JEREMIA 4:20 - AMÜSÜH HÜM CL Bible (BSI)

²⁰ Thsümütsünü thsümütsü yankihchoh, lomi abümnü thsümünima yaplah. Zukleangnü I khimyambo, khülang kinü zhindokhimbo thsümünima lah.

JEREMIA 4:20 Iomraidhean Croise

MUNGSHIKHÜN 42:7

Nü kezho düsheak ching asüknü asük ki jichoh; nü ke abükde abukkhinü I zhihodo.

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

ABEKHIT 33:5

Tümüde Atungpuhnü Mosa ki tha, Israelrü ki thaang, “Nüsa anihnih mihtsürü ah. I nüsa lung anükhüh kheak lang she yükhülaa, inü nüsa shahde adükheakshihbah. Kheakü nüsa zülubo yihkhitang, tüsho nüsa kheak tümü rhimobanü inü apungkhibah.”

ISAIA 13:6

Tüzhode tripang, tümüde Atungpuh nimung thüninde lah; ju Wuto kilimnü athsümünimpü nangde arübah!

ISAIA 15:5

I mulongnü Moab thsungkheak tripchoh; anihbe mihtsürü Zoar ching, Eglath-shelishiya ching tsodo. Tümüde Luhith mutuh kheak arü tripde wutuchoh; Horonaim limro ching arünü athsümünimkhi dünkheak zhichoh;

ISAIA 33:20

Zion kheak kheahang, thüniopü mokhitkhi isa kiuto! Nüsa müknü Jirusalem ngübah, keamramkhi lapung, makhinkhi khimyam, küpü dungjingbo küyimki she muthokhitbe la, tüsho müyihshakpü la.

ISAIA 47:9

Harü chido kim khülang, nimung khülang chingnü nü kheak arübah: nünü wurük ahihdo tüsho müchit-wu ato huhhuh she, tsührü dükheakpü tüsho khimoberü kampü kim dükde ching nü kheak arübah.

ISAIA 54:2

Nü khimyam lopung jashang tüsho nü lapung zhindokhibo thoshangang; düzünglo; nü liu shangshang tüsho ashungdung düküngshang.

JEREMIA 12:11

Arünü ju abahkhi lo kamshih; azhikmonü, I mitripchoh. Alomi alala loshelo kamdo tüshe shenü müküm.

JEREMIA 17:18

I thsümüchirü achih ngüshang, tüshe I achih düngüshih; arü müyinsahshang tüshe I a dümüyinsahshih; arü kheak thsümütsü nimung handarang; alochode athsümüchinü arü dükheakshang!

JEREMIA 4:21

Külokhüh inü keochihkhi ngüba tüsho hulipungpung düsheak soba?

JEREMIA 4:27

Tümüde Atungpuhnü ha thachoh: Lomi abümnü zhikrangkhündo alabah; tütüshe inü akheam tsütsü mükamshih.

JEREMIA 4:6

Zion limpeang riphin shuhkihang, tsoyukpung yimang, dashu, tümüde inü dukulimnü amütsü tüsho athsümünim ato handarado.

JEREMIA 9:18

arünü nahde isa kurungkheak mitrip-khün thsüshang, junangde isa mükbo ching chike bukbah, tüsho isa mükküpbo ching ke bukbah.

TÜZHOKHI 3:47

thsünü tüsho qimürip, abahyukkhi tüsho athsümünim isa kheak arü.

EZEKIEL 14:21

Tümüde Wuto Atungpuhnü ha thachoh: Mihtrebe phüyi Jirusalem azhihde, nukshang, khümzung, mütüm shiwühbo tüsho arüm–mihtsürü tüsho arü shiwühbo laksahpü arüshihchoki küdükhüh amütsübe laba!

JOEL 1:15

Nimung thsungkheak aha! Tümüde Atungpuh nimung thüninde lah, tüsho athsümünimpü Wuto kilimnü arüchoh.

LEVI 26:18

Harübo dünjishu she nüsanü I yu manisho, kheaküshe nüsa neak dünkheak inü thüne ki thsümüchibah.

LEVI 26:21

Kheaküshe nüsanü I azhihsho tüsho I yu manisho, nüsa neak dünkheak thüne ki mutuklode athsümüchibah.

LEVI 26:24

inü she nüsa kheak azhihbah, tüsho nüsa neakbo dünkheak inü thüne ki thsümüchibah.

LEVI 26:28

inü she I bukakhiukde nüsa kheak mükthsübah; tüsho nüsa neak dünkheaknü thüne ki thsümüchibah.

HABAKKUK 3:7

Inü Kush khimyambo thsünüde ngü; Midia lomi khimyam zhindokhimbo ajan.

WÜHKHE 16:21

“Nüke boto chingnü atrütang, tüsho inü arübo khülangkiyu thsüde akheamshihbah.”

WÜHKHE 16:45

“ Harü boto chingnü tsoakhinang, tüsho inü arübo khülangkiyu thsüde akheamshihbah,” tüsho ane miro zhinabah.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

2 TESALONIKA 1:9

Arübo athsümünim tüsho Thrünpuh miki tüsho api wu müretah chingnü chamkhia bahkhi thsünü labah,