JEREMIA 41:2 - AMÜSÜH HÜM CL Bible (BSI)

² Nethania tsührü Ishmael tüsho api lung mihtsürü 10 wusu tüsho Shaphan tsührü Ahikam tsührü Gedalia nukshangnü laksah, tümütüsho Babilon kiulongthsüpuhnü api lomi ching kovünor mokhita lakheah.

JEREMIA 41:2 Iomraidhean Croise

2 SAMUEL 3:27

Küyimki Abner Hebron lim alodarükhea, Joabnü api ki mükhingde athapü ripit limro lim bebah yü, tüsho ju ching apinü abuk ching düchip. Jumonü api Joab akhiung Asahel thiyih bukkhi dünkheaknü api she.

2 KIULONG THSÜRÜ 25:25

Tüshe khinu thünepü ching kiulongthsürü yamkhün chingnü Elishama tsührü Nethania tsührü Ishmaelnü mihtsürü 10 bebah arü; arünü api kinga lungshih, junangde, Mizpa ching api lung larü Judarü tüsho Kaldearü sheabah.

MUNGSHIKHÜN 109:5

Hanangde arünü I kilim atsü müthri amütsü, tüsho amuzho müthri athranean jihlodo.

MUNGSHIKHÜN 41:9

Inü mulonglamkhi I müyamrükhung, I yikhap tsührünü she I azhihde api lahzhi shuhkihdo.

JEREMIA 40:14

tüsho api ki tha, “Amonrü kiulongthsüpuh Baalisnü Nethania tsührü Ishmael, nü rhangdung lupü thiyikhi nünü mümükheah de?” Tüshe Ahikam tsührü Gedalianü arü kheak mükin.

JEREMIA 40:16

Tüshe Ahikam tsührü Gedalianü Karea tsührü Johanan ki tha, “Hadürü dürhimo, tümüde nünü Ishmael dünkheak akeangyu thachoh.”

JEREMIA 40:5

Nü külim müyüsho, Babilon kiulongthsüpuhnü Juda kiutobo kurungkheak kovünor mokhitkhi, Shaphan tsührü Ahikam tsührü Gedalia kilim alode yüang, tüsho mihtsürübo lung api ki laang; yungsho nünü külim peang yüpü alungki lümlanü yüang.” Judüki aheangrü wühkenobuhnü api kilim tsühyungpü le thsambah khülang jih tüsho api tsoshih.

JEREMIA 40:7

Küyimki lomi mükeak ching thirithsürü limberübo alala tüsho bonungrübonü Babilon kiulongthsüpuhnü Ahikam tsührü Gedalia lomi ching kovünor mokhitkhi, tüsho Babilon ramtso ching hande müyükhi lomi ching zhochih traktrak, athrürü, aliberü tüsho azürübo api jihkhi sokhea,

JEREMIA 40:8

arünü Mizpa ching Gedalia kilim yü– Nethania tsührü Ishmael, Karea tsührü Johanan tüsho Jonathan, Tanhumeth tsührü Seraia, Netopharü Ephai tsührübo, Maakathrü tsührü Jezania, arü tüsho bonungrübo.

JEREMIA 41:3

Ishmaelnü Mizpa ching Gedalia lung lakhi Jihudarü alala tüsho ju ching larü Kaldea bonungrübo she laksah.

JOHAN 13:18

Inü nüsa alala dünkheak mütha. Inü shepü mokhitdünü inü mükheahlah; tüshe amüsühyu dünjibah, ‘Shepü I lung yikhap tsühchonü I azhihde api lahzhi shuhkihdo.’