JEREMIA 40:12 - AMÜSÜH HÜM CL Bible (BSI)

¹² Jihudarü alala arü müzütpungnü alodarü tüsho Juda lomi lim, Mizpa ching Gedalia kilim arü; tüsho arünü yukhu tüsho muzhu sangasobo suhdahde hanmukhung.

JEREMIA 40:12 Iomraidhean Croise

MÜCHITMUDU 27:25

Küyimki rim rhipkhi luba tüsho aso akhiukloba tüsho awungbo chingnü rim hanmukhungbanü,

ISAIA 16:9

Jumonü Jazer mitripkhi nangde inü Sibma kurungaso thsungkheak tripchoh; inü I chikenü nü pangchoh, O Heshbon tüsho Eleale; tümüde nü aso yimlukhi tüsho nü hi yimlukhi arün thsüdo.

JEREMIA 40:10

I a, isa kilim arürü Kaldearü miki nüsa thsung thsüpü Mizpa ching lah; tüshe nüsa a yukhu tüsho muzhu sangasobo le müdangke hanmukhungang, tüsho phühlungbo ching zomukhungang, tüsho nüsanü amükühkhi kiutobo ching laang.”

JEREMIA 40:13

Kheakü Karea tsührü Johanan tüsho lomi mükeak ching thirithsü limberü alala Mizpa ching Gedalia kilim arü,

JEREMIA 41:10

Judüki Ishmaelnü Mizpa ching aninga lakhi mihtsürü alala, kiulongthsüpuh tsührübe tüsho aheangrü wühkenobuh Nebuzaradannü Ahikam tsührü Gedalia kilim jihkhi mihtsürü alala rama lubah yü. Nethania tsührü Ishmaelnü arübo rama lu tüsho Amonrü hode ayüpü tsahmusu.

JEREMIA 43:5

Tüshe Karea tsührü Johanan tüsho thirithsürü limberü alalanü arü müzütpung trükshihbo alala chingnü Juda lomi ching lapü arülokhi aningkhi Juda alala bea lu–

JEREMIA 44:18

Tüshe isanü yinmi kiulongthsübe ki kingaünpü tüsho yukhu dungpü tuklokhi kimnü rünbah, isa tümü müla tüsho nukshang le khümzungnü dükheakdo.”

EZEKIEL 34:6

I yo namfimihnubo hiumüzütabah, arübo müzüngbo tüsho awung achang alala kheak rümde tsah; I yo namfimihnubo shenü müyimde yungsho arü thsungkheak majuakheahde alomi alala kheak hiumüzüt.