JEREMIA 43:12 - AMÜSÜH HÜM CL Bible (BSI)

¹² Apinü Ijip thrünpuhbo arüngyambo ching mo thsahkihbah; tüsho apinü jurü takbah tüsho rama lubah atsobah; tüsho namfimihnu neakrünü düthre dütrünkhia bahde nihbuh khimmih zünga lukhi nangde, apinü Ijip lomi zünga lubah; tüsho ju chingnü api tümü müthsüde awukhiukbah.

JEREMIA 43:12 Iomraidhean Croise

2 SAMUEL 5:21

Ju ching Filistiarünü arü sangthsübo bah, tüsho David le amihtsürübonü lubah tso.

ESTER 6:9

tüsho mükheahmudurü khülang thiyia phuyujihshang, jude thsah khora ju kiuto mükamde tsahshang. Tüsho abebuhnü hade zhishang, ‘ Kheahang ha buh mihtsürü kheak kiulongthsüpuhnü küdükhüh wüntre jihpü lümcho!’ ”

JOB HU H T ANYU 40:10

Jude a sho wüntre-müretah tüsho akinashunü nü züt thsang; müretah tüsho atsüdak phuyuang.

MUNGSHIKHÜN 104:2

shepü khimmih nangde ayinnü phudola, shepünü zhindokhim nangde thüningbo thoshang,

MUNGSHIKHÜN 132:16

Inü anihbe yo amükeamrübo she akhümkhit phuyujihbah, tüsho anihbe amüsührünü asühachihde achangnü azhibah.

MUNGSHIKHÜN 132:18

Inü api riribo achihnü alüpdojihbah tüshe api kiulongthsü akuk ngüde lalim tsübah.”

ABEKHIT 12:12

Tümütüsho ju tsüngre I Ijip lomi hode ayübah tüsho Ijip lomi ching adüjirü, mihtsürü tüsho shiwüh chido laksahbah; tüsho Ijip thrünpuhbo alala azhihde inü mahkhapbah: I Atungpuh ah.

ISAIA 19:1

Ijip dünkheak müchityu. Kheahang, Atungpuh ju ashankhi amo kheak binlah tüsho Ijip lim arüchoh; Ijip sangthsübo api miki ajanbah, tüsho arü bolung Ijiprü mulong niuthünakbah.

ISAIA 21:9

Kheahang, ju ching arü arüchoh, khoraberübo, khoraberü mahnene!” Tüsho apinü thalo, “Babilon lungdo, lungdo; tüsho anihbe sangthsü thrünpuhbo alala alo kheak keamthünaka yaplah.”

ISAIA 46:1

Belnü khukningchoh, Nebonü mükhümchoh, arü sangthsübo shiwüh tüsho moshibo kheak lah; nüsanü ahankhibo ha akeakpü lakhi shiwühbo kheak hahmülang lah.

ISAIA 46:2

Arünü mükhümchoh, arü rukhühnü khukningchoh; arünü hahmülangkhi chingnü mükhümkhitkhuk, tüshe arübo rama lubah tsochoh.

ISAIA 49:18

Nü mük züngkihang tüsho mühide kheahang; arü alala mukhungchoh, arübo nü kilim arüchoh. I lale, Atungpuhnü thachoh, zülu nangde arü alala nünü ayihbah, tüsho arhangberü nangde nünü arü yihbah.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 59:17

Treangkhümbe nangde apinü thiyuro-lungki yih, tüsho api ku kheak akhümkhit kuthran thran; apinü khimmih thsungkheak royimkhi khimmih phuyu, tüsho khimniuniu ching nangde bukakhiukkhi ching hingthülang.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

ISAIA 61:5

Jaksorübonü azhipbah tüsho nü mihnu boto yimkipbah, khiungkerübonü nü lo kiubah tüsho nü yo kurungasolubo mupungbah;

JEREMIA 10:11

Nünü arü ki ha thaang: Thüningbo tüsho alomi müthrünkhi thrünpuhbo alomi chingnü tüsho thüningbo khüpnü adükheakbah.

JEREMIA 10:15

Arübo müthülün, alakmihkhi rhimo lah; arü thsümüchichoki arübo dükheakbah.

JEREMIA 25:19

Ijip kiulongthsüpuh Pharao, api yamlarübo, atorübo, tüsho api mihtsürü alala;

JEREMIA 43:13

Apinü Ijip lomi Heliopoli ching lakhi amüsüh dungjingbo thsümünimbah; tüsho Ijip thrünpuhbo arüngyambo monü atakbah.

JEREMIA 46:25

Wuto Atungpuh , Israel Thrünpuhnü tha: Kheahang, inü Thebes thrünpuh Amon, Pharao, tüsho Ijip le anihbe thrünpuhbo tüsho kiulongthsürübo, Pharao tüsho api kheak kinrü kheak thsümüchi handarübah.

JEREMIA 48:7

Tümütüsho nünü nü sühmüh tüsho nü lakhitbo kheak kindo, nü she bede atsobah; nü thrünpuh Kemosh ramtso ching, api yo amükeamrübo tüsho yakzanshuhrübo bede dükde ayübah.

JEREMIA 49:27

Tüsho inü Damaska chipi kheak mo takkihbah, tüsho hanü Ben-hadad chipi aniuabahbah.

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 51:44

Inü Babilon thrünpuh Bel thsümüchibah, tüsho apinü amuyukhi mülümkhitshihbah. Trükshihbonü kheaküa api ki shode müyü; Babilon chipi keamdo.

EZEKIEL 29:11

Mihtsürü jingnü ha mütsahho, tüsho shiwühnü ha mütsahho; ha kam yirü mülade alabah.

EZEKIEL 29:19

Jumonü Atungpuh Thrünpuhnü ha thachoh: Inü Ijip lomi ju Babilon kiulongthsüpuh Nebukednezar kilim jihbah; tüsho apinü ju lakhit hana lubah, jangkhia tüsho yankhia lubah; tüsho ju api bonungrü thsungkheak mihkhahmo labah.

EZEKIEL 30:13

Atungpuh Thrünpuhnü ha thachoh: Inü sangthsübo thsümünimbah tüsho Memphis ching mejakbo kheamshihbah; Ijip lomi ching yakzanshuhrü mülalo; junangde inü Ijip lomi ching atrepü yukjihbah.

DANIEL 11:8

Apinü arü thrünpuh mejakbo tüsho thrünpuhbo kilim müsühkhitkhi suna tüsho shotoyinchi kukrukbo Ijip lim hanlode ayübah. Tüsho kam anükhüh kheak apinü dukulim kiulongthsüpuh yanpü chingnü atuklobah.

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

ROMRÜ KILIM PAULNÜ ATHRÜTKHI KIHÜM HUHTANYU 13:12

azhing tsodo, animung thünina lah. Jumonü isanü azhing rhimobo tukloanü tüsho ayin zülu yihanü;

EFISIA 4:24

tüsho thiyuro-lungki tüsho amüsüh ching Thrünpuh kiphahkhi ching thrünkhi yakli aso khümyukang.

EFISIA 6:11

Thrünpuh thirithsü zülu alala yihang, junangde nüsanü amünean lümkhi azhihde azhipkhukbah.

KOLOSI 3:12

Thrünpuhnü mokhitkhi, amüsüh tüsho amuzhokhi a le, amuzho, tsüyihkhi, aninirü kamkhi, azhihayih tüsho arümkheam yihang,

KOLOSI 3:14

Tüsho harü alala kurungkheak, tsüdakde arihakokhi ching lüpdükhi rhükrukhi amuzho yihang.