JEREMIA 41:5 - AMÜSÜH HÜM CL Bible (BSI)

⁵ Shekem le Shilo tüsho Samaria chingnü mihtsürü 80 arü mükhühnam hüt tüsho khimmihbo rukrüp, tüsho arü pangbo tsüthünakbah, hi kingaün tüsho rhümthüneabe Atungpuh arüngyam ching jihpü lubah arü.

JEREMIA 41:5 Iomraidhean Croise

THRÜNTAN 33:18

Tüsho Jakobnü api limro Paddan-aram chingnü Kanan lomi ching lakhi Shekem kiuto ching tsüde arü; tüsho apinü kiuto müngüh bin.

THRÜNTAN 34:2

Tüsho küyimki lomi yakzanshuhbuh Hivrü Hamor tsührü Shekemnü alibe ngükhea, apinü anihbe bea lubah amütsü thsü tüsho alibe thsümünim.

THRÜNTAN 37:12

Judüki akhiung pürübo arü abuh namfimihnubo kümpü Shekem ching yü.

2 SAMUEL 10:4

Jumonü Hanunnü David yunithsürü rambah arü mükhühnam chamkhüh hüta bahjih, arü mutsu kheak khimmih aphulung ching niprüpjih tüsho thiyia tsoshih.

1 KIULONG THSÜRÜ 12:1

Rehoboamnü Shekem ching yü, tümüde Israel alala api kiulongthsürü thsüshihpü Shekem ching arü.

1 KIULONG THSÜRÜ 12:25

Judüki Jeroboamnü Ephraim awung lomi ching Shekem chipi ayün, tüsho ju ching la; api ju chingnü wukhiukbah Penuel ching chipi ayün.

1 KIULONG THSÜRÜ 16:24

Apinü Shemer kheaknü Samaria wung shotoyinchi 6000nü thulo; apinü awung chipi ayün tüsho apinü athrünkhi kiuto Samaria ju awung putungpuh Shemer mung yande ji.

1 KIULONG THSÜRÜ 16:29

Juda kiulongthsüpuh Asa kam samrükheak tizheahpü ching, Omri tsührü Ahabnü Israel kurungkheak kiulongthsüpü tankih; Omri tsührü Ahabnü Samaria ching Israel kurungkheak kam mukukheak mahne kiulongthsü.

2 KIULONG THSÜRÜ 25:9

Apinü Atungpuh yam, kiulongthsüpuh yam, tüsho Jirusalem yambo alala takabah; thüyam atotobo apinü takabah.

1 KIUTHSÜYUKHEAN 19:4

Jumonü Hanunnü David yamlarübo rambah arü mükhühnam hüta bahjih, arü kiung phulungnü khimmihbo nipa bahjih, tüsho arü tsoshih.

MUNGSHIKHÜN 102:14

Tümüde nü yamlarübonü anihbe lungbo kheak asühchoh, tüsho anihbe asungthulung ki amuzho huhchoh.

MUNGSHIKHÜN 78:60

junangde apinü Shilo ching arüngkhimyam, arü bolung zokhi khimyam bahyuk,

ISAIA 15:2

Dibon mihtsürübo arüngyam lim, achang dangpungbo ching atrippü wutudo; Nebo tüsho Medeba kurungkheak Moabnü tüzhochoh. Mihbüm aban ku hütdo, mükhühnam nipdo;

JEREMIA 16:6

Ha lomi ching ato tüsho anini chido ashebah; arübo kiuyuka mübah, tüsho shenü arü thsungkheak mütüzho; arü thsungkheak tüzhode mütsüt yungsho ku mühüt.

JEREMIA 41:4

Gedalia laksahkhi nimung ashidopü, shenü mümükheahyide,

JEREMIA 47:5

Mulong rozhak ato Gaza kheak arüdo, Ashkelon zhikabahdo. O adükhün ching aninga larübo! Küdükhüh nüsa zangrü mulong rozhakba?

JEREMIA 48:37

Tümüde mihbüm aban ku hüta lah tüsho mükhühnam nipa lah; alala khahbo kheak atsütkhibo lah, tüsho chim kheak shungliukhim lah.

JEREMIA 7:12

Kheakü Shilo ching lakhi I lapung ching yüang, küpü ching akhuhde I mung lakhea, ju ching I mihtsürü Israel mihbukmuyuk thsungkheak tümü rhimoa lanü kheahang.

JEREMIA 7:14

jumonü I mung tamde ajikhi yam, küpü ching nüsanü kincho, tüsho inü nüsa le nüsa jipürü kilim jihkhi dangpung kheak, inü Shilo ching rhimokhi nangde arhimobah.

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

YUZÜNGTHALO 14:1

“Nüsa ju Atungpuh nüsa Thrünpuh tsührü ah; asherü thsungkheaknü nüsanü nihbuh küdah thsüde dütsüt yungsho kingkang kheak kuyü dühüt.

JIHUSUA 18:1

Arünü alomi kukkhit dunglim mükühabahshu, Israelrü lüpdükhi Shilo ching mukhung tüsho Atungpuh shorupung khimyam khülang thsü.

JIHUSUA 24:32

Josep robo Israelrünü Ijip chingnü handarükhi ju, Jakobnü Shekem abuh Hamor tsührübo kheak shotoyinchi 100 jihbah athulokhi lo ching kiuyukabah; ju Josep tsührü yamrüplurüp kamabah.

MAHKHAPRÜ 18:31

Thrünpuh yam Shilo ching lakhi kim amuyung, Mikanü athsükhi sangthsü mutukzhakde zo.

MAHKHAPRÜ 9:1

Kheakü Jerubbaal tsührü Abimelek ju abe keoniorü kilim yü tüsho abe guk yamkhün alala ki tha,

1 SAMUEL 1:7

Junangde kam abande dünjide yü; alibe Atungpuh yam ching wutu abande anihbe müneahde la. Jumonü Hannanü trip tüsho müyimtsüh.