JEREMIA 39:17 - AMÜSÜH HÜM CL Bible (BSI)

¹⁷ Tüshe ju nimung inü nü khümkhitbah, Atungpuhnü thachoh, tüsho nünü trede alarü khah ching nü müjih.

JEREMIA 39:17 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

2 SAMUEL 24:14

Judüki Davidnü Gad ki tha, “I lümthsünü ato ching lah; ikenü Atungpuh khah ching yüzahanü, tümüde api mihmüthsüm tolah; tüshe inü mihtsürü khah ching müyüzahnü.”

1 KIULONG THSÜRÜ 18:15

Elijanü tha, “Wuto Atungpuh lale, shepü miki I zhipcho, tsükjide khihni api ki I huhbah.”

1 KIULONG THSÜRÜ 18:16

Jumonü Obadianü Ahab shorupü yü, tüsho api ki tha; tüsho Ahabnü Elija shorupü yü.

2 KIULONG THSÜRÜ 6:16

Apinü alo, “Dütre, tümüde arü lung lakhi kheaknü ike lung lakhi ahihbeah.”

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

JEREMIA 1:19

Arünü nü bede keochihbah; tüshe arünü nü mukuk, tümüde nü bekhitpü I nü lung lah, Atungpuhnü thachoh.

JEREMIA 38:1

Kheakü Mattan tsührü Shephatia, Pashhur tsührü Gedalia, Shelemia tsührü Jukal tüsho Malkia tsührü Pashhurnü Jeremianü mihtsürübo alala ki thakhi yubo so,

JEREMIA 38:9

I tungpuh kiulongthsüpuh, harü mihtsürünü akhümnü asheshihpü thsüde kekung ching bahkhi, wukihbuh Jeremia kheak mütsüde rhimodo, tümüde kiuto ching yikhap aninga müla.

DANIEL 6:16

Judüki kiulongthsüpuhnü thiyukhüm jih, tüsho Daniel bedarübah kekhüzübo yam ching jipyuk. Kiulongthsüpuhnü Daniel ki tha, “ Nünü thülünde tankihkhi nü Thrünpuhnü nü bekhitshang!”

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’