JEREMIA 42:2 - AMÜSÜH HÜM CL Bible (BSI)

² wukihbuh Jeremia ki tha, “ Isanü mushukhi tsüde anijang, tüsho isa thsungkheak Atungpuh nü Thrünpuh ki tamkhüntamnüjang– harü aningkhi alala thsungkheak. Tümüde nü müknü ngülah, ahihdo chingnü isa anükhüh lang aningdo.

JEREMIA 42:2 Iomraidhean Croise

1 KIULONG THSÜRÜ 13:6

Kiulongthsüpuhnü Thrünpuh mihtsürü ki tha, “ Kheakü Atungpuh nü Thrünpuh ki mihmuzho mushuang, tüsho I thsungkheak tamkhüntamnüjang, junangde I khah I kilim alodarübah.” Jumonü Thrünpuh mihtsürünü Atungpuh ki mushu; tüsho kiulongthsüpuh khah api kilim alode arü, tüsho atan nangde kamlo.

MUNGSHIKHÜN 119:170

Inü amushukhi nü miki arüshang, nü yu yande I bekhitang.

ABEKHIT 8:28

Tüsho Pharaonü tha, “Inü nüsa yüshihanü, junangde nüsanü sunglo ching Atungpuh nüsa Thrünpuh kilim laksah-a kingaünbah; nüsanü limshudü lang düyü. I thsungkheak tamkhüntamnüjang.”

ABEKHIT 9:28

Atungpuh ki tamkhüntamnüang, junangde kheaküa tsüngmuk ato tüsho arulung mülade alabah, tümüde ha suhdo. Inü nüsa atsoshihbah, tüsho nüsa kheaküa mülalo.”

ISAIA 1:15

Küyimki nüsanü nüsa khah chungkhitbanü, nüsa kheaknü I mükbo jikabahbah; nüsanü khide tamkhüntamnünü she, inü mani; nüsa khahbo thiyihnü milah.

ISAIA 1:9

Wuto Atungpuhnü isa anükhüh aninga mülashihkhülaa, isa Sodom nangde alabah, tüsho Gomorra nangde akambah.

ISAIA 37:4

Rabshake yubo Atungpuh nü Thrünpuhnü soa labah, shepü ki api putungrü Asiria kiulongthsüpuhnü arhang Thrünpuh keangrüpü, tüsho Atungpuh nü Thrünpuhnü asokhi yubo mükhemürangpü thiyikhea; jumonü aninga larü thsungkheaknü tamkhüntamnü zhiang.”

ISAIA 42:20

Apinü ahihdo ngülah, tüshe jurü mükheahyuk; api nükhünbo khimshuhlah tüshe apinü muso.

JEREMIA 15:11

Atungpuhnü tha: Tsükjide nüsa asheaningrü lung tsüde alabah, tsükjide inü thsümütsü tüsho küpkhuk kim ching nü riribonü nü ki mushushihbah.

JEREMIA 2:27

shepünü sangdung ki tha, “ Nü a I buh,” tüsho lung ki tha, “ Nünü I zübe.” Tümüde arünü arü düthsün I kilim anguh. Tüshe arü küpkhuk kim ching arünü thachoh, “Arang tüsho isa khümkhitang!”

JEREMIA 21:2

“Muzhobah isa thsung thsüde Atungpuh ki keojang, tümüde Babilon kiulongthsüpuh Nebukednezarnü isa azhihde thirithsüchoh; khükia apinü rhimode alakhi nangde Atungpuhnü amüyinsahbe isa thsungkheak rhimobah, tüsho isa kheaknü api tsoloshihbah.”

JEREMIA 36:7

Khükia arünü mushukhi Atungpuh miki arübah, tüsho arü alala arü amütsü limrobo chingnü rholobah, tümüde ato ju Atungpuhnü ha mihtsürü azhihde athakhi bukakhiukkhi tüsho mulong zhipzhip lah.”

JEREMIA 37:20

Kheakü muzhobah I ki aniang, I tungpuh kiulongthsüpuh: Inü amushukhi tsüde anijang, tüsho ju ching shepü thsüde athrütbuh Jonathan yam ching I alode düyüshih.”

JEREMIA 37:3

Kiulongthsüpuh Zedekianü Shelemia tsührü Jehukal tüsho Maaseia tsührü amükeambuh Zephania wukihbuh Jeremia kilim yüshihde tha, “Muzhobah Atungpuh isa Thrünpuh ki isa thsungkheak tamkhüntamnüjang.”

