JEREMIA 4:11 - AMÜSÜH HÜM CL Bible (BSI)

¹¹ Ju kim ching ha mihtsürü tüsho Jirusalem ki thabah: Loshelo ching awung mujukbo chingnü apung atak I mihtsürü kilim arüchoh, ayünpü yungsho amüsühpü lang yung–

JEREMIA 4:11 Iomraidhean Croise

MUNGSHIKHÜN 11:6

Apinü mihbukmuyuk kheak mokhih tüsho motaklung akishihchoh; apinü apung ataknü arü thsümüchichoh.

ISAIA 22:4

Jumonü inü tha: I kheaknü anguhde tsoang, inü tripdüsükde tripanü; inü muzhokhi mihtsürübo dükheakkhi thsungkheak I düshukheam.

ISAIA 27:8

Yankhita bahde, ramtso hode nünü arü azhihde thirithsü; abukakhiukde apinü arü aniakhiuklim pung yünkhi nimung lahkhita bah.

ISAIA 41:16

Nünü arü yünbah tüsho apungnü hande atsobah, tüsho chinthrümnü arü yünmüzütbah. Judüki nünü Atungpuh lung asühachihbah; Amüsüh Israel Thrünpuh lung nü müretahbah.

ISAIA 64:6

Isa alala mümüsührü nangde kamdo, tüsho isa thiyurolungki rhimo alala amüneankhi khim nangde lah. Isa alala sangyü nangde kamshihchoh, tüsho isa amülimnü apung nangde isa yünde tsochoh.

JEREMIA 13:24

Inü nüsa loshelo ching apungnü hitsüt yünde atsokhi nangde hiumüzütshihbah.

JEREMIA 14:17

Nünü arü ki ha yu thaang: Azhing tüsho ayin I mükbo ching chike bukkhishang, tüsho jurü dükheamshih, tümüde atsangkhit tsührübe – I mihtsürü– mülangde dama kinga yapshihlah, khide sükde yurijihdo.

JEREMIA 23:19

Kheahang, Atungpuh tsüngpungtsüngpung! Bukakhiukkhi tsodo, chitmühean khülang; ha mihbukmuyuk ku kheak keamkihbah.

JEREMIA 4:12

khide amüküp pung I kilimnü arükhi khülang lah. Kheakü arü azhihde inü mahkhapbah.

JEREMIA 8:19

Aniang, limshu tüsho amülih lomi ching amuzhobe mihtsürünü azhikhi: “Atungpuh Zion ching müla de? Anihbe kiulongthsüpuh kheaküa ju ching müla de?” (“Tümüde arünü arü sangthsübo, arü khiungkerü sangthsübo kheak I bukakhiukshihkhea?”)

JEREMIA 9:1

O I ku ha kenü müthsüde, tüsho I mükbo ha chike bukpung müthsüde, junangde inü animung tüsho are amuzhobe I mihtsürü laksahkhi thsungkheak tripbah!

JEREMIA 9:7

Jumonü Wuto Atungpuhnü ha thachoh: Inü kheakü arü tsangkhitbah tüsho rükakibah, tümüde I mihtsürü neak dünkheak inü tümü thsükhukba?

TÜZHOKHI 2:11

I mük chingnü chike kungabahdo; I mulong thsünüchoh; I mihtsürü thsümünimkhi mulong rozhakkhi hode I khia lah, tümütüsho azürübo le khungarübo kiuto kiudunglimrobo ching sheshichoh.

TÜZHOKHI 3:48

I mihtsürü thsümünimkhi dünkheaknü I mükbo ching chike ayungbo bukchoh.

TÜZHOKHI 4:10

Mihmuzhokhi azoberü khahbonü arü nihbe tsührübo ngüp; I mihtsürü thsümünimkhi ching arübo ju arü tsühyungpü kam.

TÜZHOKHI 4:3

Shirungbonü she arü nunu kilim niuh duhchoh tüshe I mihtsürü a bukmükede kamdo, sunglo ching kewühtopübo nangde lah.

TÜZHOKHI 4:6

Tümüde arungrü khah mülade sühkhüh kheaknü akeamkhi I mihtsürübo thsümüchi ju Sodom kheaknü atobe ah.

EZEKIEL 17:10

Ha khimdo tüshe ha atoba de? Aniakhiuklim pungnü ayünchoki asürüpung chingnü shahde yiuhamübahba de?

EZEKIEL 19:12

Tüshe ju bukmüshakkhi ching rukkhit tüsho alo ching bah. Aniakhiuklim pungnü aso ju yünmukuhabah, akhah adüküngbo yünshaka sheshih tüsho monü aniuabah.

HOSEA 13:15

Api keoniorü bolung lakhitde kamkam she, aniakhiuklim pung Atungpuh kilimnü arübah, sunglo chingnü ayükihbah; tüsho api kenü ngahabahbah, api yungzü kungabahbah. Junü api rahpung, shoto kukruk alala luabahbah.

HOSEA 13:3

Jumonü arübo ju yapsu shumuliu nangde yungsho mükikde kheamabahkhi ayinke nangde, rhimopung chingnü hitsüt yüna tsoshihkhi nangde yungsho ayinripit ching mokhüh nangde alabah.

HOSEA 4:19

Arübo ju apungnü yünde atsobah, tüsho arünü shuhmülanga kingaünkhibonü arü kheak achih handarübah.

HABAKKUK 1:11

Junangde arünü apung nangde phütchoh; arünü lakmihchoh tüsho amülim kamchoh; arü nihbuh sühmüh ju lang arü thrünpuh ah!

HABAKKUK 1:6

Tümüde inü mihmukhiuh tüsho mükeamramkhi trükshih, nihbuh yo yungkhi lapungbo lupü alomi mülih hode atsahkhi Kaldearü wusushihchoh.

MATHI 3:12

Api khah ching phürü shuhlah, tüsho apinü rhimopung tsüde amüsühbah tüsho api jakam ching hi hanmukhungbah; tüshe apinü atsütbo a amümütbe mo ching takbah.”

LUKNÜ ATHRÜTKHI THIYUSHEAK-ATSÜ HUHTANYU 3:17

Api rhimopung müsühabahpü, tüsho api jakam ching wheat hi hanmukhungpü akhah ching phürü shuhlah, tüshe atsütbo a apinü amümütbe monü atakbah.”