JEREMIA 4:27 - AMÜSÜH HÜM CL Bible (BSI)

²⁷ Tümüde Atungpuhnü ha thachoh: Lomi abümnü zhikrangkhündo alabah; tütüshe inü akheam tsütsü mükamshih.

JEREMIA 4:27 Iomraidhean Croise

2 KIUTHSÜYUKHEAN 36:21

Alonü amuni sühakhimkhibo asühachih; Jeremia hode Atungpuh yubo dünjipü thsungkheaknü kam nerü mübanyi khiungde zhikrangkhündo alakhi kim alala ching sühakhim.

NEHEMIA 9:31

Tütüshe, nü amüthsüm tokhinü, nünü arü mübahyuk yungsho müdükheakshih. Nü a amuzho tüsho amüthsüm Thrünpuh. @1-LINE- SP ACE=

ISAIA 17:6

Ju ching yimlu aninga labah, oliv sangdung anitchoki nangde–sangaso mahne yungsho mahsam amuyu khah ching, phüyi yungsho phüngü sangasodung khahbo kheak kihbah, Atungpuh Israel Thrünpuh nü thachoh.

ISAIA 24:1

Kheakü Atungpuhnü alomi akeangkeang lashihbah tüsho abahkhitshihbah, tüsho ami rhophülapbah tüsho ju ching larü hiumüzütbah.

JEREMIA 18:16

arü lomi atrebe kamshihde, lünnü ish thsüpü lah. Ha ki horü alala trechoh tüsho arü kubo lukchoh.

JEREMIA 25:11

Ha lomi abümnü thsümünimbah tüsho akeangkeang kambah, tüsho harü trükshihbonü kam nerü Babilon kiulongthsüpuh tankihbah.

JEREMIA 30:11

Tümüde nü khümkhitpü I nü lung lah, Atungpuhnü thachoh, inü nüsa hiumüzütshihpung trükshihbo alala kheamshihbah, tüshe nü a inü mükheamshih. Thiyuronü inü nü danbah, tüsho nü shahde müthsümüchidüa mutsoshih.

JEREMIA 4:20

Thsümütsünü thsümütsü yankihchoh, lomi abümnü thsümünima yaplah. Zukleangnü I khimyambo, khülang kinü zhindokhimbo thsümünima lah.

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

JEREMIA 44:6

Jumonü Juda kiutobo tüsho Jirusalem kiudunglimrobo ching I bukakhiukkhi dungkih tüsho trushih; tüsho jurübo athsümünim tüsho zhikrangkhündo kamabah, jurübo khihni khiungde lah.

JEREMIA 46:28

Nü thsungkheak a, dütre, I yamlarü Jakob, Atungpuhnü thachoh, tümüde I nü lung lah. Inü nü yana yüshihkhi trükshih alala kheamshihbah, tüshe inü nü a mükheamshih! Inü nü alungki ching thsangdanbah tüsho inü shahde müthsümüchidüa nü muzojih.

JEREMIA 5:10

Anihbe kurungasolu ching wutuang tüsho thsümünimang, tüshe shahde dükheamshih; anihbe khahbo chia bahang, tümüde arübo Atungpuh yo yung.

JEREMIA 5:18

Atungpuhnü thachoh, ju nimungbo ching she, inü shahde mükheamshih.

JEREMIA 7:34

Tüsho inü asühachih tüsho asühara düsheak, yamkhün kamkhi thünio düsheak, Juda kiutobo tüsho Jirusalem kiudunglimrobo ching akheam thsüshihbah; tümüde alo thsümünimbah.

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

TÜZHOKHI 2:7

Atungpuhnü api kingaün sadam tüsho api arüngyam bahyukdo; apinü kiulongthsürü-yam chipibo thiriri khah ching jihdo; thünio nimung nangde Atungpuh yam ching düsheak khülang zhikihdo.

EZEKIEL 11:13

Kheakü inü müchitchoki Benaia tsührü Pelatia sheabah. Judüki inü miro mükhüm tüsho düsheak achangnü trip, “Ah, Wuto Atungpuh ! Israel aningkhi nünü shahde dükheakshihba de?”

EZEKIEL 20:17

Tütüshe inü arü ki muzhode kheah tüsho arü müdükheakshih yungsho sunglo ching arü mükheamshih.

EZEKIEL 33:28

inü lomi ju azhik tüsho abahkhi khülang kamshihbah, tüsho kükheangkhi yu akheam thsübah; tüsho Israel müzüngbo ju shenü mütsahhopü thsüde zhikrangkhündo alabah.

EZEKIEL 6:14

Tüsho inü arü azhihde I khah chungkhitbah tüsho loshelo chingnü Bibla khiungde alomi ju thsümünima zhikrangkhündo kamshihbah. Judüki I Atungpuh de arünü mükheahbah.

LEVI 26:31

Inü nüsa kiutobo akeangkeang kamshihbah tüsho amüsüh dangpungbo zhikabahshihbah, tüsho nüsanü arhümthüneabe kingaünkhi mümünimjih.

LEVI 26:44

Tütüshe, arübo arü riri lomi ching lalashe, inü arübo mübahyuk yungsho shahde müthsümünim, tüsho arü kheak inü tangzüngkhi müthsümünim; tümüde I Atungpuh arü Thrünpuh.

ZEPHANIA 1:18

Atungpuh bukakhiuk nimung ching arü shotoyinchi yungsho sunanü arü mükhümkhitkhuk; api mükthsü mo ching alomiküp athrünkhi aniuabahbah, tümüde apinü alomi ching larü alala zukleangnü akheamshihbah.