JEREMIA 39:6 - AMÜSÜH HÜM CL Bible (BSI)

⁶ Babilon kiulongthsüpuhnü Ribla ching Zedekia tsührübo amük kinü laksah; Babilon kiulongthsüpuhnü Juda torübo she laksah.

JEREMIA 39:6 Iomraidhean Croise

THRÜNTAN 21:16

Tüsho alibenü limthrip 100 bande yübah bin, tümüde anihbenü lüm, “Inü azübuh shekhi mükheahkhuk.” Alibe ju ching binchoki atrippü tankih.

THRÜNTAN 44:34

Tümüde I lung azübuh mübede inü küde thsah I buh kilim yüpü? I buh kheak thsümütsü arüpü lakhi inü trelah.”

2 KIULONG THSÜRÜ 22:20

Jumonü inü nü nüsa jipürü lung yüshihbah, tüsho nü nihbuh kiuyuk ching mungtsü chingnü yüzahbah; inü ha dangpung ching thsümütsü alala hande arüpü lakhi nü müknü müngü.” Arünü thiyusheak lulobah kiulongthsüpuh kilim yü.

2 KIULONG THSÜRÜ 25:7

Arünü Zedekia tsührübo api mük kinü laksah, jushu Zedekia mükjibo khünkhit; arünü api wuhrünliunü rhükbah Babilon lim bede yü.

2 KIUTHSÜYUKHEAN 34:28

Inü nü nüsa jipürü lung bede ayübah tüsho nü nü kiuyuk ching mungtsü chingnü yüzahbah; inü ha dangpung tüsho ha ching larü kheak hande arükhi thsümütsü alala nü müknü müngü.” Arünü thiyusheak lubah kiulongthsüpuh kilim yülo.

ESTER 8:6

I mihtsürübo kheak thsümütsü arükhi tüsho I trük laksahsho inü küde arümkhukpü?”

ISAIA 13:16

Arü tsührü aninibo arü mük kinü adütre kamde yihthünakbah; arü khorabo yankhia lubah, tüsho arü niuberübo thsümünimbah.

ISAIA 34:12

Arünü ju ching tümü kiulongthsü mung müji, tüsho yakzanshuhrü alala tümü mülade alabah.

JEREMIA 20:4

Tümüde Atungpuhnü ha thachoh: Inü nü tüsho nü müyamrü alala ki nü atrebe kamshihchoh; tüsho nünü kheahde alachoki arübo arü riri nukshangnü akeambah. Tüsho inü Juda alala Babilon kiulongthsüpuh khah ching jihbah; apinü arübo rama lubah Babilon ching tsobah, tüsho nukshangnü arü laksahbah.

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

JEREMIA 34:3

Tüsho nü she api khah chingnü mutsokhi, tüshe tsükjide tholobah tüsho api kilim jihbah; nünü Babilon kiulongthsüpuh müknü mük ngübah tüsho api ki mironü miro asukachihbah; tüsho nü Babilon lim yübah.

JEREMIA 38:23

Nü niubebo alala tüsho nü tsührübo Kaldearü kilim bede wukhiukbah, tüsho nü she arü khah chingnü mutsokhi, tüshe Babilon kiulongthsüpuhnü arambah; tüsho ha kiuto monü atakbah.”

JEREMIA 52:10

Babilon kiulongthsüpuhnü Zedekia tsührübo api mük kinü laksah, tüsho Juda torübo she alala Ribla ching laksah.

EZEKIEL 23:24

Arünü nü azhihde dukulimnü khora-lolungbe, athsunglolungbe tüsho boto mihtsürü bebah arübah; arünü nü azhihde thrip aban chingnü tsung anini tüsho atoto, tüsho yinchi-kuthran lubah azhipbah, tüsho inü arü kilim mahkhappü jihbah, tüsho arünü arü yuzüng yande nü mahkhapbah.

EZEKIEL 24:5

Namfimihnu bolung amokhitkhi luang, ju khüp sang rhungkihang; ju amapshang tüsho ju ching arobo khiungang.

ZEPHANIA 1:8

Tüsho Atungpuhnü shuhmülanga jihkhi nimung inü atorübo le kiulongthsüpuh tsührübo tüsho khiungkerü khimmih yihrü alala thsümüchibah.

YUZÜNGTHALO 28:34

Junangde nü müknü angükhinü nü aduhabahshihbah.