JEREMIA 4:6 - AMÜSÜH HÜM CL Bible (BSI)

⁶ Zion limpeang riphin shuhkihang, tsoyukpung yimang, dashu, tümüde inü dukulimnü amütsü tüsho athsümünim ato handarado.

JEREMIA 4:6 Iomraidhean Croise

ISAIA 62:10

Hode yüang, chipiripitbo hode yüang, mihtsürübo thsungkheak limro thsakhamang; zünang, limtobo zünang, lungbo moa bahang, mihtsürübo kurungkheak amütsan shuhkihang.

JEREMIA 10:22

Kheahang, düsheak khülang, alankhi ato khülang dukulim lomi chingnü, Juda kiutobo zhikrangkhündo shirung lapung kamshihpü arüa lah.

JEREMIA 18:11

Kheakü, jumonü Juda mihtsürü tüsho Jirusalem ching larü ki thaang: Atungpuhnü ha thachoh: Kheahang, nüsa azhihde inü thsümütsü thsüchoh tüsho rük amütsü thsüchoh. Nüsa alala limro amütsü chingnü kheakü rholoang, tüsho nüsa limrobo le nüsa rhimobo müthriang.

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

JEREMIA 22:7

Inü nü azhihde thsümünimrü, arü alala thsühnuk shuhbahle tsanglungbah; arünü nü yo amokhitkhi cedarbo kiushakbah tüsho mo ching jipyukbah.

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 4:21

Külokhüh inü keochihkhi ngüba tüsho hulipungpung düsheak soba?

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 50:22

Lomi ching keochih düsheak tüsho athsümünim ato lah!

JEREMIA 51:12

Babilon chipi yeande riphin khülang shuhkihang; akheahrü düküngshang; ajimrü thsakhamang; tümüde Atungpuhnü Babilon ching larü dünkheak tümü asukdünü lümkhi thsüdo tüsho rhimodo.

JEREMIA 51:27

Lomi ching riphin khülang shuhkihang, trükshih bolung hulipungpung mütang; anihbe azhihde thirithsüpü trükshihbo thsakhamang, anihbe azhihde kiulongthsübo, Ararat, Minni, tüsho Ashkenaz jimukhungang; anihbe azhihde limthorü mokhitang, tangkho boto nangde khorabo hande akhiukang.

JEREMIA 51:54

Babilon chingnü azhikhi, Kaldearü lomi chingnü alanajikhi ato aniang!

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

JEREMIA 6:22

Atungpuhnü ha thachoh: Kheahang, dukulim lomi chingnü mihtsürü arado, trükshih ato khülang limshu lakhi lomi ching thuruchoh.

EZEKIEL 9:1

Judüki apinü düsheak achangnü ajikhi inü so, “Mihbüm aban khah ching thsühnuk shuhbah ha kiuto aheangrübo bebah arang.”

EZEKIEL 9:2

Tüsho inü mihtsürü 6 achangbe chipiripit dukulim abinkhi limnü mihbüm aban nihbuh khah ching ashebe thsühnuk shuhbah arükhi ngü. Arü lung mihtsürü khülang khim zhingzhing phuyubah api rheang ki athrütbe lade ngü. Arünü azah tüsho müwayinchi kingaün sadam yean zhip.

ZEPHANIA 1:10

Atungpuhnü thachoh, ju nimung Thüngüh Ripit chingnü azhikhi khülang, kiuto dangpung aso chingnü mitripkhi tüsho awungbo chingnü akeamkhi düsheak ato sobah.

ZEKARIA 6:6

Khorabo amürak lakhi lolungbe ju dukulim lomi lim yü, amüyebonü aniyüzahlim lomi thrip yü, tüsho aneakjikbonü düjinglim lomi thrip yü.”