JEREMIA 41:1 - AMÜSÜH HÜM CL Bible (BSI)

¹ Khinu thünepü ching Elishama tsührü Nethania tsührü Ishmael, kiulongthsü yamkhün chingnü, kiulongthsüpuh atorü bolung khülang, apinü mihtsürü 10 bebah Mizpa ching Ahikam tsührü Gedalia kilim arü. Arübo Mizpa ching rukhühnü yikhap tsühde alachoki,

JEREMIA 41:1 Iomraidhean Croise

2 SAMUEL 3:27

Küyimki Abner Hebron lim alodarükhea, Joabnü api ki mükhingde athapü ripit limro lim bebah yü, tüsho ju ching apinü abuk ching düchip. Jumonü api Joab akhiung Asahel thiyih bukkhi dünkheaknü api she.

2 KIULONG THSÜRÜ 11:1

Kheakü küyimki Ahazia abe, Athalianü anihbe tsührü shea ngükhea, alibenü kiulongthsü yamkhün alala thsümünimpü thsakham.

2 KIULONG THSÜRÜ 25:22

Nebukednezar Babilon kiulongthsüpuhnü aninga lashihkhi, Juda lomi ching mihtsürübo kurungkheak kovünor thsüshihpü apinü Shaphan tsührü Gedalia mokhit.

2 KIULONG THSÜRÜ 25:25

Tüshe khinu thünepü ching kiulongthsürü yamkhün chingnü Elishama tsührü Nethania tsührü Ishmaelnü mihtsürü 10 bebah arü; arünü api kinga lungshih, junangde, Mizpa ching api lung larü Judarü tüsho Kaldearü sheabah.

2 KIUTHSÜYUKHEAN 22:10

Kheakü küyimki Ahazia abe Athalianü anihbe tsührü shekhi ngükhea, alibenü Juda kiulongthsürü yamkhün alala dükheakshihpü thsakham.

MUNGSHIKHÜN 109:5

Hanangde arünü I kilim atsü müthri amütsü, tüsho amuzho müthri athranean jihlodo.

MUNGSHIKHÜN 41:9

Inü mulonglamkhi I müyamrükhung, I yikhap tsührünü she I azhihde api lahzhi shuhkihdo.

MÜCHITMUDU 13:10

Lülüshishikhinü rukachihpü lang akhiukshihchoh, tüshe tsüde thsangdankhi ju lümlung ah.

MÜCHITMUDU 27:4

Bukmükekhi ju yihkhro tüsho bukakhiukkhi ju düchi, tüshe shepünü mükthsükhi müngüh zhipkhukba?

JEREMIA 36:12

apinü kiulongthsüpuh yam lim, athrütbuh khiungshak ching yüki, tüsho ju ching atorübo alala binde alakheah: athrütbuh Elishama, Shemaia tsührü Delaia, Akbor tsührü Elnathan, Shaphan tsührü Gemaria, Hanania tsührü Zedekia, tüsho atorü alala.

JEREMIA 36:20

Athrütbuh Elishama khiungshak ching küpqiu zojihbahle arünü kiulongthsüpuh mahkhappung ching yü; tüsho thiyu alala kiulongthsüpuh ki thaa huh.

JEREMIA 39:14

aheangrü mahkhappung chingnü Jeremia bekhita lu. Arünü api ju anihbuh yam lim bede ayüshihpü thsüde Shaphan tsührü Ahikam tsührü Gedalia kilim jih. Junangde api nihbuh mihtsürü bolung lakheah.

JEREMIA 40:13

Kheakü Karea tsührü Johanan tüsho lomi mükeak ching thirithsü limberü alala Mizpa ching Gedalia kilim arü,

JEREMIA 40:5

Nü külim müyüsho, Babilon kiulongthsüpuhnü Juda kiutobo kurungkheak kovünor mokhitkhi, Shaphan tsührü Ahikam tsührü Gedalia kilim alode yüang, tüsho mihtsürübo lung api ki laang; yungsho nünü külim peang yüpü alungki lümlanü yüang.” Judüki aheangrü wühkenobuhnü api kilim tsühyungpü le thsambah khülang jih tüsho api tsoshih.

JEREMIA 40:6

Jushu Jeremianü Mizpa ching Ahikam tsührü Gedalia kilim yü, tüsho lomi ching aninga larü mihtsürübo lung api ki la.

JEREMIA 40:7

Küyimki lomi mükeak ching thirithsürü limberübo alala tüsho bonungrübonü Babilon kiulongthsüpuhnü Ahikam tsührü Gedalia lomi ching kovünor mokhitkhi, tüsho Babilon ramtso ching hande müyükhi lomi ching zhochih traktrak, athrürü, aliberü tüsho azürübo api jihkhi sokhea,

JEREMIA 40:8

arünü Mizpa ching Gedalia kilim yü– Nethania tsührü Ishmael, Karea tsührü Johanan tüsho Jonathan, Tanhumeth tsührü Seraia, Netopharü Ephai tsührübo, Maakathrü tsührü Jezania, arü tüsho bonungrübo.

EZEKIEL 17:13

Judüki apinü kiulongthsü yamkhün chingnü khülang lu tüsho api ki thiyuchihchim lude tangzüng khülang thsü. Apinü lomi adungto mihtsürübo she aramrü kamde bebah yü,

JOHAN 13:18

Inü nüsa alala dünkheak mütha. Inü shepü mokhitdünü inü mükheahlah; tüshe amüsühyu dünjibah, ‘Shepü I lung yikhap tsühchonü I azhihde api lahzhi shuhkihdo.’