JEREMIA 4:5 - AMÜSÜH HÜM CL Bible (BSI)

⁵ Juda ching thakhiang, tüsho Jirusalem ching zhiyukang tüsho thaang. Lomi alala ching hulipungpung mütang; achangnü ahoang tüsho thaang, “ Rukhüh mukhungang, tüsho isanü chipi ayünkhi kiutobo ching yüzahanü!”

JEREMIA 4:5 Iomraidhean Croise

ISAIA 28:19

Hanü kheakü kheakü hochoki nüsa shikbah, nimung aban tüsho tsüngre aban; tüsho thiyusheak sokhi aban atrebe labah.

JEREMIA 11:2

Ha tangzüng yubo aniang, tüsho Juda mihtsürü le Jirusalem ching larü ki asukang.

JEREMIA 35:11

Tüshe küyimki Babilon kiulongthsüpuh Nebukednezarnü lomi azhihde atukhea, isanü tha, ‘ Arang, tüsho Kaldea bonungrü tüsho Aram bonungrü trekhinü isa Jirusalem lim yüanü.’ Jumonü isa Jirusalem ching lakheah.”

JEREMIA 5:20

Ha Jakob yamkhün ching thaang, Juda ching zhiyukjang:

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

JEREMIA 8:14

Tümüde isa kheakü khiungde binla? Rukhüh mukhungang, isanü chipi ayünkhi kiuto ching yüzahanü, tüsho ju ching dükheakanü; tümüde Atungpuh isa Thrünpuhnü isa dükheakshihpü akhuabahdo, tüsho müzüm ke ayungpü jihdo, tümütüsho isanü Atungpuh azhihde neak yihbeakdo.

JEREMIA 9:12

Ha anikhitpü shepü lümlung khiukde la? Apinü akhipkhitshihpü thsüde shepü ki Atungpuh münnü asukkhea? Shenü mütsahhopü thsüde, sunglo nangde tümüde alomi thsümünima yapla?

EZEKIEL 7:14

Arünü hulipungpung mütmüt she tüsho lüpdükhi tsanglunglung she, sheshe keochih ching müyüzah, tümüde I mulong zhipzhip boto athrünkhi kheak lah.

HOSEA 8:1

Nü münküp kheak hulipungpung dünkihang! Müleang nangde Atungpuh yam kumung khülang lah, tümütüsho arünü I tangzüng thsümünimdo, tüsho I yakzan lakmihdo.

JOEL 2:1

Zion ching hulipungpung mütang; I amüsüh müzüng kheak alanang! Lomi mihtsürü alala ajanshang, tümüde Atungpuh nimung arüchoh, ha thüninde lah–

AMOS 3:6

Kiuto ching hulipungpung mütbah mihtsürübonü mütrecho de? Atungpuhnü mürhimode kiuto ching thsümütsü dünjicho de?

AMOS 3:8

Kekhüzünü arungchoki, shenü mütrepü? Atungpuh Thrünpuhnü asukchoki, shenü mümüchitpü?

WÜHKHE 10:2

“Shotoyinchi hulipungpung mahne thsüang; nünü jurü ayümnü yümde thsüang; tüsho nünü ju mihtsürübo jimukhungpü ching tüsho binkheampung lukakhinchoki ahoriang.

WÜHKHE 10:3

Küyimki ane chido mütbanü boto alala nü kilim arüngyam ripit ki mukhungde arübah,

JIHUSUA 10:20

Küyimki Jihusua tüsho Israelrünü arübo mükheamkhamyi khiungde shahde alaksahkhamkhea, tüsho küyimki khürü yünü chipi ayünkhi kiuto ching yüzahkhea,