JEREMIA 40:4 - AMÜSÜH HÜM CL Bible (BSI)

⁴ Kheakü kheahang, khihni inü nü khahbo ching yinchiliu chingnü nü dükhedo. Nünü I lung Babilon lim arünesho arang, tüsho inü nü düshihde akümbah; tüshe nünü I lung Babilon lim marünesho, nü darü. Kheahang, alomi abümnü nü miki lah; nünü kürü ching tsüde lümla tüsho alungki yüpü lanü yüang.

JEREMIA 40:4 Iomraidhean Croise

THRÜNTAN 13:9

Nü mikhuh alo abümnü müla düpü? Muzhobah I kheaknü atrütang. Nü huzulim yüsho, I tsülim yübah; yungsho nü tsülim yüsho, I huzulim yübah.”

THRÜNTAN 20:15

Tüsho Abimeleknü tha, “Kheahang, I lo nü müngüh lah; nünü akünkhi ching laang.”

THRÜNTAN 44:21

Judüki nünü nü yamlarübo ki tha, ‘Api I kilim bede akiang, junangde inü api kheahanü.’

THRÜNTAN 47:6

Ijip lomi nü müngüh lah. Nü buh le nü keoniorübo lomi atsübe ching lashang; arübo Goshen lomi ching lashang. Tüsho nünü mulonglamkhi mihtsürü arü bolung mükheahsho, I yo shiwüh kurungkheak aberü thsüshang.”

ESTER 3:11

Apinü Haman ki tha, “Mihtsürü tüsho arü shobo nü yo ah; arü kheak nünü amulongkhi rhimoang.”

JEREMIA 37:14

Tüsho Jeremianü tha, “Ju akeangyu ah; I Kaldearü kilim tsode müyü.” Tüshe Irijanü api ki mani, tüsho Jeremia rambah atorübo kilim bedarü.

TÜZHOKHI 3:7

Apinü I khiungdoabah, junangde inü mutsokhitkhuk; apinü yinchiliu amülangnü I rhük;