JEREMIA 39:9 - AMÜSÜH HÜM CL Bible (BSI)

⁹ Judüki aheangrü wühkenobuh Nebuzaradan nü kiuto ching aninga lakhi mihtsürü alala, api kilim shande arürübo Babilon ching rama lubah tso.

JEREMIA 39:9 Iomraidhean Croise

THRÜNTAN 37:36

Kheakü api ju Midiarünü Ijip ching Pharao torü tüsho api aheangrü wühkenobuh Potiphar ki yin.

2 KIULONG THSÜRÜ 20:18

Nü kilim zübejihkhi tsührü athrürü khürü hande atsobah; arübo Babilon kiulongthsüpuh yam ching dukhabo labah.”

2 KIULONG THSÜRÜ 25:11

Nebuzaradan aheangrü wühkenobuhnü kiuto ching aninga lakhi, Babilon kiulongthsüpuh kinü atsorü, aningkhi mihtsürü alala ramtso ching bede yü.

2 KIULONG THSÜRÜ 25:20

Nebuzaradan aheangrü wühkenobuhnü arü bea lubah Ribla ching Babilon kiulongthsüpuh kilim arü.

ISAIA 5:13

Jumonü I mihtsürübo mükheahmudu mülade ramtso ching yübah; arü limberübo akhümnü ashebah, tüsho arü boto kethürinü rungngahbah.

JEREMIA 10:18

Tümüde Atungpuhnü ha thachoh: Ha kim ching inü lomi mihtsürübo lahkhita bahpü thsülah, tüsho inü arü kheak thsümütsü handarübah; junangde arünü angübah.

JEREMIA 16:13

Jumonü inü ha lomi chingnü nüsa yungsho nüsa jipürünü mümükheahkhi lomi ching jipkhita bahbah, tüsho ju ching nüsanü azhing tüsho ayin püpürü thrünpuhbo tankihbah, tümüde inü nüsa ki amuzho muhuh.

JEREMIA 24:8

Tüshe Atungpuhnü ha thachoh: Khubaso amütsü mütsühkhukpü lakhi nangde, inü Juda kiulongthsüpuh Zedekia, api yo atorübo, ha lomi ching lakhi Jirusalem ching aningkhibo tüsho Ijip lomi ching larübo ki rhimobah.

JEREMIA 38:19

Kiulongthsüpuh Zedekianü Jeremia ki tha, “ Inü Kaldearü kilim tsode ayükhi Jihudarü trelah, tümüde I arü kilim jihpü labah tüsho arünü I thsümüchibah.”

JEREMIA 40:1

Aheangrü wühkenobuh Nebuzaradannü api Rama chingnü dükheshu Atungpuh yu Jeremia kilim arü. Apinü Jeremia ju Jirusalem tüsho Juda aramrübo Babilon ramtso ching hande ayürü bolung yinchiliunü rhüka ngü.

JEREMIA 40:7

Küyimki lomi mükeak ching thirithsürü limberübo alala tüsho bonungrübonü Babilon kiulongthsüpuhnü Ahikam tsührü Gedalia lomi ching kovünor mokhitkhi, tüsho Babilon ramtso ching hande müyükhi lomi ching zhochih traktrak, athrürü, aliberü tüsho azürübo api jihkhi sokhea,

JEREMIA 52:26

Judüki aheangrü wühkenobuh Nebuzaradannü arübo bea lu, tüsho Ribla ching Babilon kiulongthsüpuh kilim bebah arü.

JEREMIA 52:27

Tüsho Babilon kiulongthsüpuhnü Hamath lomi Ribla ching arübo kingsahabah. Jumonü Judarü ju nihbuh lomi chingnü ramtso ching yükheah.

DANIEL 2:14

Judüki Danielnü lümlung lade tüsho kümkangde, Babilon lümlung larü mihtsürü laksahpü wukhiukbuh kiulongthsüpuh wühkenorü Ariok ki alo;

LEVI 26:33

Inü nüsa trükshih bolung müzütshihbah tüsho nüsa azhihde nukshang thokhitbah; nüsa lo zhikabahbah tüsho kiutobo akeangkeang kambah.

YUZÜNGTHALO 4:27

Tüsho Atungpuhnü mihtsürü bolung nüsa hiumüzütshihbah, tüsho Atungpuhnü nüsa külimpeang bebanü trükshih bolung nüsa nükde alabah.