JEREMIA 42:6 - AMÜSÜH HÜM CL Bible (BSI)

⁶ Atsü yungsho amütsü thsüthsü, isanü shepü kilim nü yüshihchonü Atungpuh yu isanü anibah, ju yande isanü Atungpuh isa Thrünpuh yu anichoki isa tsüde ayübah.”

JEREMIA 42:6 Iomraidhean Croise

MUNGSHIKHÜN 128:2

Küyimki nünü nü khahnü arhimokhi tsühbanü, nü asühbah, tüsho nü tsüde alabah.

MUNGSHIKHÜN 78:36

Tütüshe arünü arü münnü api ki thsüpkhilukhi; tüsho arü mulonü akeangyu tha;

ABEKHIT 24:7

Judüki apinü tangzüng hüm lu tüsho mihtsürübonü sode khe. Tüsho arünü tha, “Atungpuhnü athakhi alala isanü arhimobah tüsho anibah.”

ISAIA 3:10

Thiyuro larü ki arü kuhi lakhi thaang, tümüde arünü arü rhimokhi sangaso tsühbah.

JEREMIA 22:15

Cedarnü thüyambo thsümonü nü kiulongthsürü kamshihcho de? Nü buhnü atsühkhi tüsho ayungkhi yung de tüsho thiyuro tüsho thiyuro-lungki mürhimokhea de? Junangde api kheak alala tsüde alakheah.

JEREMIA 43:4

Jumonü Karea tsührü Johanan tüsho thirithsü limberübo alala tüsho mihtsürü alalanü Juda lomi ching lapü Atungpuh yu mani.

JEREMIA 7:23

Tüshe ha yukhüm inü arü ki jihkheah, “ I düsheak aniang, tüsho I nüsa Thrünpuh thsübah, tüsho nüsa I mihtsürü thsübah; tüsho inü nüsa ki thiyukhüm jihkhi limro ching lang tsahang, junangde nüsa tsüde alabah.”

ROMRÜ KILIM PAULNÜ ATHRÜTKHI KIHÜM HUHTANYU 7:13

Dale tüsho küpü atsüanü junü I kilim ashepü hande arükhea shi? Jude yung! Tümü atsüanü ju hode neaknü I kheak ashebe rhimo, junangde neak ju neak ah de tüsho thiyuzüng hode neak ju amütsübe neak de ahuhpü lakheah.

ROMRÜ KILIM PAULNÜ ATHRÜTKHI KIHÜM HUHTANYU 7:7

Dale tüsho isanü tümü thaba? Yakzan ju neak a de? Jude yung! Tütüshe yakzan hode yungkhülaa inü neak mümükheah-a labah. Yakzannü, “Nünü düyihnelune,” de müthakhülaa inü mümükheahpü lakheah.

ROMRÜ KILIM PAULNÜ ATHRÜTKHI KIHÜM HUHTANYU 8:7

Tümüde shih kheak mulong zokhi ju Thrünpuh kilim thiriri; junü Thrünpuh yakzan ki mümükhümkhuk, yungsho junü müthsükhuk;

YUZÜNGTHALO 5:27

Nünü thüninde yüang tüsho Atungpuh isa Thrünpuhnü athakhi alala aniang, tüsho Atungpuh isa Thrünpuhnü nü ki thakhi isa ki thaa huhang, tüsho isanü anide ju rhimobah.

YUZÜNGTHALO 5:29

O, arünü I wüntrekhi hadürü arü mulong ching lade kamruhroro I yukhüm zokhülaa, junangde arü tsührübo kheak lünnü tsüde alabah!

YUZÜNGTHALO 5:33

Nüsanü lüpdükhi ching Atungpuh nüsa Thrünpuhnü thiyukhüm jihkhi ching tsahang, junangde nüsa rhangdung tsüde alabah, tüsho nüsanü amükühpü lakhi lo ching nüsa kutsüp ashang alabah.

JIHUSUA 24:24

Mihtsürübonü Jihusua ki tha, “Atungpuh isa Thrünpuh isanü tankihbah, tüsho isanü api düsheak anibah.”