JEREMIA 42:4 - AMÜSÜH HÜM CL Bible (BSI)

⁴ Wukihbuh Jeremianü arü ki tha, “ Khide tsülah: Nüsanü mushukhi nangde Atungpuh nüsa Thrünpuh ki inü tamkhüntamnübah, tüsho Atungpuhnü tümüpürü nüsa ki alobanü inü nüsa ki thabah; inü tümü she nüsa kheaknü müram.”

JEREMIA 42:4 Iomraidhean Croise

MUNGSHIKHÜN 40:10

Inü nü thiyuro-lungki I mulong ching müram; inü nü thiyuro tüsho akhümkhit khipkhit; inü mukhungmüdan ato ki nü muzho tüsho thiyuro rama muzo.

ABEKHIT 8:29

Judüki Mosanü tha, “Kheahang, I nü kinü wukhiukchoh, tüsho inü Atungpuh ki tamkhüntamnübah, junangde Pharao, ayamlarübo, tüsho api mihtsürübo kheaknü shido somünak boto tsoabahbah. Tüshe kheaküa Pharaonü akeangyu thade mihtsürübo Atungpuh kilim laksah-a kingaünpü müyüshihde düthsü.”

JEREMIA 23:28

Wukihrü shepünü milim mikheanü milim kheanshang, tüshe shepü I yu lanü thiyuronü I yu asukshang. Tümü rimneang ju wheat hi lung rukhüh la? Atungpuhnü thachoh.

JEREMIA 23:35

Hanangde nüsa khülangnü khülang nüsa bolung thaachihbah, “Atungpuhnü tümü alojih de?” Yungsho “Atungpuhnü tümü asukde?”

JEREMIA 26:2

Atungpuhnü ha thachoh: Atungpuh yam mahkhappung ching zhipang, tüsho Atungpuh yam ching kingaünpü arükhi Juda kiutobo alala ki asukang; inü nü ki thiyukhüm jihkhi yubo alala arü ki asukang; thiyubüm khülang she düwuhlo.

EZEKIEL 2:7

Arünü anini she yungsho manini she nünü arü ki I yubo asukbeah, tümüde arübo azhihrü ah.

YUNIRÜBO RHIMO 20:20

nüsa alü thsüpü lakhi thsangyuthsangrapü tümü she inü mudukiuhlo tüshe boto chingnü tüsho thüyam abande nüsa thsangyude,

YUNIRÜBO RHIMO 20:27

tümüde inü nüsa ki Thrünpuh lümkhi alala zhiyukpü müdukiuhlo.

ROMRÜ KILIM PAULNÜ ATHRÜTKHI KIHÜM HUHTANYU 10:1

Keoniorübo, I mulongnü akünkhi tüsho Thrünpuh ki arü thsungkheak I tamkhüntamnü ju arü khümkhitpü lah.

1 SAMUEL 12:23

Kheaküshe nüsa thsungkheaknü tamkhüntamnüpü tuklokhi hode inü Atungpuh azhihde neak yihbeakpü I kheaknü limshuabahang; tüsho inü nüsa ki atsü tüsho alungki limro thsangyubah.