JEREMIA 42:19 - AMÜSÜH HÜM CL Bible (BSI)

¹⁹ Atungpuhnü nüsa ki thado, O aningkhi Juda, Ijip lim düyü. Inü khihni nüsa ki thakhi tsüde lümrhangang,

JEREMIA 42:19 Iomraidhean Croise

2 KIUTHSÜYUKHEAN 24:19

Tütüshe apinü arü Atungpuh kilim belode arüpü arü bolung wukihrübo yüshih; arünü arü azhihde thiyumütsan jih, tüshe arünü mani.

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

ISAIA 21:12

Aheangbuhnü tha: “ Yapsu arüchoh, tüsho azhing she arüchoh. Nünü akeokhipü lasho, keokhiang; alode arang.”

JEREMIA 38:21

Tüshe nünü shuhmülanga müjihpü lümkihlasho, Atungpuhnü I ki huhkhi ha lah–

EZEKIEL 17:15

Tüshe Juda kiulongthsüpuhnü khorabo tüsho bonungrü boto bepü api yunithsürü Ijip ching yüshihde api azhih. Apinü akukba de? Hadürü rhimorü tsokhiba de? Apinü tangzüng thsümünimba de tüsho atsokhiba de?

EZEKIEL 2:5

Tüsho arünü anini she yungsho manini she–tümüde arü ju azhihkhi yamkhün ah–arü bolung wukihrü lakheah de arünü amükheahbah.

EZEKIEL 3:21

Tüshe nünü thiyuro-lungki mihtsürü ki neak müyihbeakshihpü düh de thabah apinü neak müyihbeaksho, tsükjide api arhang labah tümütüsho apinü dühdükhi ludo, tüsho nü khümkhita labah.”

WÜHKHE 14:3

Tümüde Atungpuhnü isa ha lo ching nukshangnü asheshihpü bede yücho le? Isa niuberü tüsho isa tsührübo laksahkhambah; isa Ijip lim alode ayükhipü atsübe thsüba shi?”

YUNIRÜBO RHIMO 2:40

Tüsho apinü püpü yubo thiyumütsan thsüde tüsho mulong tuthsukde arü ki tha, “Ha mihbukmuyuk lün chingnü nüsabo khümkhitang.”

EFISIA 4:17

Kheaküa khiungkerü amüthülünkhi lümkhi nangde nüsa düla de inü Atungpuh mung chingnü mütsande thachoh;

YUZÜNGTHALO 17:16

tüshe kiulongthsüpuhnü anihbuh bonungrü thsungkheak khora hihde mubushihbeah, tüsho apinü mihtsürübo khora thulopü Ijip ching müyüshihbeah, tümütüsho api mihtsürü küyimkishe ju ching alode müyüshihpü Atungpuhnü thado.

YUZÜNGTHALO 31:21

Tüsho küyimki amütsübo tüsho thsümütsübo arü kheak arübanü, ha khünnü arü azhihde thiyumütsan thsübah; tümütüsho arü tsühsoniusobonü mümihabah, tümüde inü arü kilim jihpü thiyuchihchimkhi lo lim bede müyüyide arü lümkhi inü mükheahlah.”

1 TESALONIKA 4:6

junangde mihtsürü shenü she hadürü ching nihbuh keoniorü ki müthsümünim, tüsho amülim müthsü, tümütüsho isanü nüsa ki amüngühnü düh de athakhi nangde harü alala ching Atungpuh ju royimrü lah.