JEREMIA 4:1 - AMÜSÜH HÜM CL Bible (BSI)

¹ Nüsanü rholosho, O Israel Atungpuhnü thachoh, nüsanü I kilim rholosho, nüsanü athraneanbe I mikinü yihkhita bahsho, tüsho tsahphülapde müyüsho,

JEREMIA 4:1 Iomraidhean Croise

THRÜNTAN 35:2

Jakobnü api yamkhün tüsho api lung larü alala ki tha, “Nüsa bolung lakhi khiungkerü thrünpuhbo bahbah nüsa tsangkhitang, tüsho nüsa khimmihbo müthriang.

2 KIULONG THSÜRÜ 23:13

Kiulongthsüpuhnü Jirusalem aniakhiuklim lakhi achang dangpungbo Athsümünim Wung düjinglim lakhi, Israel kiulongthsüpuh Solomonnü Sidonrü athraneanbe Astar thsükhi, Moabrünü athraneanbe Kemosh thsungkheak, tüsho Amon mihtsürünü athraneanbe Milkom thsungkheak thsükhi thsümünim.

2 KIULONG THSÜRÜ 23:24

Kheaküshe Josianü akhasherü, thümürü, yambuk thrünpuhbo, sangthsübo, tüsho Juda le Jirusalem lomi ching ngükhi athraneanbe alala yihkhita bah, junangde Hilkia amükeambuhnü Atungpuh yam chingnü angükhi hüm ching thrüta lakhi yubo apinü düküngde zo.

2 KIUTHSÜYUKHEAN 15:8

Küyimki Asanü harü yubo, Oded tsührü Azarianü müchitkhi sokhea, apinü mulong tode kam, tüsho Juda le Benjamin lomi tüsho apinü Ephraim wungbo chingnü ayankhikhi kiutobo alala chingnü athraneanbe sangthsübo yihkhita bah. Apinü Atungpuh yam mükü müngüh lakhi Atungpuh kingaün sadam thsülo.

2 KIUTHSÜYUKHEAN 33:8

nüsanü lang inü nüsa kilim thiyukhüm, yakzan, yakzan thsükhi, tüsho thiyuzüngbo Mosa hode ajihkhi kümkangde rhimosho, inü nüsa jipürü thsungkheak jihkhi lo chingnü küyimkishe Israel jing matrütloshih.”

2 KIUTHSÜYUKHEAN 34:33

Josianü Israel mihtsürübo yo lomi alala chingnü athraneanbebo lude tso, tüsho Israel ching larü alala ki Atungpuh arü Thrünpuh kingaünshih. Api nimungbo alala ching Atungpuh arü jipürü Thrünpuh yankhi chingnü rholode mutso.

ISAIA 31:6

Nüsanü tode azhihbuh kilim rholoang, O Israel mihtsürü.

JEREMIA 15:19

Jumonü Atungpuhnü ha thachoh: Nünü rholosho, inü nü beloa lubah, tüsho nü I miki zhipbah. Shoto küpüanü nünü thasho tüsho müthülünkhi müthasho, nü I yu tharü thsübah. Arünü nü kilim rholode arübah, nünü arü kilim rholode müyü.

JEREMIA 15:4

Hezekia tsührü Juda kiulongthsüpuh Manasenü Jirusalem ching rhimokhi hode lomi kiulongthsü alala ki inü arübo mihtrebe kamshihbah.

JEREMIA 18:11

Kheakü, jumonü Juda mihtsürü tüsho Jirusalem ching larü ki thaang: Atungpuhnü ha thachoh: Kheahang, nüsa azhihde inü thsümütsü thsüchoh tüsho rük amütsü thsüchoh. Nüsa alala limro amütsü chingnü kheakü rholoang, tüsho nüsa limrobo le nüsa rhimobo müthriang.

JEREMIA 24:9

Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 25:5

küyimki arünü tha, “ Nüsa mihbüm abannü nüsa amütsü limro tüsho amütsü rhimobo chingnü kheakü rholoang, tüsho Atungpuhnü nüsa le nüsa jipürü kilim jihkhi lomi ching lünnü nüsa aninga labah;

JEREMIA 3:1

Athrürü khülangnü aniube bahbah api kinü tsosho tüsho püpürü thrürü niuberü kamsho, apinü alibe kilim yüloba de? Hadürü lo ju tode mümüneanba de? Nünü müyamrü ahihdo kheak müzammüramdo; tüsho nü I kilim arüloba de? Atungpuhnü thachoh.