JEREMIA 38:14

Kiulongthsüpuh Zedekianü wukihbuh Jeremia thsungkheak yüshih tüsho api Atungpuh arüngyam yüzahpung mahsampü kheak bedarü. Kiulongthsüpuhnü Jeremia ki tha, “ Inü tümükhüh nü ki keopü lah; tümü she I kinü düram.”

JEREMIA 40:15

Judüki Karea tsührü ki ramde asuk, “Muzhobah I yüanü tüsho Nethania tsührü Ishmael laksahanü, tüsho shenü she mümükheah. Tümüde apinü nü rhangdung lushihpü, junangde nü mükamde alarü Jehudarü alala hiumüzütshihpü, tüsho aningkhi Juda dükheakshihpü?”

JEREMIA 42:20

junangde nüsa ashepü lakmihpü lah. Tümüde nüsa zangrünü Atungpuh nüsa Thrünpuh kilim I thaa yüshih, “ Isa thsungkheak Atungpuh isa Thrünpuh ki tamkhüntamnüjang, tüsho Atungpuh isa Thrünpuhnü tümüpürü thabanü isa ki thaang tüsho isanü ju rhimobah.”

TÜZHOKHI 1:1

Khülang ki mihtsürünü mia lakhi kiuto küdükhüh zhikrangkhündo yapla! Künangde anihbe khimoberü nangde kama la, trükshih bolung anihbe ato lakheah! Anihbe lomi bolung ching kiulongthsürü lakhi azhorü kamdo.

EZEKIEL 12:16

Tüshe inü arübo nukshang, khümzung tüsho arüm chingnü aningshihbah, junangde arü yüpung trükshihbo alala ching arünü athranean rhimobo mütsanbah. Jushu arünü I Atungpuh de mükheahbah.

HOSEA 8:10

Arünü nihbuh zangrü trükshihbo lung mulolo she, inü arübo nahde bemukhungbah. Arünü nahde kiulongthsürübo tüsho yakzanshuhrü hahmülang khüp kolahbah.

LEVI 26:22

Inü nüsa azhihde mütüm shiwüh dükhebah, tüsho jurünü nüsa tsührübo nguhsahbah, nüsa yo akam-shiwüh nguhsahbah; arünü nüsa anükhüh lang aningshihbah tüsho nüsa limdungtobo zhikabahshihbah.

AMOS 7:2

Küyimki arünü alo rimbo tsühkhamkhea, inü tha, “ O A TU N GPU H T H RÜ NPU H , neak bahjang, inü nü ki mushuchoh! Küde thsah Jakob zhipkhukpü? Api khide ninilah!”

MATHI 24:22

Jurü nimungbo mükhikkheamkhülaa, sheshe rhangdung mülade alabah, tüshe amokhitrübo thsülimnü jurü nimungbo khikkheamjihbah.

YUNIRÜBO RHIMO 8:24

Tüsho Simonnü alo, “Nünü athakhi tümü she I kheak marüpü I thsungkheak Atungpuh ki tamkhüntamnüjang.”

YUZÜNGTHALO 28:62

Nüsa thüning ching chiningbo nangde hihdakde alakhi chingnü wühkhe nükde akambah, tümütüsho nüsanü Atungpuh nüsa Thrünpuh ki mihyumani.

YUZÜNGTHALO 28:63

Tüsho Atungpuhnü nüsa lalimlako tsüshihde tüsho wüh bushihde asühkhi nangde, Atungpuhnü nüsa sheshihde tüsho athsümünim hande arüde asühbah; tüsho nüsanü müküh-a lupü lakhi lomi chingnü nüsa rukkhita bahbah.

YUZÜNGTHALO 4:27

Tüsho Atungpuhnü mihtsürü bolung nüsa hiumüzütshihbah, tüsho Atungpuhnü nüsa külimpeang bebanü trükshih bolung nüsa nükde alabah.

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.

1 SAMUEL 12:19

Mihtsürü alalanü Samuel ki tha, “Nü yamlarübo thsungkheaknü Atungpuh nü Thrünpuh ki tamkhüntamnüjang, junangde isa müshe; tümüde isa thsungkheaknü kiulongthsürü khülang kheangkhi hode isa neakbo kheak yukajakde alü yihbeaklodo.”

1 SAMUEL 12:23

Kheaküshe nüsa thsungkheaknü tamkhüntamnüpü tuklokhi hode inü Atungpuh azhihde neak yihbeakpü I kheaknü limshuabahang; tüsho inü nüsa ki atsü tüsho alungki limro thsangyubah.

1 SAMUEL 7:8

Israel mihtsürübonü Samuel ki tha, “Isa thsungkheaknü Atungpuh isa Thrünpuh ki zhipü dütuklo, tüsho apinü isa Filistiarü khah chingnü akhümkhitshihpü tamkhüntamnüjang.”