JEREMIA 4:30 - AMÜSÜH HÜM CL Bible (BSI)

³⁰ Tüsho nü, O zhikrangkhündo alakhi, nü neakrümde ayihkhi amütsan tümü a, ju ruk nünü suna lakbonü züt thsücho, nü mükbo mujua toshihcho? Akeangkeang ching nü züt thsüchoh, nü muzhorübonü nü mükhemürangchoh; arünü nü rhangdung yimchoh.

JEREMIA 4:30 Iomraidhean Croise

2 KIULONG THSÜRÜ 9:30

Küyimki Jehu Jezreel ching arükhea, Jezebelnü ju so; alibenü amükbo muju, tüsho akuyü thsakhama lubah ayinripit chingnü abinkhita kheah.

MÜCHITMUDU 6:25

Anihbe jaktsükhi nü mulong chingnü dümürüh, yungsho anihbe mükküpnü nü düphuhshih,

MÜCHITMUDU 7:10

Tüsho ju ching aliberü khülangnü müzammüram khimmih yihbah münityukpü asahde api shoru.

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

ISAIA 20:6

Ju nimung ching ha keyean larübonü athabah, ‘ Kheahang, shepü kheak isanü mulonglamkhea tüsho arung thsungkheak yükhea tüsho Asiria kiulongthsüpuh kheaknü khümkhitpü kheak tümü dünjia la! Küde thsah isa tsokhitba?’ ”

ISAIA 33:14

Zion ching aneakrübo trede lah; Thrünpuh mümükheahrü ajande lah; “ Isa bolung shepünü aniuabahbe mo ching laba? Isa bolung shepünü akheam müla motru ching laba?”

JEREMIA 13:21

Nünü nü müyamrü thsüpü lümkhi nü kurungkheak lachoki nünü tümü thaba? Azoberü thsünükhi nangde, thsününü nü müramloba de?

JEREMIA 22:23

O Lebanon ching larübo, cedarbo ching sap shurübo, nüsa kheak aliberü thsünükhi nangde thsünü arüchoki nüsa küdükhüh amuzhobe laba!

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

TÜZHOKHI 1:19

Inü I muzhorübo ki ji tüshe arünü I mülapyuk; I yo amükeamrü tüsho azothsürübo arü sühmüh dükünglopü tsühyungpü yimchoki kiuto ching dükheakdo.

TÜZHOKHI 1:2

Anihbenü azhing ching, anihbe ngobo kheak chikebo bukde düsüknimde tripchoh; anihbe muzhorü bolung anihbe shukheamrü she müla; anihbe müyamrü alalanü anihbe ki mülapyukde rhimodo, arübo anihbe riribo kamdo.

TÜZHOKHI 4:17

Arung thsungkheak akeangkeang ching kheahkhinü isa mük keahdo; isanü isa aheangsadambo kheaknü isa mükhümkhitkhukpü lakhi trükshih kheahde alakheah.

EZEKIEL 28:13

Nü a Thrünpuh shahwün, Eden ching lakheah; shotolungbonü nü züt thsü: shotomürüm-lung, shotolung-müküp, tüsho shihshihlung, wurüklung, lungmüsang, tüsho asherühü lung, shotolung-bluk, lungphüyak, tüsho lungmürüm; tüsho sunanü athsükhibo ju nü binpungbo tüsho nü künkihpungbo lakheah. Nü thrünkhi nimung jurübo tsanglung,

EZEKIEL 28:9

Judü lang, “ I a thrünpuh khülang ah,” de nü laksahrü miki thaba de? Nü a le nü yurirübo khah ching mihtsürü ah tüsho thrünpuh yung.

OBADIA 1:7

Nü müshiprü alalanü nü mülapyukdo, arünü nü aredungyean yana yüshihdo; nü kheak arihde alarübonü nü azhihde kukdo; nü yikhap tsührübonü nü thsungkheak azheang zojihlah– ju shenü she mümükheah.

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

AMIKHEAKAKHIUKKHI 17:13

Arü lümkhi khülang thsülah tüsho arü wu le thiyukhüm-sühmüh shiwüh kilim jihbah;

AMIKHEAKAKHIUKKHI 17:2

Alomi kiulongthsürübonü anihbe kheak müzammüram yihbeak tüsho alomi ching larübo anihbe müzammüram yukhunü müshangshih.”

AMIKHEAKAKHIUKKHI 17:4

Alibe ju mürümmuchu tüsho aneakrümnü züt thsü, suna tüsho shotolungbo le mürelungbonü lüpdo, anihbe khah ching athraneanbe tüsho anihbe müzammüram müneannü mide alakhi suna pung shuhde alakheah;