JEREMIA 3:12

Yüang, tüsho ha yubo dukulim peang zhiyukjang, tüsho thaang: Rholoang, akin mülakhi Israel, Atungpuhnü thachoh; inü nü kheak bukakhiukde mükheah, tümüde I mihmüthsüm lah, Atungpuhnü thachoh; inü lünnü bukakhiukdü lang müla.

JEREMIA 3:14

Rholoang, O akin mülakhi tsührü, Atungpuhnü thachoh, tümüde I nü putungrü lah; inü nüsa, khülang kiuto chingnü tüsho mahne yamkhün chingnü bea lubah, tüsho inü nüsa Zion lim bedarübah.

JEREMIA 3:22

Rholoang, O akin mülakhi tsührübo, inü nüsa akin mülakhi chingnü thsüngujihbah. “He, isa nü kilim arüchoh; tümüde nü a Atungpuh isa Thrünpuh.

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 36:3

Khükia inü arü kheak rhimopü lümkhi thsümütsü alala Juda yamkhünnü sobah arü alala arü amütsü limrobo chingnü rholobah, junangde inü arü mülimkhi tüsho arü neak bahjihbah.

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JEREMIA 7:3

Wuto Atungpuh Israel Thrünpuhnü ha thachoh: Nüsa limrobo tüsho nüsa rhimobo thsülangang, tüsho ha dangpung ching I nüsa lung laanü.

JEREMIA 7:5

Tümüde nüsanü atsütsünü nüsa limro tüsho rhimobo thsülangsho, nüsanü khülangnü khülang ki thiyuronü rhimosho,

JEREMIA 7:7

jude thsüsho ha dangpung inü nüsa jipürü kilim lünnü lün jihkhi lomi ching I nüsa lung labah.

EZEKIEL 11:18

Arünü ju ching rholobah tüsho achihbe-yakli mejakbo tüsho athraneanbe sangthsübo lahkhita bahbah.

EZEKIEL 18:13

Apinü sholü lude nipjihchoh. Hadürü mihtsürü alaba de? Api müla! Tümütüsho apinü harü athraneanbe alala rhimodo, api tsükjide asheshihbah tüsho api thiyih anihbuh kheak labah.

EZEKIEL 43:9

Kheakü arünü arü sangthsü kingaünkhibo tüsho arü kiulongthsürü ashemibo I kheaknü limshude bahshang, tüsho inü arü bolung lünnü alabah.

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

HOSEA 2:2

Nü be ki thürühang, thürühang, tümüde anihbe I niube yung tüsho I aniubuh yung. Anihbenü müzammüramkhi tüsho beyapkhi tukloshang.

HOSEA 7:16

Arünü alü mülakhi lim rholochoh; arübo ju müdüküngkhi sanglüh nangde kamdo; arü torübo arü mulo mütsükhi hode nukshangnü akeambah. Tüsho Ijiprünü arü ki münejihbah.

JOEL 2:12

Kheaküshe, Atungpuhnü thachoh, khümkeak thsüde, tripde tüsho tüzhode, nüsa mulong alalanü I kilim rholoang.

ZEKARIA 1:4

Nüsa jipürü nangde düla, sherü ki akhuhlim wukihrübonü zhiyuk, “ Wuto Atungpuhnü ha thachoh, Nüsa amütsü limrobo tüsho nüsa amütsü rhimobo chingnü rholoang.” Tüshe arünü muso yungsho I ki mani, Atungpuhnü thachoh.

YUZÜNGTHALO 27:15

“‘Shepünü lung, sang tüsho yinchinü thsüa ramde kingaünchonü api muthrumünean thsang; Atungpuhnü sangthsü kingaünkhi thraneanchoh.’ Tüsho mihtsürü alalanü athabah, “Amen!”

YUZÜNGTHALO 4:30

Nimung ho dunglim hadürü nüsa kheak arübah nüsa lümthsünüsho, küyimki nüsanü Atungpuh nüsa Thrünpuh kilim rholode api düsheak anibanü,

JIHUSUA 24:14

“Jumonü Atungpuh wüntreang, tüsho rhüngrhüngde tüsho thiyuronü api tankihang; nüsa jipürünü ke thripkhüh tüsho Ijip ching kingaünkhi thrünpuhbo bahkhiang tüsho Atungpuh tankihang.

MAHKHAPRÜ 10:16

Jumonü arünü khiungkerü thrünpuhbo arü bolungnü yihkhita bah tüsho A TUN GPU H tankih. Tüsho Israel thsünükhi apinü küruhkhüh marümkheamde alakheah.

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”