JEREMIA 4:10 - AMÜSÜH HÜM CL Bible (BSI)

¹⁰ Judüki inü tha, “Ah, Atungpuh T H RÜ NPU H , küde nünü shahde ha mihtsürü tüsho Jirusalem mulomülapde athakhea, ‘ Nukshang nü hung kheak lalashe nü mungtsü labah!’ ”

JEREMIA 4:10 Iomraidhean Croise

ABEKHIT 5:22

Judüki Mosanü Atungpuh kilim rholobah tha, “Atungpuh , tümü thsükhi nünü nü mihtsürübo kheak küpkhuk hande arükhea? Tümüde nünü I ha ching arüshihkhea?

ABEKHIT 9:14

tümütüsho hakhip a inü arüm ju nü mulong ching, nü yamlarübo le nü mihtsürübo kheak arüshihbah, junangde alomi alala ching I ruk müla de nünü amükheahbah.

ISAIA 30:10

shenü angürü ki thacho, “Düngü”; tüsho wukihrü ki, “Alungki lakhi isa ki dümüchit; isa ki atsübo asukang, arükchihbo müchitang,

ISAIA 37:35

Tümüde I tüsho I yamlarü David mung chingnü ha kiuto khümkhitpü inü atsunglobah.”

ISAIA 63:17

Tümüde, O Atungpuh , nünü isa nü limro chingnü tsoshihcho tüsho isanü nü mütrepü thsüde isa mulong müküpshihcho? Nü yamlarübo mung chingnü, nü yamrüplurüp trükbo mung chingnü rholoang.

JEREMIA 1:6

Judüki inü tha, “Ah, Atungpuh Thrünpuh ! Kheahang, inü küde athabanü mümükheah, tümüde I azürü nunu khülang ah.”

JEREMIA 23:17

Atungpuh yu mükhemükimrü kheak arünü thachoh, “ Nüsa tsüde alabah;” tüsho nihnihde nihbuh mulongkhi ching yanrü ki arünü thachoh, “Thsümütsü tümü she nüsa kheak marü.”

JEREMIA 32:17

Ah, Atungpuh T H RÜ NPU H ! Nünü nü wu ato tüsho nü khah chungkhitkhinü thüningbo tüsho alomi thrün! Nü thsungkheak tümü she achak müla.

JEREMIA 4:18

“ Nü limrobo tüsho nü rhimobonü ha nü kheak handarüdo. Ha nü neak hode thsümütsü lah; ha küdükhüh akhüh! Hanü nü mulong khiungdo.”

JEREMIA 5:12

Arünü Atungpuh dünkheak mülimde asukdo, tüsho tha, “Apinü tümü müthsü. Tümü amütsü isa kheak marü, tüsho isanü thirithsü yungsho khümzung müngü.”

JEREMIA 6:14

Arünü I mihtsürü mü anükhüh lang ngushihdo, ju ching mungtsü mülalaa, “Mungtsü, mungtsü,” de tha.

JEREMIA 8:11

Arünü I mihtsürübo mü anükhüh lang thsüngujihde mungtsü mülachoki “Mungtsü, mungtsü,” de tha.

TÜZHOKHI 2:21

Athunu tüsho azorü kiudunglimrobo ching alo kheak yaplah; I yo athunu liberübo tüsho athunu athrürübo nukshangnü keamdo; nü bukakhiukkhi nimung ching nünü mihmüthsüm mülade arü laksahdo,

EZEKIEL 11:13

Kheakü inü müchitchoki Benaia tsührü Pelatia sheabah. Judüki inü miro mükhüm tüsho düsheak achangnü trip, “Ah, Wuto Atungpuh ! Israel aningkhi nünü shahde dükheakshihba de?”

ROMRÜ KILIM PAULNÜ ATHRÜTKHI KIHÜM HUHTANYU 1:24

Jumonü Thrünpuhnü mümüsühkhi arü mulongnü akünkhi lim, arü bolung arü pang wüntre müjihkhi lim arübo jihabah,

ROMRÜ KILIM PAULNÜ ATHRÜTKHI KIHÜM HUHTANYU 1:26

Ha dünkheaknü Thrünpuhnü arübo achihbe rhimo lim jihabah. Aliberübonü yakli lakhinü yakli mülakhi müthriabah,

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.