JEREMIA 43:13 - AMÜSÜH HÜM CL Bible (BSI)

¹³ Apinü Ijip lomi Heliopoli ching lakhi amüsüh dungjingbo thsümünimbah; tüsho Ijip thrünpuhbo arüngyambo monü atakbah.

JEREMIA 43:13 Iomraidhean Croise

THRÜNTAN 41:45

Tüsho Pharaonü Josep mung Zaphenathpanea de ji. Apinü anihbuh kilim On amükeamrü Potiphera tsührübe Asenath aniube thsüpü jih.

ISAIA 19:1

Ijip dünkheak müchityu. Kheahang, Atungpuh ju ashankhi amo kheak binlah tüsho Ijip lim arüchoh; Ijip sangthsübo api miki ajanbah, tüsho arü bolung Ijiprü mulong niuthünakbah.

ISAIA 19:18

Ju nimung Ijip lomi ching kiuto phüngünü Kanan yutha thabah tüsho Wuto Atungpuh ki thiyuro thiyuchihchimbah. Arü bolung kiuto khülang Ani kiuto de ajibah.

ISAIA 46:2

Arünü mükhümchoh, arü rukhühnü khukningchoh; arünü hahmülangkhi chingnü mükhümkhitkhuk, tüshe arübo rama lubah tsochoh.

JEREMIA 10:11

Nünü arü ki ha thaang: Thüningbo tüsho alomi müthrünkhi thrünpuhbo alomi chingnü tüsho thüningbo khüpnü adükheakbah.

JEREMIA 25:19

Ijip kiulongthsüpuh Pharao, api yamlarübo, atorübo, tüsho api mihtsürü alala;

JEREMIA 43:12

Apinü Ijip thrünpuhbo arüngyambo ching mo thsahkihbah; tüsho apinü jurü takbah tüsho rama lubah atsobah; tüsho namfimihnu neakrünü düthre dütrünkhia bahde nihbuh khimmih zünga lukhi nangde, apinü Ijip lomi zünga lubah; tüsho ju chingnü api tümü müthsüde awukhiukbah.

JEREMIA 44:1

Jihudarü Ijip lomi ching larü, Migdol ching, Tapanhes ching, Memphis tüsho Pathros ching larü alala thsungkheak Jeremia kilim thiyu arü,

JEREMIA 46:25

Wuto Atungpuh , Israel Thrünpuhnü tha: Kheahang, inü Thebes thrünpuh Amon, Pharao, tüsho Ijip le anihbe thrünpuhbo tüsho kiulongthsürübo, Pharao tüsho api kheak kinrü kheak thsümüchi handarübah.

EZEKIEL 26:11

Api khora biuobonü nü kiudunglimrobo jungbah. Apinü nü mihtsürübo nukshang kheak yihkihbah, tüsho nü yo amüküp dungjingbo alo kheak keambah.

EZEKIEL 30:13

Atungpuh Thrünpuhnü ha thachoh: Inü sangthsübo thsümünimbah tüsho Memphis ching mejakbo kheamshihbah; Ijip lomi ching yakzanshuhrü mülalo; junangde inü Ijip lomi ching atrepü yukjihbah.

EZEKIEL 30:17

On tüsho Pi-beseth athunu mihtsürü nukshangnü akeambah; tüsho kiutobo ramtso ching yübah.

DANIEL 11:8

Apinü arü thrünpuh mejakbo tüsho thrünpuhbo kilim müsühkhitkhi suna tüsho shotoyinchi kukrukbo Ijip lim hanlode ayübah. Tüsho kam anükhüh kheak apinü dukulim kiulongthsüpuh yanpü chingnü atuklobah.