JEREMIA 4:22 - AMÜSÜH HÜM CL Bible (BSI)

²² “Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

JEREMIA 4:22 Iomraidhean Croise

THRÜNTAN 39:16

Jumonü api putungrü thüyam lim marüyi khiungde alibenü khimmih ju anihbe ki zo.

2 SAMUEL 13:3

Tüshe Amnon müyambuh khülang amung Jonadab, David akhiung Shimea tsührü lakheah; tüsho Jonadab ju rük ayuk mihtsürü lakheah.

MUNGSHIKHÜN 36:3

Api yu asukkhibo mihbukmuyuk ah tüsho akeangyunü milah; apinü kheaküa lümlung lade arhimopü tüsho atsü rhimopü kheamabahdo.

MUNGSHIKHÜN 36:4

Api yapkiu ching yapde alachoki amütsü lümkhi asahchoh; tüsho apinü arhimokhi tümü she atsü müla, tüsho apinü küyimkishe amütsü mübahyuk.

MUNGSHIKHÜN 53:4

Yikhap nangde I mihtsürü tsühabahrü, tüsho Thrünpuh ki müjirü, amülim rhimorübo mükheahmudu müla de?

MUNGSHIKHÜN 82:5

Arünü mümükheah, yungsho arünü manikhit; arü amiting ching tsahchoh; alomi khimtanbo alala niukniuklah.

MÜCHITMUDU 28:5

Amütsü mihtsürünü thiyuro mümükheah, tüshe sherünü A TUN GPU H yimchonü alala anikhitlah.

ISAIA 1:3

Moshipungnü atungrü mükheahlah, tüsho donkinü aputungrünü yimkippung mükheahlah; tüshe Israelnü mümükheah, I mihtsürünü manikhit.

ISAIA 27:11

Küyimki akhahbo muwubanü azoberübonü arübah atakpü yihchoh. Tümüde ha anikhitkhi mülakhi mihtsürü ah; jumonü arü Thrünrünü arü kheak amuzho müla, yungsho arü ki mihmüthsüm muhuh.

JEREMIA 10:8

Arü chido keakeashahshah-a tüsho makhaa lah; mümokhi sangthsübo kheaknü arünü tümü anikhitpü?

JEREMIA 13:23

Ethiopiarünü arü küp müthrikhukba de, yungsho sangtsungbonü arü yak müthrikhukba de? Jushu lang nünü she amütsü rhimode alakhi atsü rhimobah.

JEREMIA 2:8

“Atungpuh küching la?” de amükeamrübonü mütha. Yakzanshuhrübonü I mümükheah; Yakzanshuhrübonü I azhihde lakmih; wukihrübonü Baal hode müchit, tüsho alü mülakhi kukruk dunglim yü.

JEREMIA 4:21

Külokhüh inü keochihkhi ngüba tüsho hulipungpung düsheak soba?

JEREMIA 5:21

Ha aniang, O makhakhi tüsho sulüm mülakhi mihtsürübo, sherü mükjibo la, tüshe müngücho, sherü nükhünbo la, tüshe musocho.

JEREMIA 5:4

Judüki inü tha, “Harü lang zhochihrü ah, arübo lümduhlah; tümüde arünü Atungpuh limro, arü Thrünpuh yakzan mümükheah.

JEREMIA 9:2

O loshelo ching I lapung lakhülaa inü I mihtsürübo bahjihbah tüsho arü kheaknü tsoabahbah! Tümüde arü alala müzammüramrü, mülapyukrü boto lah.

JEREMIA 9:3

Arünü akeangyu thsungkheak arü mulobo sanglüh nangde hünchoh; arübo lomi ching thiyuro thsungkheak amürangrü yung; tümüde arünü amütsü chingnü amütsü ching yüdo, tüsho arünü I mümükheah, Atungpuhnü thachoh.

JEREMIA 9:5

Arü alalanü arü yamhingrü mülapyukchoh, tüsho shenü she thiyuro masuk; arünü akeangyu thapü arü mulobo ki thsangyudo; arünü amülim yihbeakdo tüsho neak yihbeakkhinü keaka lah.

EZEKIEL 16:30

Wuto Atungpuhnü thachoh, nünü achih mühanrü müzammüramrü nangde harü alala rhimodo.

HOSEA 4:1

Atungpuh yu soang, O Israel mihtsürü; tümüde Atungpuhnü lomi ching larü thürühpü lah. Lomi ching athülünkhi yungsho mihmuzho, tüsho Thrünpuh mükheahkhi müla.

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

HOSEA 5:4

Arü rhimobonü arü Thrünpuh kilim rholode ayüpü mümülü. Tümüde yüliyüra me arü kheak lah, tüsho arünü Atungpuh mümükheah.

AMOS 3:10

Atungpuhnü ha thachoh, Sherünü thiyih bukde tüsho ahüh-a arü lapung ching zochonü, arünü alim rhimopü mümükheah.

MIKA 2:1

Sherünü arü yapkiu kheaknü mihbukmuyuk tüsho amütsü rhimo lümkhi thsüchonü ayokhe! Küyimki yinkhibanü, arünü ju asahchoh, tümütüsho ju arü wu ching lah.

MIKA 7:3

Arü khahbo amütsü thsüpü yuklah; atorü tüsho mahkhaprünü buknim kheangchoh, tüsho wularübonü arü künkhi thachoh; hanangde arünü lümkhi amütsü thsüchoh.

LUKNÜ ATHRÜTKHI THIYUSHEAK-ATSÜ HUHTANYU 16:8

Junangde aputungrünü thiyuro mülakhi khinkihthsübuh ju tsülah de tha tümütüsho apinü rük lade rhimo. Tümütüsho ha lomi tsührübo ju arü lün ching ayin tsührübo kheaknü rük labeah.

JOHAN 16:3

Tüsho arünü harü nüsa ki rhimobah, tümütüsho arünü I Buh yungsho l mümükheah.

ROMRÜ KILIM PAULNÜ ATHRÜTKHI KIHÜM HUHTANYU 1:22

Lümlung lah de athakhinü, arü makharü kam,

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

ROMRÜ KILIM PAULNÜ ATHRÜTKHI KIHÜM HUHTANYU 16:19

Nüsanü mihyuanikhi dünkheak mihbüm abannü sodo, jumonü nüsa kheak I asühkhinü mide lah; tüshe nüsanü atsü dünkheak inü nüsa lümlung larü tüsho amütsü dünkheak lümlang thsüshihnelah;

ROMRÜ KILIM PAULNÜ ATHRÜTKHI KIHÜM HUHTANYU 3:11

Shenü she manikhit, shenü Thrünpuh müyim.

1 KORINT 14:20

Keoniorübo, nüsa lümzülümdo ching azürü düthsü, amütsü ching khungarü thsang, tüshe lümzülümdo ching azorü kamang.

YUZÜNGTHALO 32:28

Tümüde arü sulüm mülakhi trük ah, arü kheak anikhitkhi müla.

YUZÜNGTHALO 32:6

Nüsanü Atungpuh kheak hade rhimocho de, nüsa abünrü tüsho azhazha mihtsürü? Api ju nü thrünrü nü buh yung de, shepünü nü thrün tüsho trük kamshih?