26

Judüki mihtsürü alala, achangbe tüsho abobe tüsho thirithsürü wühkenorübonü tsahmusu tüsho Ijip ching yü; tümüde arünü Kaldearü trede alakheah.

2 KIUTHSÜYUKHEAN 25:16

Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

ISAIA 30:2

shepünü I ki mükeokhide Pharaonü akümkhi ching tsoyukpü, tüsho Ijip alamme ching kurampung yimde ayükipü tsahmusukhea;

ISAIA 30:4

Tümüde arü torübo Zoan ching lalashe tüsho arü thiyusheak-jihrü Hanes khiunga lalashe,

JEREMIA 2:16

Ju lang yung, Memphis tüsho Tapanhes mihtsürübonü nü kuro yihrüpdo.

JEREMIA 41:17

Arünü tsahmusu, tüsho Ijip lim yüpü lümbah Bethlehem phünide Geruth Kimham ching tuklo,

JEREMIA 42:21

Jumonü inü nüsa ki khihni thado, tüshe nüsa ki thashihpü apinü I thiyikhi tümü ching she nüsanü Atungpuh nüsa Thrünpuh yu mani.

JEREMIA 44:1

Jihudarü Ijip lomi ching larü, Migdol ching, Tapanhes ching, Memphis tüsho Pathros ching larü alala thsungkheak Jeremia kilim thiyu arü,

JEREMIA 44:24

Jeremianü mihtsürü alala tüsho aliberübo ki tha, “Atungpuh yu aniang, nüsa Ijip ching larü Judarü alala,

JEREMIA 46:14

Ijip ching thaang, tüsho Migdol ching zhiyukjang; Memphis tüsho Tapanhes ching zhiyukjang; Thaang, “ Nüsa zhippung mükühang tüsho thsakhamang, tümüde nüsa mükamde nukshangnü amuyubah.”

EZEKIEL 30:18

Küyimki inü Ijip sangkap yihshakba, tüsho kükheangküyang sühmüh akheam kamshihbanü Tapanhes ching animung mitingbah; kiuto ju amonü akhüpdobah, tüsho kiuto mihtsürübo ramtso ching yübah.